Ձեռնաշղթաներ, արխիվային լուսանկար

«Սեքյուրիթի դրիմի» հիմնադիրը 20 միլիոն դրամ գրավի դիմաց ազատ է արձակվել

48
(Թարմացված է 12:01 14.09.2019)
«Սեքյուրիթի դրիմի» տնօրենի դեմ հարուցված քրգործով առաջիկայում պաշտպանը կարևոր փաստաթղթեր կներկայացնի դատարանին։

ԵՐԵՎԱՆ, 14 սեպտեմբերի — Sputnik. «Սեքյուրիթի դրիմ» ընկերության հիմնադիր Ալեքսանդր Զաքարյանը 20 միլիոն դրամ գրավի դիմաց երեկ ազատ է արձակվել: Այս մասին Sputnik Արմենիային հայտնեց Զաքարյանի պաշտպան Արշակ Կարապետյանը:

«Մենք Զաքարյանի խափանման միջոցը գրավով փոխելու միջնորդություն էինք ներկայացրել, սակայն գրավի չափը թողել էինք դատարանի հայեցողությանը։ Դատարանը որոշեց 20 միլիոն դրամի գրավ կիրառել: Երեկ վճարեցինք գումարը, և Զաքարյանն ազատ արձակվեց»,– ասաց նա։

Պաշտպանի խոսքով` առաջիկայում գործի շրջանակում ցուցմունքներ կտան, կարևոր փաստաթղթեր կներկայացնեն դատարանին։ Կարապետյանը հույս հայտնեց, որ Զաքարյանի գործն օբյեկտիվորեն կքննեն։

Հիշեցնենք, որ «Սեքյուրիթի Դրիմ» ընկերության սեփականատերերից Ալեքսան Զաքարյանը և «Էլիպս» ընկերության հաշվապահ Սահականույշ Սահակյանը օգոստոսին ձերբակալվել էին առանձնապես խոշոր չափի յուրացում կատարելու կասկածանքով։

Առաջին խուզարկությունները «Սեքյուրիթի Դրիմ» և «Էլիպս» ընկերություններում ու դրանց տնօրենների և հաշվապահների բնակարաններում տեղի էին ունեցել դեռ 1 տարի առաջ։

2018թ.–ի հունիսի 21-ին իրականացրած խուզարկությունների արդյունքում պարզվել էր, որ «Սեքյուրիթի Դրիմ» և «Էլիպս» ընկերությունները կեղծ հաշվետվություններ են ներկայացրել Ճանապարհային ոստիկանություն, ինչի հետևանքով ընկերությունների տնօրինությունը շուրջ 1 միլիարդ 15 միլիոն 869 հազար 600 հարյուր դրամ է հափշտակել:

Դատարանը որոշել է ազատ արձակել նախկին պատգամավորի որդուն

«Սեքյուրիթի դրիմ» ՍՊԸ տնօրենը քրեական գործի շրջանակներում ցուցմունք էր տվել այն մասին, որ Ճանապարհային ոստիկանությունից ամսական ստացված 70 միլիոն ՀՀ դրամից 43 միլիոնը յուրացրել են ընկերության հիմնադիրները։

Տարիներ շարունակ մամուլում տեղեկություն էր պտտվում, որ «Սեքյուրիթի դրիմ» ընկերությունը կապ ունի Սերժ Սարգսյանի եղբոր` Ալեքսանդր Սարգսյանի հետ։ Ընկերության տնօրենը հերքում է այդ լուրը։

Աշոտյանի վարորդն ընդունել է մեղքն ու ազատ է արձակվել

48
թեգերը:
Դատարան, Սեքյուրիթի Դրիմ, Հայաստան
Ըստ թեմայի
Սերժ Սարգսյանի եղբոր նկատմամբ խափանման միջոց է ընտրվել կալանավորումը
Երևանի նախկին փոխքաղաքապետը հարցաքննության կհրավիրվի. «Հրապարակ»
Գագիկ Խաչատրյանի պաշտպանները վերաքննիչ բողոք են ներկայացրել
Դավիթ Տոնոյանն ընդունել է ՀՀ-ում ԱՄՆ դեսպան Լին Թրեյսիին

