Մանվել Գրիգորյան

Մանվել Գրիգորյանի վիճակը ժամ ժամի վատանում է, բժշկական եզրակացությունը՝ ուշանում. պաշտպան

78
Նախկին պատգամավորի պաշտպանն ահազանգում է, որ միջգերատեսչական հանձնաժողովը դեռ հուլիսին հետազոտել է Գրիգորյանին, բայց մինչ օրս չի ներկայացրել իր եզրակացությունը:

ԵՐԵՎԱՆ, 2 սեպտեմբերի – Sputnik. ՀՀ ազգային ժողովի նախկին պատգամավոր, գեներալ– լեյտենանտ Մանվել Գրիգորյանի առողջական վիճակն ուսումնասիրող միջգերատեսչական հանձնաժողովն արձանագրել է, որ մեկ տարվա ընթացքում Գրիգորյանի առողջական վիճակում բացասական դինամիկա է գրանցվել, բայց մինչև հիմա հայտնի չէ հանձնաժողովի եզրակացությունը: Այսօր լրագրողների հետ հանդիպման ժամանակ այս մասին ասաց Գրիգորյանի պաշտպան Լևոն Բաղդասարյանը:

Адвокат семьи генерала Манвела Григоряна Левон Багдасарян на судебном заседании (2 мая 2019). Еревaн
© Sputnik / Aram Nersesyan ,
Լևոն Բաղդասարյան

Հուլիսի 25-ին ՀՀ առողջապահության փոխնախարար Լևոն Հակոբյանի գլխավորությամբ բժիշկների փորձագիտական խումբն այցելել էր գեներալ Մանվել Գրիգորյանին հետազոտելու։

«Հանձնաժողովի որոշմամբ՝ Գրիգորյանին երկու օրով «Արմենիա» ԲԿ տեղափոխեցին, որպեսզի նրան հետազոտեն: Բժիշկներն արձանագրեցին, որ մեկ տարվա կտրվածքով նրա մոտ բացասական դինամիկա կա, ինչից հետո մինչ օրս անորոշ վիճակ է: Պարզ չէ, թե հանձնաժողովն ինչ եզրակացությունը կտա և երբ կտա այդ եզրակացությունը»,- ասաց պաշտպանը:

Նրա խոսքով՝ Գրիգորյանի առողջական վիճակը ժամ ժամի կտրվածքով վատանում է. նա արհեստական շնչառական սարքի օգնությամբ է շնչում, չի քայլում, քանի որ ոտքերը չի զգում: Պաշտպանը հայտնեց, որ բժիշկներն անում են ամեն ինչ, որ նրա վիճակը կայուն մնա, սակայն վերջին շրջանում Գրիգորյանի վիճակն ավելի է վատանում:

«Իրավական բեսպրեդել է Մանվել Գրիգորյանի գործի առնչությամբ: Թվում է՝ բոլոր հիմքերը կան, որ նրա խափանման միջոցը փոխվի, սակայն դատարանը նման որոշում այդպես էլ չի կայացնում: Այս ամենը խոսում է այն մասին, որ պաշտպանյալս ոչ միայն կալանք, այլ նաև պատիժ է կրում: Նրա նկատմամբ տոտալ խոշտանգում է իրականացվում»,-ասաց Բաղդասարյանը:

Նա նշեց նաև, որ Գրիգորյանի պաշտպանական կողմը, մի կողմ թողած իրավական գործառույթները, սկսել է ահազանգել, որ Գրիգորյանի կյանքին վտանգ է սպառնում: Նրանք բոլոր փաստերը հավաքում ու ՄԻԵԴ են ուղարկում։

Հիշեցնենք` ս.թ. հունիսի 6–ին Մանվել Գրիգորյանը ծայրահեղ ծանր վիճակով «Դատապարտյալների հիվանդանոց» ՔԿՀ–ից տեղափոխվել էր քաղաքացիական հիվանդանոց, որտեղ մինչ օրս բուժում է ստանում։

ՊԵԿ–ը ցանկանում է Մանվել Գրիգորյանի գույքը վաճառել աճուրդով

Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ: Նրան մեղադրանք է առաջադրվել 2018 թ. հունիսի 19-ին։

«Ես չեմ կարա հավատամ, որ Օգանովսկին կրակելու հրաման տված լինի». Սեյրան Սարոյան

78
թեգերը:
հիվանդանոց, Մանվել Գրիգորյան, Հայաստան
թեմա:
Մանվել Գրիգորյանի շուրջ ծավալված իրադարձությունները (232)
Լևոն Ղասաբօղլյան

Ինչն է եղել 34–ամյա Լևոն Ղասաբօղլյանի մահվան պատճառը. նա կորոնավիրուսով չի վարակվել

