Գյումրու օր

Ինչ է առաջարկում հիասքանչ Գյումրին իր հյուրերին և որ վայրերում արժե լուսանկարվել

279
(Թարմացված է 16:08 24.09.2019)
Ավազոտ լողափներից սելֆիներն արդեն հոգնեցրե՞լ են։ Ուզում եք ոչ ստանդարտ լուսանկարնե՞ր ունենալ։ Կոլորիտային Գյումրին կարող է լուսանկարների սիրահարներին նոր բաներ առաջարկել։

Լիլիթ Հարությունյան, Sputnik Արմենիա

Եթե շատ եք սիրում ճանապարհորդել ու մտերիմներին ցույց  տալ անսովոր լուսանկարներ, միաժամանակ նախընտրում եք ոչ ծեծված ուղղություններ, ապա ճիշտ ժամանակն է մեկնել Հայաստանի հյուսիս՝ Գյումրի։

Այս քաղաքի յուրահատուկ է  նրանով, որ այստեղ շատ լավ է պահպանվել պատմությունը, ընդ որում` ոչ միայն խորհրդային տարիների, այլև այն ժամանակներից, երբ քաղաքը Ալեքսանդրապոլ հպարտ անուն էր կրում` ռուսական ցար Նիկոլայ II–ի կնոջ պատվին։ Ի դեպ, ճարտարապետության տեսանկյունից՝ այդ ժամանակաշրջանը համարվում է քաղաքի «ոսկե դարը»։

Այսպիսով` այստեղ հիանալի ներկայացված է  ոչ միայն վաղ խորհրդային, այլև ուշ կայսերական ժամանակի ճարտարապետությունը, այնպես որ, պահպանված ճարտարապետության սիրահարները հաստատ հիացած կլինեն։

Дом XIX века на улице Абовяна, Гюмри
Գյումրի. 19-րդ դարի շենք՝ Աբովյան փողոցում

Պետք է նշել, որ թեև վերջին շրջանում Գյումրին գնալով ավելի գրավիչ է դառնում  զբոսաշրջիկների համար, սակայն այնտեղ չես տեսնի տեսախցիկներով մարդկանց մեծ ամբոխներ զբոսավարների հետ, այնպես որ, ոչինչ չի խանգարի վայելել ինքնատիպ քաղաքի մթնոլորտը։ Իսկ ճանապարհորդության մասին ամենալավը կարող են պատմել լուսանկարները։ Sputnik Արմենիան առաջարկում է  լուսանկարվելու համար հինգ տեսարան, որոնք առավել ճշգրիտ են արտացոլում հայրաքաղաքի պատմությունն ու մշակույթը։

Աբովյան փողոց

Улица Абовяна в Гюмри
© Sputnik / Lilit Harutyunyan
Գյումրի. Աբովյան փողոց

Այս դյութիչ ու կոլորիտային փողոցը հայտնի է իր տներով, որոնցից յուրաքանչյուրը պատրաստ է պատմել հետաքրքրասեր հյուրին իր պատմությունը։ Հենց  այստեղ են գտնվում Ասլամազյան քույրերի պատկերասրահը, քաղաքային բաղնիքը, «Ֆրանսիա» հյուրանոցը, քաղաքային ակումբի զարդանախշերով լի շենքը, ունևոր քաղաքացիների երկհարկ տները...

Իհարկե, այստեղ հետաքրքիր լուսանկարներ անելու բազում տարբերակներ կան, ու թերևս ամենատպավորիչ տեսարանը նայում է դեպի Վարդանանց հրապարակ, մասնավորապես՝ դեպի Ամենափրկիչ վեհ եկեղեցին։

Ռուսթավի փողոց

Улица Руставели в Гюмри
© Sputnik / Lilit Harutyunyan
Գյումրու Ռուսթավելի փողոցը

Այստեղ կան XIX դարում ու XX դարի սկզբին կառուցված՝ սև տուֆից գեղեցիկ շենքեր, որոնք կառուցել են ունևոր քաղաքացիները։ Սակայն այս փողոցն այլ պատճառով է հայտնվել մեր հնգյակի մեջ։ Վերականգելուց հետո դրա երկու կողմերում լապտերներ են տեղադրել, որոնք հին նմուշով են պատրաստվել։