Դավիթ Տոնոյանն ընդունել է ՀՀ-ում ԱՄՆ դեսպան Լին Թրեյսիին

6
(Թարմացված է 14:09 07.07.2020)
Հանդիպման ընթացքում զրուցակիցները մի շարք հարցեր են քննարկել և մտքեր փոխանակել տարածաշրջանային անվտանգության և փոխադարձ հետաքրքրություն ներկայացնող հարցերի շուրջ։

ԵՐԵՎԱՆ, 7 հուլիսի – Sputnik. Հուլիսի 7-ին ՀՀ պաշտպանության նախարար Դավիթ Տոնոյանն ընդունել է ՀՀ-ում Ամերիկայի Միացյալ Նահանգների արտակարգ և լիազոր դեսպան Լին Թրեյսիին: Տեղեկություն հայտնում է ՀՀ պաշտպանության նախարարության մամուլի ծառայությունը։

Հանդիպման ընթացքում քննարկվել են պաշտպանության բնագավառում հայ-ամերիկյան երկկողմ համագործակցությանն առնչվող հարցեր: Ամփոփվել են նախկինում իրականացված միջոցառումները, ուսումնասիրվել են համավարակով պայմանավորված սահմանափակումների պայմաններում համագործակցության ծրագրերի իրականացման հնարավորությունները։ Քննարկվել է նաև միջազգային խաղաղության և կայունության պահպանման առաքելություններին Հայաստանի շարունակական մասնակցության, ստեղծված իրավիճակում հերթափոխների իրականացման ընթացքը։

Պաշտպանության նախարարը ներկայացրել է զինված ուժերում COVID-19-ի դեմ պայքարի և տարածման կանխարգելման միջոցառումները, ինչպես նաև համավարակի պայմաններում ամառային զորակոչի կազմակերպման ընթացը։

Министр обороны Армении Давид Тоноян на встрече с Чрезвычайным и Полномочным посом США (7 июля 2020). Еревaн
Դավիթ Տոնոյան

Դեսպանը նշել է, որ ուրախ է հանդիպել պաշտպանության նախարար Դավիթ Տոնոյանին և քննարկել Հայաստանի և Միացյալ Նահանգների փոխադարձ շահերին ու մտահոգություններին առնչվող հարցեր։

Чрезвычайный и Полномочный посол США Линн Трейси на встрече с министром обороны Армении (7 июля 2020). Еревaн
Լին Թրեյսի

Հանդիպման ընթացքում զրուցակիցները մտքեր են փոխանակել նաև տարածաշրջանային անվտանգության և փոխադարձ հետաքրքրություն ներկայացնող այլ հարցերի շուրջ:

Նախարարը հետևել է զորակոչին և խաղաղ ու անվտանգ ծառայություն մաղթել զորակոչիկներին

6
թեգերը:
Լին Թրեյսի, Դեսպան, ԱՄՆ, Դավիթ Տոնոյան, Հայաստան
Ըստ թեմայի
Տոնոյանը շնորհակալություն է հայտնել լիտվացի պաշտոնակցին
Տոնոյանին դուր է եկել` ինչպես է հայկական զորախումբը քայլել Կարմիր հրապարակով. լուսանկար
Աշխարհաքաղաքական տհասության հետևանք. ՀՀ ՊՆ–ն` ռուսական ռազմակայանը դուրս բերելու մասին
Արմեն Սարգսյան

Նախագահին հորդորում են հնարավորինս շուտ առաջադրել ՍԴ դատավորի թեկնածու

17
(Թարմացված է 14:02 07.07.2020)
Հայաստանի մայր օրենքի համաձայն` նախագահը ՍԴ դատավորի թափուր պաշտոնում մեկ թեկնածու է առաջարկում, ևս մեկին առաջարկում է կառավարությունը, երրորդին` Դատավորների ընդհանուր ժողովը։