132
(Թարմացված է 14:18 10.08.2020)
Ղասաբօղլյանն իր թիմի հետ կորոնավիրուսի թեստ է հանձնել։Նրա մոտ վարակ չի հայտնաբերվել։

ԵՐԵՎԱՆ, 10 օգոստոսի - Sputnik. Նախկին ֆուտբոլիստ և մարզիչ Լևոն Ղասաբօղլյանը չի հիվանդացել կորոնավիրուսով, մահվան պատճառը սրտի կանգն է է եղել, ինչին հանգեցրել է թրոմբի խցանումը։ Տեղեկությունը հայտնում է Sputnik Ղազախստանը։

«Ղասաբօղլյանը թիմի հետ պարբերաբար թեստավորվել է։ Բոլորի թեստերի արդյունքները բացասական են եղել», - «Օնտուստիկ» ակադեմիայից ասել են Sputnik Ղազախստանի թղթակցին։

Հիշեցնենք` երեկ 34 տարեկան հասակում կյանքից հեռացել է Լևոն Ղասաբօղլյանը:

Ղասաբօղլյանը հանդես է եկել «Արարատ», «Կիլիկիա» և «Ուլիս» թիմերի կազմում։ Դրան զուգահեռ ընդգրկվել է նաև Հայաստանի ֆուտբոլի երիտասարդական հավաքականի կազմում։ Խաղային գործունեությունն ավարտել է էստոնական «Նարվա-Տրանս» ակումբում, որի հետ դարձել է Էստոնիայի ֆուտբոլի առաջնության բրոնզե մրցանակակիր։ Ֆուտբոլիստի կարիերան ավարտելուց հետո անցել է մարզչական աշխատանքի: Աշխատում էր «Փյունիկի» սպորտդպրոցում։ Փորձում էր Հայաստանում իրագործել ֆուտբոլի զարգացման մի քանի ծրագրեր:

Այս տարվա սկզբից Լևոն Ղասաբօղլյանը նշանակվել էր Ղազախստանի առաջին խմբում հանդես եկող «Օնտուստիկ» ակադեմիայի գլխավոր մարզիչ:

Մարզիկի հայրը՝ Սամվել Ղասաբօղլյանը, անվանի մարզիչ է։ Եղբայրը՝ Միքայել Ղասաբօղլյանը, ևս զբաղվում է ֆուտբոլով։

132
թեգերը:
Մահ, Լևոն Ղասաբօղլյան
Ըստ թեմայի
Ողբերգական վթար Սիսիանում. անչափահաս երեխաներն ու նրանց ծնողները տեղում մահացել են
Ողբերգական ավտովթարի հետևանքով մահացել է Արմեն Մարությանի և Ալլա Վարդանյանի դստեր ընտանիքը
Կորոնավիրուսի հետևանքով 5 մարդ է մահացել. ամենաերիտասարդը 67 տարեկան է
Հոգեկան առողջության պահպանման ազգային կենտրոն

Կենտրոնը գերբեռնված է. ՄԻՊ–ի աշխատակիցներն  անակնկալ այցելել են Նուբարաշենի հոգեբուժարան

12
(Թարմացված է 14:05 10.08.2020)
ՄԻՊ–ի աշխատակիցներն ու փորձագետները մի շարք խնդիրներ են հայտնաբերել «Հոգեկան առողջության պահպանման ազգային կենտրոնում»։

ԵՐԵՎԱՆ, 10 օգոստոսի - Sputnik. Մարդու իրավունքների պաշտպանի գրասենյակից հայտնում են, որ ՄԻՊ աշխատակիցներն ու փորձագետները չհայտարարված այց են իրականացրել «Հոգեկան առողջության պահպանման ազգային կենտրոն» (Նուբարաշենի հոգեբուժարան), որտեղ մի շարք խնդիրներ են հայտնաբերել։

«Կենտրոն ընդունվող պացիենտների նկատմամբ  կորոնավիրուսի տարածումը կանխարգելելու նպատակով 14-օրյա մեկուսացում չի իրականացվում։ Բացի այդ, կենտրոնը գերբեռնված է, և պացիենտներն ապահովված չեն բավարար անձնական տարածությամբ։ Ավելին, հոգեբուժական կազմակերպություն այցելուների մուտքի ժամանակ ջերմաչափման գործընթացը պատշաճ չի իրականացվում»,–նշված է հաղորդագրության մեջ։

Կորոնավիրուսային իրավիճակով պայմանավորված անհրաժեշտ նորմերի խախտումներից բացի, ՄԻՊ–ի աշխատակիցներն արձանագրել են` կենտրոնի բաժանմունքները, ներառյալ՝ հիվանդասենյակները, լոգարանները, ճաշասրահները և խոհանոցներն, ունեն լուրջ վերանորոգման կարիք։ Իսկ ինչ վերաբերում է կենտրոնում գտնվող պացիենտների զսպման միջոցներին, ապա ֆիզիկական զսպումը երբեմն իրականացվում է հիվանդասենյակներում մյուս պացիենտների ներկայությամբ։

