Օնիկ Գասպարյան

Փաշինյանի «զեմլյակը» կնշանակվի ԳՇ պետի պաշտոնում՝ Արտակ Դավթյանի փոխարեն. «Ժողովուրդ»

284
(Թարմացված է 09:56 04.09.2019)
Օնիկ Գասպարյանը լուրջ և բազմափորձ զինվորական է և մինչ Նիկոլ Փաշինյանի իշխանության գալը ՊՆ-ում մշտապես բարձր դիրքեր է ունեցել:

ԵՐԵՎԱՆ, 4 սեպտեմբերի — Sputnik. ՀՀ զինված ուժերի գլխավոր շտաբի պետի տեղակալ Օնիկ Գասպարյանին ուզում են նշանակել ԶՈւ շտաբի պետ Արտակ Դավթյանի փոխարեն՝ ԶՈՒ գլխավոր շտաբի պետի պաշտոնում: Իսկ Արտակ Դավթյանին հնա­րավոր է՝ տանեն Մովսես Հակոբյանի տեղը՝ զինվորական վերահսկողության ծառայության ղեկավարի պաշ­տոնին:

Այս մասին գրում է «Ժողովուրդ» օրաթերթը:

«Բայց այս փոփոխության մասով մի խնդիր կա, որը և ձգձգման պատճառն է: Բանն այն է, որ Օնիկ Գասպարյանը ծնունդով իջևանցի է և ՊՆ-ում մտավախություն ունեն, որ հնարավոր է՝ Նիկոլ Փաշինյանը թիրախավորվի այս նշանակումից հետո, թե, իբրև, իր «զեմլյակին» բարձր պաշտոնի նշանակեց»,-գրում է թերթը, հավելելով, որ Գասպարյանը լուրջ և բազմափորձ զինվորական է և մինչ Նիկոլ Փաշինյանի իշխանության գալը ՊՆ-ում մշտապես բարձր դիրքեր է ունեցել:

Արտակ Դավթյանը պատմել է նոր ռազմական տեխնիկայի մասին
Հիշեցնենք, որ 2019թ. Հուլիսի սկզբին ՀՀ վարչապետ Նիկոլ Փաշինյանը Սահմանադրության օրվա կապակցությամբ ՀՀ ԶՈւ ԳՇ պետի առաջին տեղակալ Օնիկ Գասպարյանին շնորհեց գեներալ-լեյտենանտի զինվորական կոչում:

Հայ-ադրբեջանական սահմանը պետք է հսկվի միասնական որոշմամբ. ԳՇ պետ

284
թեգերը:
Նշանակում, ՀՀ Պաշտպանության նախարարություն (ՊՆ), Նիկոլ Փաշինյան, Արտակ Դավթյան, Օնիկ Գասպարյան
Ըստ թեմայի
«Եթե չաշխատեն, ինքնասպանության դեպքերը կլինեն ոչ թե 2, այլ 12». Դավթյանը` բանակի մասին
Արտակ Դավթյանն այցելել է առաջնագիծ. նա զրուցել է հրամանատարների և զինծառայողների հետ
Բոզոյան․«Վաղարշակ Հարությունյանին, որպես կադր՝ վարչապետը կփորձի «օգտագործել»»
Մարիա Զախարովա

Հայաստանի դիմումի հետ կապված մանրամասները լրացուցիչ քննարկվելու են․ Զախարովա

16
(Թարմացված է 13:39 31.10.2020)
ՌԴ ԱԳՆ-ն ավելի վաղ հայտնել էր, որ «պայմանագրի համաձայն` Ռուսաստանը Երևանին անհրաժեշտ օգնություն կցուցաբերի, եթե մարտերը տեղափոխվեն անմիջապես Հայաստանի տարածք։

ԵՐԵՎԱՆ, 31 հոկտեմբերի - Sputnik. Անվտանգության խորհրդատվություն ստանալու համար Հայաստանի՝ Ռուսաստանին դիմելու հետ կապված բոլոր մանրամասները, այդ թվում կոնկրետ ձևաչափերը, լրացուցիչ են քննարկվելու։ Տեղեկությունն այսօր հայտնել է ՌԴ ԱԳՆ պաշտոնական ներկայացուցիչ Մարիա Զախարովան։