Улица Руставели в Гюмри
© Sputnik / Lilit Harutyunyan
Գյումրու Ռուսթավելի փողոցը

Ցերեկը սա պարզապես գեղեցիկ է, իսկ գիշերը, երբ լույսերը վառվում են ու լուսավորում հին սալարկ փողոցը, թվում է, թե սա աշխարհի ամենառոմանտիկ քաղաքն է։

Սև բերդ

Եթե բարձրանաք 1834 թվականին ռուսական իշխանության կողմից կառուցված Սև բերդի մոտ, ապա կարելի է  ոչ միայն լուսանկարվել այդ պատմական կառույցի ֆոնին, այլև անմահացնել քաղաքը՝ վերևից։ Թեև, մեր կարծիքով, լուսանկարները մռայլ բազալտե միջնաբերդի ֆոնին՝ շատ ավելի տպավորիչ են։

Ночное освещение Черной крепости в Гюмри
© Sputnik / Lilit Harutyunyan
Գյումրի. Սև բերդի գիշերային լուսավորությունը

Սև բերդը մի քանի տարի առաջ մշակութային կենտրոն է  դարձել: Գիշերն այն լուսավորվում է։ Եվ եթե կարողանաք որսալ պահն իր ամբողջ գեղեցկությամբ՝ հաստատ կկարողանաք ցանկացած մարդու տպավորել անսահման գեղեցիկ, միստիկ լուսանկարներով։

Գորկի այգին

Парк Горки в Гюмри
© Sputnik / Lilit Harutyunyan
Գյումրու «Գորկի» այգին

Քաղաքի հնագույն այգին  գտնվում է բարձունքի վրա, ինչի շնորհիվ էլ ստացել է  իր անվանումը։ Այն իր այցելուներին կտանի դեպի ոչ շատ հեռու անցյալ։ Մասնավորապես, ձեզ կթվա, որ հայտնվել եք նախորդ դարի 40–50–ականներում։ Այստեղ կան ռետրո ոճով հեռախոսախցիկներ, նստարաններ, իսկ ատրակցիոնները քիչ տեղ են պահպանվել։ Դրանք անգործության մատնված չեն, բավական է խնդրել մի տեղ թփերում թաքնված օպերատորին, որն, անկասկած, դեռ խորհրդային տարիներից միացնում ու անջատում է այդ կարուսելները, ու դրանք ձեր աչքի առաջ կկենդանանան։

Парк Горки в Гюмри
© Sputnik / Lilit Harutyunyan
Գյումրու «Գորկի» այգին

Գյումրու տոնի առթիվ Երևան–Գյումրի գնացքները կաշխատեն արտակարգ ռեժիմով

Դարավոր ծառերով լի այս այգում լուսանկարվելու համար բազում անկյուններ կան։ Ոչ մի դեպքում բաց չթողնեք հունական ոճով ռոտոնդան, որտեղից հիանալի տեսարան է բացվում դեպի «Մայր Հայաստանն» ու Սև բերդը։ Խորհրդային տարիներին, երբ քաղաքը Լենինական էր կոչվում, ռոտոնդայի դիմացի հրապարակը հայտնի պարահրապարակ էր, որտեղ հավաքվում էին հյուսիսային մայրաքաղաքի առաջադեմ երիտասարդները։ Հենց դա ենք տեսնում Ալբերտ Մկրտչյանի «Մեր մանկության տանգո» ֆիլմում,  որում նկարահանվել է Ֆրունզիկ Մկրտչյանն ու Գալյա Նովենցը։

Տեքստիլի կոմբինատ

Заброшенный текстильный комбинат в Гюмри
© Sputnik / Lilit Harutyunyan
Լքված տեքստիլի կոմբինատը

Լքված տեքստիլի կոմբինատը, որը ժամանակին կերակրում էր Լենինականը, մեր ցանկի ամենահակասական կետն է։ Առաջին հայացքից այն հիանալի գոթական վայր է ֆոտոսեսիա անելու համար։ Այն խորհրդային Լենինականի արդյունաբերական հզորության ու հետխորհրդային տարիներին քաղաքի ղեկավարության ու բնակիչների ագահության վկան է։

Аллея, ведущая к заброшенной текстильной фабрике в Гюмри
© Sputnik / Lilit Harutyunyan
Լքված տեքստիլի կոմբինատ տանող ծառուղին

