Նիկոլ Փաշինյանը Եռաբլուրում

Փաշինյանն Արցախի իշխանության ներկայացուցիչների հետ այցելեց Եռաբլուր. տեսանյութ

92
(Թարմացված է 09:39 21.09.2019)
Նիկոլ Փաշինյանից բացի, Եռաբլուրում ծաղիկներ խոնարհեցին նաև ՀՀ նախագահ Արմեն Սարգսյանը, ԱԺ նախագահ Արարատ Միրզոյանը, Արցախի նախագահ Բակո Սահակյանը, ՆՍՕՏՏ Գարեգին Բ ամենայն հայոց կաթողիկոսը ծաղիկներ։

ԵՐԵՎԱՆ, 21 սեպտեմբերի – Sputnik. Անկախության օրվան նվիրված միջոցառումների մեկնարկից առաջ, մինչ Գյումրի այցելելը ՀՀ իշխանության անդամներն ու Արցախի նախագահ Բակո Սահակյանն այսօր վաղ առավոտյան այցելեցին Եռաբլուր զինվորական պանթեոն՝ հարգանքի տուրք մատուցելու հայրենիքի ազատագրման ու պետականության կառուցման համար զոհված հերոսներին։

ՀՀ վարչապետ Նիկոլ Փաշինյանը, նախագահ Արմեն Սարգսյանը, ԱԺ նախագահ Արարատ Միրզոյանը, Արցախի նախագահ Բակո Սահակյանը, ՆՍՕՏՏ Գարեգին Բ ամենայն հայոց կաթողիկոսը ծաղիկներ խոնարհեցին Վազգեն Սարգսյանի, Արցախյան պատերազմի զոհերի հուշարձանների առաջ։

Կաթողիկոսը հիշատակի աղոթք կարդաց հայրենիքի պաշտպանության համար իրենց հոգին տված հայորդիների համար։

Նշենք, որ Անկախության տոնն այս տարի նշվելու է Գյումրիում։ Այնտեղ նախատեսված միջոցառումներին մասնակցելուց հետո Փաշինյանը մեկնելու է ԱՄՆ։

92
թեգերը:
Եռաբլուր պանթեոն, Բակո Սահակյան, Նիկոլ Փաշինյան, Անկախության օր, Հայաստան
թեմա:
Անկախության օր (28)
Ըստ թեմայի
Անկախության օրն էլեկտրագնացքները կաշխատեն փոփոխված գրաֆիկով. ՀԿԵ
Ամենաճոխ բեմը` նվազագույն գներով. ինչքան կարժենա Անկախության 28-ամյակը Գյումրիում տոնելը
Ինչ միջոցառումներ են նախատեսված Անկախության օրը Գյումրիում