ԵՐԵՎԱՆ, 7 հուլիսի - Sputnik. «Հանուն հանրապետության» քաղաքական նախաձեռնությունը կոչ է անում ՀՀ նախագահ Արմեն Սարգսյանին առաջարկել ՍԴ երեք դատավորներից մեկի թեկնածուին։  Նախաձեռնությունը գլխավորում է ԱԺ անկախ պատգամավոր Արման Բաբաջանյանը: Նա և իր համախոհներն այսօր նախագահի նստավայր են փոխանցել վերոնշյալ կոչով ստորագրահավաքը։

Հունիսի վերջին ԱԺ-ն ընդունեց Սահմանադրական փոփոխությունները, որոնց համաձայն Հրայր Թովմասյանը զրկվեց ՍԴ նախագահի պաշտոնից, սակայն կշարունակի պաշտոնավարել դատավորի կարգավիճակում։ Բացի այդ, դադարեցվել են երեք դատավորների` Ֆելիքս Թոխյանի, Ալվինա Գյուլումյանի և Հրանտ Նազարյանի (որոնց պաշտոնավարման ժամկետը 12 և ավել տարի էր) լիազորությունները։ Փոփոխություններն այդպիսով փոխարինեցին ապրիլի 5-ին նախանշված, իսկ այնուհետև կորոնավիրուսի պատճառով հետաձգված հանրաքվեին։

Ստորագրահավաքի տեքստն ընթերցելիս, Բաբաջանյանն ընդգծեց, որ նախագահի ուսերին այսօր մեծ պատասխանատվություն է դրված։ Այժմ նա պետք է իր ներդրումն ունենա դատական համակարգի բարեփոխման հարցում, որից կախված է երկրի հետագա զարգացումը։

Նախ պետական շահեր, նոր միայն անձնական. Արմեն Սարգսյանը շնորհավորել է Սահմանադրության օրը

«Ակնհայտ է, որ այն հնարավորությունն ու պատասխանատվությունը, որը Դուք ստացել եք ժողովրդից Ձեր ձեռքբերումն է։ Սակայն այն կարող է նաև Ձեր կորուստը լինել, եթե պետությունն ու հասարակությունը կորցնեն այդ հնարավորությունը։ Մենք լիահույս ենք, որ Դուք որպես նման կարևոր պետական ինստիտուտ ղեկավար, որպես անհատականություն, գիտակցում եք այն լրջագույն պատասխանատվությունը, որը Ձեզ բաժին է ընկել», – ասել է պատգամավորը։

Սարգսյանի ստորագրել-չստորագրելն օրենքի համար գրեթե նշանակություն չունի. սահմանադրագետ

Սահմանադրության համաձայն` նախագահը ՍԴ դատավորի թափուր պաշտոնում մեկ թեկնածու է առաջարկում, ևս մեկին առաջարկում է կառավարությունը, երրորդին` Դատավորների ընդհանուր ժողովը։ ՍԴ կազմն ամբողջությամբ պետք է ձևավորվի երկու ամսվա ընթացքում։

«Սահմանադրական փոփոխությունների օրենքն ընդունվել է ոչ սահմանադրական ճանապարհով». Խաչիկյան

17
թեգերը:
Հայաստան, թեկնածու, Դատավոր, Սահմանադրական դատարան, Նախագահ, Արմեն Սարգսյան
Ըստ թեմայի
Արարատ Միրզոյանն ու Հրայր Թովմասյանին փոխարինող դատավորը հանդիպել են
ԱԺ ներկայացուցիչը դիմել է ՍԴ` Ռոբերտ Քոչարյանի գործի քննությունը հետաձգելու համար
«Չի կարելի իրիկունը քնել, առավոտը զարթնել ու ասել` դու այլևս դատավոր չես»․ Ֆելիքս Թոխյան
Միջադեպ ՍԴ շենքի մուտքի մոտ. Հրանտ Նազարյանին թույլ չեն տվել մտնել ՍԴ