Այն ստեղծվել է 1924 թվականին ու դարձել Խորհրդային միության տեքստիլային պրոֆիլի ամենախոշոր միավորումներից մեկը։ 1984 թվականի դրությամբ, կոմբինատը յոթ հազար աշխատատեղ էր ապահովում, ինչն օգնել է Լենինականի զարգացմանը 1918-1921 թվականների թուրքական օկուպացիայից հետո։ Լենինականը Անդրկովկասի տեքստիլային արդյունաբերության կենտրոնն էր։

ՅՈՒՆԵՍԿՕ-ն հասավ Գյումրի. կառույցի մասնագետները հայրաքաղաքում են

Այսօր այդ շենքերը, որոնք վաղ խորհրդային ճարտարապետության հիանալի նմուշներ են, ասես ուրվականների հանգրվան լինեն։ Շենքերն իրենք իրենցով էլ հիշեցնում են ուրվականների, որոնք համառորեն անտեսում են ժամանակն ու մարդկանց։ 

Ֆաբրիկայի ամբողջ տարածքն առանձնացված է ժապավենով, իսկ շենքների մոտ տանում է մի փոքր, բայց շատ հաճելի ծառուղի` խճանկարներով ու գեղեցիկ լապտերներով։ Երկու կողմերից ծառերով պատված լքված շինությունների ֆոնին այն առեղծվածային ու դյութող է թվում, ասես ճանապարհ դեպի կախարդական գաղտնիք...

279
թեգերը:
Լուսանկար, Անկախության օր, Գյումրի
Ըստ թեմայի
Հազարավոր գործազուրկներ ու 380 թափուր աշխատատեղ. ինչ մասնագետների պահանջարկ ունի Գյումրին
Ադրբեջանցիների լուսանկարները Գյումրի չեն բերվել
Ժամկետների մեջ տեղավորվում են. Գյումրու ավտոմաքսատունը հոկտեմբերից կաշխատի
Ինչ միջոցառումներ են նախատեսված Անկախության օրը Գյումրիում
Լաբորատորիա

ՀՀ–ում հակամարմինների թեստավորում կիրականացվի հետազոտման նպատակով. նախարար

4
(Թարմացված է 12:29 07.07.2020)
Արսեն Թորոսյանն անդրադարձավ Հայաստանում իրականացվող նոր` հակամարմինների թեստավորմանը։

ԵՐԵՎԱՆ, 7 հուլիսի – Sputnik. Կորոնավիրուսի ախտորոշման` հակամարմիններով թեստավորում բնակչության շրջանում կիրականացվի հետազոտական նպատակով, որպեսզի հասկանան կորոնավիրուսով վարակվածների մոտավոր տոկոսը: Այսօր հրավիրված ասուլիսի ժամանակ այս տեղեկությունը հայտնեց ՀՀ առողջապահության նախարար Արսեն Թորոսյանը` պատասխանելով հարցին, թե հակամարմինների թեստերը հասանելի՞ կլինեն նաև բնակչությամբ։

Ավելի վաղ հայտնել էինք, որ հունիսի 15-ից Հայաստանում անցկացվում է նոր հետազոտություն` հակամարմինների թեստեր են հանձնում, որոնց շնորհիվ հնարավոր է պարզել` մարդը երբևէ վարակվել է կորոնավիրուսով, թե ոչ։ Այժմ բուժաշխատողների շրջանում է նոր թեստավորումն իրականացվում, և 1000-1100 բուժաշխատող հակամարմինների թեստ կհանձնի։

«Հարցն այն է, որ որևէ մեկի մոտ առկա հակամարմինների երկարատևության ժամկետի առնչությամբ ապացույց չկա։ Այսինքն` այսօր եղած հակամարմինները կարող են մի քանի ամիս լինել բավարար քանակի, իսկ հետո նորից կարող է դրանց թիվը նվազել, և մարդիկ նորից հիվանդանան։ Ավելին, քաղաքացիներ կան, որոնց մոտ հակամարմինների բավարար քանակ նույնիսկ հիվանդանալուց և լավանալուց հետո չի առաջանում»,–ասաց նախարարը։