Արման Թաթոյանը ՀԿ-ների հետ քննարկման արդյունքներն ուղարկել է պարետատուն

Բացի այդ, արձանագրվել է, որ պացիենտներից ոմանք կազմակերպական տարբեր խնդիրների պատճառով հնարավորություն չունեն ստանալ իրենց կենսաթոշակը։ Իսկ նրանց  հագուստը հիմնականում չի անհատականացվում և լվացվելուց հետո բաժանվում է պատահականության սկզբունքով։

Նշվում է նաև, որ դեպի կենտրոն չկա հասանելի հասարակական տրանսպորտային հաղորդակցություն այն դեպքում, երբ այնտեղ 407 պացիենտ կա:

Այցի ընթացքում, մյուս կողմից, արձանագրվել են նաև դրական տեղաշարժեր,  մասնավորապես՝ հոգեբուժական կազմակերպությունն ապահովված է եղել կորոնավիրուսի համար անհատական պաշտպանիչ և ախտահանիչ միջոցներով։

ՄԻՊ–ի աշխատակիցները ֆիքսել են նաև, որ բաժանմունքներում տեղադրվել են տաքսոֆոններ, ներդրվել է ինտերնետ հաղորդակցության ներքին ցանց, իսկ փաստաթղթաշրջանառությունը թվայնացվել է։

Հոգեկան առողջության կենտրոնում արձանագրվել է կորոնովիրուսային հիվանդության 8 դեպք

Այցի ընթացքում վերհանված խնդիրները ՄԻՊ–ի աշխատակիցները քննարկել են կազմակերպության տնօրինության հետ: Դրանք կամփոփվեն և առաջարկների հետ կներկայացվեն ոլորտի իրավասու մարմիններին:

12
թեգերը:
փորձագետ, հիվանդ, Հայաստան, խախտում, ՀՀ ՄԻՊ
Ըստ թեմայի
Հոգեկան առողջության կենտրոնը 100%–ով ծանրաբեռնված է. ինչո՞ւ մարդկանց տուն չեն տանում
«Հոգեկան առողջության պահպանման կենտրոնի» նախկին տնօրենի դեմ քրեական գործ է հարուցվել
Հարձակվել են Գյումրու հոգեկան առողջության կենտրոնի վրա, «դեղ» պահանջել
«Ձորակ» հոգեկան առողջության խնդիրներ ունեցողների կենտրոնում կորոնավիրուսի դեպք է հաստատվել
Մինսկ

Sputnik Բելառուսի լրագրողին ծեծել են Մինսկում բախումների ժամանակ

0
(Թարմացված է 14:51 10.08.2020)
Ոստիկանությունը ձերբակալել է նաև WarGonzo հեռուստաալիքի հաղորդավար Սեմյոն Պեգովին, որը վերջերս լուսաբանում էր Տավուշի մարզում տեղի ունեցած հայ-ադրբեջանական բախումները։

ԵՐԵՎԱՆ, 10 օգոստոսի – Sputnik. Sputnik Բելառուսի լրագրող Եվգենի Օլեյնիկին ձերբակալել և ծեծի են ենթարկել մայրաքաղաքում գիշերը տեղի ունեցած բախումներից հետո, հայտնում է խմբագրությունը։

«Առավոտյան 6-ին նա տուն էր վերադառնում շտապօգնության հիվանդանոցում տուժածների մասին նյութից հետո։ Խմբագրության հետ կապի լրագրողը կարողացել է դուրս գալ շատ ավելի ուշ», – գրված է հաղորդագրության մեջ։

Այլ մանրամասներ դեռ չեն հայտնում։

Նշենք, որ Տելեգրամի Baza ալիքն իր հերթին տեսանյութ է հրապարակել, որտեղ երևում է, թե ինչպես է բելառուսական ՕՄՕՆ–ը ձերբակալում WarGonzo ալիքի հաղորդավար Սեմյոն Պեգովին։

«Տեսանյութից դատելով` Պեգովն անգիտակից վիճակում է։ Այժմ Սեմյոնը զանգերի և հաղորդագրությունների չի պատասխանում, ձերբակալման պահից նրա մասին ոչինչ հայտնի չէ։ Խմբագրությունը վերջին անգամ նրա հետ կապ էր հաստատել օգոստոսի 8-ին», – գրված է հաղորդագրության մեջ։

Նշենք, որ Պեգովը հուլիսին լուսաբանում էր ՀՀ Տավուշի մարզում հայ–ադրբեջանական սահմանին տեղի ունեցող սրացումները։

0
թեգերը:
ծեծ, Լրագրող, Sputnik, Բողոքի ակցիա, Նախագահ, Ընտրություններ, բախումներ, Բելառուս, Մինսկ