Դավիթ Տոնոյան

ԱՄՆ-ն Հայաստանի առաջ պահանջ չի դրել. Դավիթ Տոնոյանը` զորախումբը Սիրիայից դուրս բերելու մասին

137
(Թարմացված է 17:37 03.09.2019)
Սիրիայում հայկական առաքելություն տեղակայելը ՀՀ կառավարության որոշմամբ է եղել։

ԵՐԵՎԱՆ, 3 սեպտեմբերի — Sputnik. Իրականությանը չեն համապատասխանում լուրերը, թե ԱՄՆ-ն Հայաստանի առջև պահանջ է դրել հանել զորախումբը Սիրիայից: Այս մասին այսօր լրագրողների հետ զրույցում ասաց պաշտպանության նախարար Դավիթ Տոնոյանը:

Այսօր մամուլը գրել էր, որ Ռուսաստանի Անվտանգության խորհրդի քարտուղար Նիկոլայ Պատրուշևը օգոստոսի 12-13–ին Հայաստան կատարած այցի ժամանակ առաջարկել է ավելացնել Սիրիայում զորախմբի անձնակազմի քանակը, իսկ ԱՄՆ-ն դրանից հետո իբր Հայաստանի առջև պահանջ է դրել հանել զորախումբը Սիրիայից։

«Նման քննարկում չի եղել առհասարակ։ Սիրիայում հայկական առաքելություն տեղակայելը ՀՀ կառավարության որոշմամբ է եղել, և մենք շարունակում ենք մեր հումանիտար գործողությունը Սիրիայում»,- ասաց նախարարը:

Նրա խոսքով` մեր խաղաղապահները բարձր աստիճանի են բերված, և նրանց հետ կապված ոչ մի խնդիր չկա:

Հիշեցնենք, որ հայ մասնագետները Սիրիայում առաքելություն են իրականացնում այս տարվա փետրվարից։ Երեկ ՀՀ վարչապետ Նիկոլ Փաշինյանը Facebook սոցիալական ցանցի իր էջում գրել էր, որ Սիրիայում առաքելություն իրականացնող հայաստանցի բժիշկները փետրվարից ի վեր բժշկական օգնություն են ցուցաբերել 4870 մարդու, ինչպես նաև իրականացրել 394 վիրաբուժական միջամտություն։

80 հոգուց բաղկացած մասնագետների 2-րդ խումբը Հայաստանից Սիրիա է մեկնել հունիսի 4-ին։ Խմբի կազմում ներգրավված են եղել հումանիտար ականազերծման մասնագետներ, բժշկական անձնակազմ և մասնագետների անվտանգությունն ապահովող բրիգադներ։

137
թեգերը:
Դավիթ Տոնոյան, Սիրիա, Հայաստան
Ըստ թեմայի
Շաքարավազ, մսի ու ձկան պահածո. Սիրիա մարդասիրական օգնություն է ուղարկվել
«Հսկայական աշխատանք է». Շոյգուն կարևորում է Հայաստանի օգնությունը Սիրիայի բնակչությանը
Ոչ թե խոսքով, այլ գործով. ինչպես է Հայաստանը Սիրիայում օգնում Ռուսաստանին
2420 մարդու բժշկական օգնություն է ցուցաբերվել, 48967 քմ ականազերծվել է. հայերը Սիրիայում
Կորոնավիրուս

557 նոր դեպք` մեկ օրում. Հայաստանում կորոնավիրուսով վարակվածների թիվը հասավ 30 903-ի

38
(Թարմացված է 10:49 10.07.2020)
Հիվանդությունների կանխարգելման և վերահսկման ազգային կենտրոնը հրապարակել է Հայաստանում կորոնավիրուսային հիվանդության վերաբերյալ վերջին մեկ օրվա տվյալները։

ԵՐԵՎԱՆ, 10 հուլիսի — Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 557–ով և դարձել 30 903։ Տեղեկությունը հայտնում է Հիվանդությունների կանխարգելման և վերահսկման ազգային կենտրոնը:

Կենտրոնի տվյալներով` այս պահին փաստացի բուժում է ստանում 11 471 մարդ, կատարվել է 131 216 թեստավորում, առողջացել են վարակվածներից 18 709–ը։ Գրանցվել է մահվան 546 (+11) դեպք։ Այլ պատճառներով մահվան դեպքերի ընդհանուր թիվը` 177 (+7)։