Թորոսյանը հիշեցրեց, որ այժմ Ամերիկյան համալսարանի հետ համագործակցելով հակամարմինների հետազոտություն է իրականացվում` պարզելու բուժաշխատողների շրջանում կորոնավիրուսի տարածման ցուցանիշը։ Սակայն, ըստ նախարարի, պետությունը չի կարող քաղաքականության մշակման հարցում հիմնվել նման հետազոտությունների վրա։

Ինչ վերաբերում է մասնավոր ԲԿ–ների` հակամարմինների թեստերի իրականացմանը, ապա Թորոսյանը նշեց, որ Հայաստանում հիմա կան հակամարմինների բավական բարձրորակ թեստեր։ Թորոսյանն իր խոսքն ամփոփեց` ասելով, որ հակամարմինների թեստն անձի վարքի փոփոխման հիմք լինել չի կարող, այսինքն` եթե որևէ մեկի մոտ կան հակամարմիններ, դա հիմք չէ հակահամաճարակային կանոնները չպահելու։

Եթե կորոնավիրուսով վարակվել ու լավացել ենք, երաշխիք չէ, որ այլևս չենք վարակվի. Թորոսյան

Հիշեցնենք` Հայաստանում կորոնավիրուսով վարակվածների թիվն արդեն հասել է 29285–ի, վարակի զոհ է դարձել 503 մարդ։ Միայն վերջին մեկ օրում կորոնավիրուսի հետևանքով մահվան 12 դեպք է գրանցվել։

Գիտնականները զգուշացրել են` ապաքինվելուց հետո կորոնավիրուսի հակամարմիններն անհետանում են

4
թեգերը:
հակամարմին, Արսեն Թորոսյան, կորոնավիրուս, Հայաստան
Ըստ թեմայի
Կորոնավիրուսի հետևանքով մահվան 12 դեպք է գրանցվել. ամենաերիտասարդը 54–ամյա կին է
Կորոնավիրուսի պայմաններում աշխատող մանկապարտեզների աշխատակիցները հավելավճար կստանան
Մեկ օրում գրանցվել է 330 դեպք. Հայաստանում կորոնավիրուսով վարակվածների թիվը դարձավ 28 936
Լաբորատորիա. արխիվային լուսանկար

Հայաստանում առաջիկայում կորոնավիրուսի ախտորոշման 4 նոր լաբորատորիա կգործի

18
(Թարմացված է 12:05 07.07.2020)
Արսեն Թորոսյանը վստահեցնում է, որ առաջիկայում կորոնավիրուսի ախտորոշման թեստերի քանակը կավելանա. օրական 3000 թեստավորում կիրականացվի։

ԵՐԵՎԱՆ, 7 հուլիսի –Sputnik. Հայաստանում առաջիկայում կորոնավիրուսի ախտորոշման 4 նոր լաբորատորիա կգործի։ Մամուլի ասուլիսի ժամանակ լուրը հայտնեց ՀՀ առողջապահության նախարար Արսեն Թորոսյանը` խոսելով Հայաստանում արվող թեստերի քանակի հնարավոր աճի մասին։

«Նոր լաբորատորիաներ կգործեն Իջևանում, Մարտունիում, «Սուրբ Գրիգոր Լուսավորիչ» և «Արաբկիր» ԲԿ–ներում։ Նոր ՊՇՌ սարքեր, պահարաններ ենք գնում հիմա, քանի որ եթե ուզում ես ունենալ լավ, որակյալ, հավաստի աղբյուրներով լաբորատորիա, պետք է հսկայական ջանքեր գործադրես։ Այնպես չէ, որ համաճարակաբաններն ու մենք չենք կարծում, որ թեստավորման քանակը պետք է ավելացնել, սակայն այնպես էլ չէ, որ չենք ավելացրել»,–ասաց Թորոսյանը։

Նախարարը նշեց, որ եթե այսօր Հայաստանում օրական շուրջ 2500 կորոնավիրուսի թեստավորում է իրականացվում, ապա առաջիկայում դրանց թիվը կավելանա ու կհասնի 3000–ի։

1-3 շաբաթում միայն պետպատվերով իրականացվող թեստերի քանակը կհասնի 3000–ի, իսկ մասնավոր կենտրոնների թեստավորման թվերն էլ որ գումարվեն դրան, կդառնա, որ օրական 4000 թեստ է արվում Հայաստանում։

Թորոսյանը վստահեցրեց, որ որևէ մեկը դուրս չի մնում գործընթացից, այսինքն` ախտանշաններով բոլոր քաղաքացիներին թեստավորում են։

Նա նշեց, որ եղել են դեպքեր, որ կորոնավիրուսի ախտորոշման թեստերի փայտիկներ չեն ունեցել, սակայն բուն թեստի դիֆիցիտ չի եղել։

Եթե կորոնավիրուսով վարակվել ու լավացել ենք, երաշխիք չէ, որ այլևս չենք վարակվի. Թորոսյան

Նախարարը վստահեցրեց` 160 000 փայտիկներ են գնել, ինչպես նաև 60 000 թեստ։ Նա հիշեցրեց, որ շուտով հայկական արտադրության թեստերն էլ «կմիանան» գործընթացին։

Հիշեցնենք` հուլիսի 7-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 29 285 դեպք, որոնցից 16 907-ն` առողջացած, 503-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11 711 պացիենտ:

Ընդհանուր առմամբ կատարվել է 125 088 թեստավորում:

Կորոնավիրուսը շարունակում է գրավել աշխարհը. հակավարկանիշի առաջատարների եռյակը փոխվել է

18
թեգերը:
Հայաստան, թեստ, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Հայաստանում արտադրված կորոնավիրուսի թեստերը շուտով կհայտնվեն հիվանդանոցներում
Հայաստան հասած նոր թեստերի պատասխանը 75 րոպեում պարզ կլինի
Տիգրան Ավինյանը կարևոր թվեր է հրապարակել. 100 000 հայկական արտադրության թեստ կունենանք
Իվան Սաֆրոնով

Մոսկվայում պետական դավաճանության կասկածանքով «Ռոսկոսմոսի» պաշտոնյա է ձերբակալվել

0
(Թարմացված է 12:34 07.07.2020)
Տեղեկատվական քաղաքականության գծով «Ռոսկոսմոսի» ղեկավարի խորհրդական Իվան Սաֆրոնովը ձերբակալվել է պետական դավաճանության կասկածանքով։ Համացանցում տեսանյութ է հայտնվել։

ԵՐԵՎԱՆ, 7 հուլիսի –Sputnik. Մոսկվայում ձերբակալել են «Ռոսկոսմոս» կորպորացիայի խորհրդական Իվան Սաֆրոնովին։ Տեղեկությունը հաստատել են կորպորացիայից։

«Այսօր քննչական մարմինները ձերբակալել են «Ռոսկոսմոս» պետական կորպորացիայի գլխավոր տնօրենի խորհրդական Ի.Ի. Սաֆրոնովին», – գրված է կորպորացիայի հաղորդագրության մեջ։

Սաֆրոնովին մեղադրանք է առաջադրվել ՌԴ ՔՕ–ի 275–րդ հոդվածով։ Ներկա պահին քննչական միջոցառումներ են անցկացվում։

«Ռոսկոսմոս» պետական կորպորացիան ամեն կերպ աջակցում է քննչական մարմիններին։ Նշվում է, որ կորպորացիայի աշխատակցի ձերբակալությունն ընկերությունում նրա ընթացիկ աշխատանքի հետ որևէ առնչություն չունի։ LIFE SHOT տելեգրամ ալիքը դեռ մինչև պաշտոնական հաստատումն էր Սաֆրոնովի ձերբակալության տեսանյութը տարածել։

Ընկերությունում խորհրդականի պաշտոնը նա զբաղեցնում է ընդամենը մի քանի ամիս։ Պարտականությունների մեջ էր մտնում պետական կորպորացիայի և նրա կազմում գործող ձեռնարկությունների ներսում տեղեկատվական քաղաքականության կառուցումը։ Բացի այդ, Սաֆրոնովը մի քանի հատուկ ծրագրեր էր համակարգում։

Միևնույն ժամանակ, ВЧК-ОГПУ տելեգրամ ալիքի տվյալներով` Սաֆրոնովն ավելի վաղ «Կոմերսանտ» թերթի լրագրող է եղել։

Նրան այնտեղ ազատել էին աշխատանքից Դաշնային խորհրդի խոսնակ Վալենտինա Մատվիենկոյի հավանական հրաժարականի մասին հոդվածից հետո։

Ինքը` լրագրողը, պնդում էր, որ տեղեկատվության աղբյուրը բարձրաստիճան և վստահելի անձ է։

0