Հայկ Ալումյանն ու Արամ Վարդևանյանը

Ռոբերտ Քոչարյանի փաստաբանները երկու միջնորդություն են ներկայացրել դատարան

66
(Թարմացված է 13:41 07.09.2019)
Պաշտպանները պահանջել են անհապաղ նիստ հրավիրել և քննարկել խափանման միջոցի ու քրեական հետապնդումը դադարեցնելու հարցը։

ԵՐԵՎԱՆ, 7 սեպտեմբերի – Sputnik. Սահմանադրական դատարանի որոշումից հետո ՀՀ երկրորդ նախագահ Ռոբերտ Քոչարյանի պաշտպանները երկու միջնորդություն են ներկայացրել Երևան քաղաքի Առաջին ատյանի ընդհանուր իրավասության դատարան: Այսօր Sputnik Արմենիա մամուլի կենտրոնում հրավիրված ասուլիսի ժամանակ այս մասին ասաց նրա պաշտպան Հայկ Ալումյանը։

«Պահանջել ենք անհապաղ դատական նիստ հրավիրել և քննարկել Քոչարյանի խափանման միջոցի ու քրեական հետապնդումը դադարեցնելու հարցը»,– ասաց նա

Փաստաբանի կարծիքով Սահմանադրական դատարանի որոշման հրապարակումից անմիջապես հետո դատարանը չպետք է սպասի մինչև սեպտեմբերի 12-ը (դատական հերթական նիստի օրը), այլ պետք է նիստն անհապաղ հրավիրի ու անդրադառնա խափանման միջոցի հարցին:

Հիշեցնենք, որ 2018 թվականի հուլիսի 26-ին Մարտի 1-ի գործով Հատուկ քննչական ծառայությունում քննվող քրեական գործով Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

ՍԴ–ի որոշումից հետևում է` Ռոբերտ Քոչարյանը կալանքի տակ է հայտնվել ապօրինաբար. պաշտպաններ

Ռոբերտ Քոչարյանը ՍԴ-ին խնդրել էր ստուգել ՀՀ քրեական դատավարության օրենսգրքի 35-րդ հոդվածի (քրեական գործի վարույթը կամ քրեական հետապնդումը բացառող հանգամանքների) և 135-րդ հոդվածի 2-րդ մասի (խափանման միջոց կիրառելու հիմքերի) սահմանադրականության հարցը։

Սահմանադրական դատարանը երեկ հրապարակեց Ռոբերտ Քոչարյանի գործով ամբողջական որոշումը

66
Ըստ թեմայի
Վենետիկի հանձնաժողովը պատրաստակամ է Քոչարյանի գործով խորհրդատվական կարծիք տրամադրել
Ինչ են ակնկալում Քոչարյանի պաշտպանները Վենետիկից. Հովհաննես Խուդոյանի մեկնաբանությունը
Քոչարյանի գործով կա երկուստեք ճնշման փորձ, բայց ոչ՝ ճնշում. ԲԴԽ նախագահ