ԵՐԵՎԱՆ, 19 Սեպտեմբեր - Sputnik. Ոստիկանության պետի ժամանակավոր պաշտոնակատար, ոստիկանության գնդապետ Արման Սարգսյանն աշխատանքային խորհրդակցություն է անցկացրել ոստիկանության ղեկավար կազմի հետ։
Ինչպես հայտնում են ոստիկանության լրատվական ծառայությունից, Արման Սարգսյանը հայտնել է, որ համակարգում փոփոխություններ են լինելու։
«Պատիվ ունեմ». պաշտոնից ազատված Օսիպյանը հայտարարություն է տարածել
«Առաջիկայում սպասվում են ինստիտուցիոնալ փոփոխություններ, սակայն դա չի նշանակում, որ մենք պետք է սպասողական մթնոլորտում ծառայենք` թուլացնելով աշխատանքային ռիթմը, ընդհակառակը` անհրաժեշտ է ձեռքբերումներն ամրապնդել, վերացնել առկա թերությունները, և հարկ է, որ կարճ ժամանակահատվածում հասարակությունը տեսնի նոր ոստիկանություն` ավելի գրագետ, ավելի արհեստավարժ, իրենց պարտականություններն ու իրավունքները հստակ գիտակցող ծառայողներով համալրված»,– ասել է Սարգսյանը։
«Փաշինյանին չի գոհացրել Վանեցյանի և Օսիպյանի աշխատանքը». Աղաջանյան
Արման Սարգսյանը խոսել է նաև կադրերի ընտրության հարցում անաչառ ու խստապահանջ մոտեցման, կոռուպցիոն երևույթների հանդեպ որդեգրած անհանդուրժողականության մասին:
