Արագած լեռն ուղղաթիռից

Խուսափե՛ք մոտ օրերս Արագած բարձրանալուց. Զբոսաշրջության կոմիտեի զգուշացումը

150
(Թարմացված է 19:42 15.09.2019)
Հետագայում վերելքներ կատարելիս անհրաժեշտ է խստորեն պահպանել անվտանգության կանոնները: Հարցի վերաբերյալ խորհրդակցություն է անցկացվել:

ԵՐԵՎԱն, 15 սեպտեմբերի-Sputnik. Անվտանգության նկատառումներից ելնելով՝ Զբոսաշրջության կոմիտեն հորդորում է խուսափել մոտ օրերս դեպի Արագած վերելքներ իրականացնելուց: Այս մասին կոմիտեն տեղեկացնում է Facebook-ի իր պաշտոնական էջում՝ նշելով, որ հարցի վերաբերյալ խորհրդակցություն է անցկացվել նաև Ալպինիզմի հայկական ֆեդերացիայի և պատասխանատու այլ կառույցների մասնագետների հետ:

Հաղորդագրության մեջ կոմիտեն նաև նախազգուշացնում է, որ հետագայում վերելքներ կատարելիս անհրաժեշտ է խստորեն պահպանել անվտանգության կանոնները, մասնավորապես.

Հիշեցնենք, որ սեպտեմբերի 14-ին ողբերգական դեպք է տեղի ունեցել Արագած լեռան վրա: Ժամը 14:26-ին «911» ծառայությունը Լեհաստանի Հանրապետության քաղաքացի Մարգո Ժ.-ից ահազանգ է ստացել, որ ինքն ու ընկերը (նույնպես Լեհաստանի Հանրապետության քաղաքացի) բարձրացել են Արագած լեռ, արջը հարձակվել է իրենց վրա։

Հայաստանում որպես զբոսաշրջիկ գտնվող ազգությամբ լեհ տղան իր նշանածի հետ բարձրացել է Արագած լեռ։ Մոտ 3500 մետր բարձրության վրա արջը հանկարծակի հարձակվել է նրանց վրա։

Արջը, որն ամուր բռնել է տղային, սկսել է գլորվել ու տղայի հետ ժայռից գահավիժել է ցած։ Աղջիկն անմիջապես ահազանգել է փրկարարական ծառայություն։

Դեպքի վայր եկած հրշեջ-փրկարարներն ու իրավապահները հայտնաբերել են երիտասարդի դին, որի գլուխն անճանաչելիորեն ջնջխված է եղել։

Արագած լեռան վրա արջի հարձակման զոհ դարձած երիտասարդը 33 տարեկան էր. նոր մանրամասներ

Sputnik Արմենիայի տեղեկություններով` արջի հարձակման զոհ դարձած տղամարդը 33 տարեկան էր և ապրում էր Լեհաստանի մայրաքաղաք Վարշավայում: 31-ամյա նշանածը նույնպես Վարշավայի բնակիչ է:

150
թեգերը:
Հայաստան, Լեհաստան, Մահ, աղջիկ, տղա, ՀՀ արտակարգ իրավիճակների նախարարություն (ԱԻՆ), Արագած, արջ
Ըստ թեմայի
Արագած լեռան վրա արջի հարձակման զոհ դարձած երիտասարդը նշանածի հետ է եղել. մանրամասներ
Արագած լեռան վրա արջի հարձակման զոհ դարձած երիտասարդի դին Աշտարակում է, որտե՞ղ է աղջիկը
Արջը դեռ ոռնում է․ Արագածի այն հատվածը, որտեղ ողբերգական դեպքն է եղել, դեռ վտանգավոր է