Ավելի վաղ ՀՀ վարչապետ Նիկոլ Փաշինյանը դիմել էր ՌԴ-ին՝ անվտանգության ապահովման հարցում Հայաստանին աջակցելու շուրջ խորհրդատվություն սկսելու խնդրանքով։

Զախարովան հիշեցրել է, որ արտգործնախարարությունն արդեն իսկ հայտնել է, որ «պայմանագրի համաձայն` Ռուսաստանը Երևանին անհրաժեշտ օգնություն կցուցաբերի, եթե մարտերը տեղափոխվեն անմիջապես Հայաստանի տարածք»։

«Այդ դեպքում խոսքը ռուսական կողմի սկզբունքային դիրքորոշման մասին է։ Այն բարձրաձայնվել է Հայաստանի դիմումի հետ կապված։ Ամեն ինչ, ինչը կապված է կոնկրետ ձևաչափերի հետ, լրացուցիչ է քննարկվելու», - ասել է Զախարովան «Ռոսիա 24» հեռուստաալիքի եթերում, պատասխանելով հարցին՝ ինչ գործողություններ կարող են ձեռնարկվել զինված մարտական բախումների դեպքում։

Ավելի վաղ Մոսկվայում Հայաստանի դեսպան Վարդան Տողանյանն ասել էր, որ Հայաստանի դիմումը ռուսական կողմին նախատեսում է այդ թվում նաև հնարավոր ռազմական օգնություն, դրա ծավալները քննարկելու են խորհրդատվությունների ընթացքում։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

16
թեմա:
Ադրբեջանական ագրեսիան Արցախում - 2020
Посол Армении в России Вардан Тоганян на праздничном концерте в честь 150-летия Комитаса (21 сентября 2019). Москва

Հայաստանը կարող է ռազմական օգնություն խնդրել Ռուսաստանից. Տողանյան

90
(Թարմացված է 13:24 31.10.2020)
Ռուսաստանում Հայաստանի դեսպանը նշել է, որ միջպետական պայմանագրի համաձայն՝ խոսքն անհապաղ խորհրդատվության անցկացման մասին է։

ԵՐԵՎԱՆ, 31 հոկտեմբերի - Sputnik. Հայաստանի դիմումը ռուսական կողմին նախատեսում է նաև հնարավոր ռազմական օգնություն, որի ծավալները կքննարկվեն խորհրդատվությունների ընթացքում։ Տեղեկությունը ՌԻԱ Նովոստիին հայտնել է Ռուսաստանում Հայաստանի դեսպան Վարդան Տողանյանը։

Հաշվի առնելով մարտական գործողությունների` Հայաստանի սահմանին մոտենալը, ՀՀ տարածքի նկատմամբ արդեն իսկ տեղի ունեցած ոտնձգությունների փաստերը, Փաշինյանը նամակով դիմել էր Պուտինին` սկսելու անհապաղ խորհրդակցություններ, դրանց միջոցով սահմանելու աջակցության տեսակները և չափը, որը Ռուսաստանը կարող է հատկացնել Հայաստանին իր անվտանգության ապահովման համար՝ հիմք ընդունելով Հայաստանի և Ռուսաստանի միջև դաշնակցային հարաբերությունները և 1997թ. օգոստոսի 29-ի պայմանագիրը։

«Նման հնարավորություն կա», - ասել է դեսպանը, պատասխանելով հարցին՝ արդյո՞ք հնարավոր է, որ Երևանի հարցման մեջ խոսքը ռազմական օգնություն ցուցաբերելու մասին է։

Տողանյանի խոսքով՝ միջպետական պայմանագրի համաձայն՝ խոսքն անհապաղ խորհրդատվությունների անցկացման մասին է։

«Խոսքը օգնության ծավալը, տեսակն ու այլ հանգամանքներն արձանագրելու նպատակով խորհրդատվությունների մասին է», - ասել է դեսպանը։

Տողանյանը նշել է, որ անվտանգության հարցով խորհրդատվություններն ակնկալվում են առաջիկա օրերին։

«Սպասում ենք։ Չնայած հիմա հանգստյան օրեր են, համապատասխան արձագանքի ենք սպասում։ Տեսնենք», - ասել է դեսպանը, պատասխանելով հարցին՝ արդյո՞ք խորհրդատվությունները կարող են առաջիկա օրերին կայանալ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

90
թեմա:
Ադրբեջանական ագրեսիան Արցախում - 2020