Հուլիսի 9-ի տվյալներով՝ ՀՀ-ում կորոնավիրուսով վարակվածների թիվը 29 820 էր:

Հիշեցնենք` մարտի 16–ից Հայաստանում արտակարգ դրություն է։ ՀՀ կառավարությունը մայիսի 14–ի նիստում որոշեց կորոնավիրուսի կանխարգելման նպատակով հայտարարված արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Կորոնավիրուսը չի խանգարի․ Երևանում 18-օրյա առցանց երաժշտական փառատոն կանցկացվի

Հունիսի 4-ից արտակարգ դրության ընթացքում կիրառվող կարգավորումներում փոփոխություններ և լրացումներ են ուժի մեջ մտել։ Այսուհետ բոլոր հանրային բաց տարածքներում դիմակ դնելը պարտադիր է։ Հանրային բաց վայրերում դիմակ կարող են չդնել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

Հուլիսի 6-ին Փաշինյանը պարետատան նիստից հետո հայտնեց, որ հուլիսի 13-ին ավարտվող արտակարգ դրության ռեժիմը կերկարացվի ևս մեկ ամսով։

38
թեգերը:
թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
ՀՀ քաղաքացին կորոնավիրուսից մահանալու «մատերիալ» չէ. Փաշինյան
Կայուն, բայց ծանր. Թորոսյանը խոսեց Հայաստանում կորոնավիրուսային իրավիճակից
Հայաստանցի վարորդի մոտ կորոնավիրուս են հայտնաբերել Վրաստանում
Կարեն Վարդանյան

Մահացել է Առաջատար տեխնոլոգիաների ձեռնարկությունների միության տնօրեն Կարեն Վարդանյանը

84
(Թարմացված է 10:50 10.07.2020)
Հակոբ Արշակյանը հայտնել է Կարեն Վարդանյանի մահվան լուրն ու նշել` մի շարք ծրագրեր լիարժեք չէին լինի առանց Վարդանյանի ներդրած ջանքերի։

ԵՐԵՎԱՆ, 10 հուլիսի – Sputnik. Մահացել է Առաջատար տեխնոլոգիաների ձեռնարկությունների միության գործադիր տնօրեն Կարեն Վարդանյանը։ Տեղեկությունը Facebook սոցցանցի իր էջում հայտնել է Բարձր տեխնոլոգիաների արդյունաբերության նախարար Հակոբ Արշակյանը։

«Մեր սրտերում Կարենը կմնա որպես պայքարող, ազատ ու լուսավոր մարդ։ Պարոն Վարդանյանն անգնահատելի մեծ ավանդ թողեց տեխնոլոգիական ոլորտում․ ԱՏՁՄ, Դիջիթեք էքսպո, Արմաթ լաբորատորիաներ, Դիջիթեք բիզնես ֆորում, ՏՏ համաշխարհային կոնգրես և տասնյակ այլ նախագծեր ու տեխնոլոգիական ոլորտի զարգացման ռազմավարական ծրագրեր ամբողջական չէին լինի առանց իր ներդրած հսկայական ջանքերի»,–գրել է Արշակյանը։

Կարեն Վարդանյանը ծնվել է 1963թ.–ին։ Նա ԱՏՁՄ գործադիր տնօրեն էր 2005թ․-ից։

«Փաշինյանի ասած սաբոտաժի դասական օրինա՞կ». սկանդալ` նախարարի և Կարեն Վարդանյանի միջև

Մինչ այդ` 2002-2005թթ. նա աշխատել է Ձեռնարկությունների ինկուբատոր հիմնադրամում` որպես փոխտնօրեն, Առևտրի ու արդյունաբերության նախարարությունում` որպես ՏՏ զարգացման վարչության պետ:

84
թեգերը:
Նախարար, Մահ, Կարեն Վարդանյան
Ըստ թեմայի
Վարդանյան. «ԿԳՄՍ նախարարը փնտրում է նոր գործընկերներ, այդ պատճառով էլ մեզ մի կողմ թողեցին»
«Արմաթ» լաբորատորիաների խմբավարներն աշխատավարձ չեն ստանում. նամակ վարչապետին
Հայաստանի դպրոցների 50 տոկոսում մինչև տարեվերջ «Արմաթ» լաբորատորիաներ կգործեն