Էրիկ Գրիգորյան

«Կոռուպցիոն սողանցքները փակված են». նախարարը կփրկի և՛ Սևանը, և՛ բյուջեի փողերը

105
(Թարմացված է 13:37 29.08.2019)
Ավելի շատ տարածքներ է հնարավոր մաքրել ավելի քիչ գումարով։ Շրջակա միջավայրի նախարարությունը խնայված գումարները կվերադարձնի պետական բյուջե։

ԵՐԵՎԱՆ, 29 օգոստոսի - Sputnik. Սևանի ափամերձ ջրածածկ տարածքներից այս տարի նախատեսված 66.8 հա–ի փոխարեն կմաքրվի 98 հա տարածք։ Այս մասին այսօր կառավարության նիստում հայտարարեց ՀՀ շրջակա միջավայրի նախարար Էրիկ Գրիգորյանը։

Նրա խոսքով՝ նախարարությունը ցամաքային ու օդային (անօդաչու սարքերով) ուսումնասիրությունների միջոցով բացահայտել է, որ մաքրման ենթակա տարածքները նախապես պլանավորածից 50 տոկոսով շատ են։

«Աշխատանքները կիրականացվեն անմիջապես ջրում ու ճահճացած տարածքներում։ Կարծում ենք՝ հնարավոր է այդ աշխատանքներն իրականացնել «Սևան» ազգային պարկի ու համայնքների ներգրավմամբ»,– ասաց Գրիգորյանը։

Վարչապետն անդրադարձել է Սևանի խնդրին. ջրառը նվազե՞լ է
Հատկանշական է, որ գործի ավելացումը ֆինանսական միջոցների ավելացում չի նախատեսում։ Նույնիսկ հակառակը` Էրիկ Գրիգորյանը հայտնեց, որ հատկացված գումարից 2 մլն 550 հազար դրամը կվերադարձվի բյուջե։

Այս վերջին տեղեկությունը չվրիպեց վարչապետ Նիկոլ Փաշինյանի ուշադրությունից։

«Տվյալ դեպքում մենք ունենք բյուջեից հատկացված գումար, որը նախատեսված էր X տարածք մաքրելու համար։ Բայց հիմա մեր կառավարության սեղանին նախագիծ է, որ այդ գումարով հնարավոր է մաքրել ավելի շատ տարածք ու որոշ գումար էլ վերադարձվելու է կառավարության պահուստային ֆոնդ»,– ասաց վարչապետը։

Փաշինյանը նաև շեշտեց՝ սա նշանակում է, որ կոուպցիոն սողանցքները փակված են։

Քննարկման ընթացքում շրջակա միջավայրի նախարարը հայտնեց, որ Սևանի ափերին մաքրման ենթակա ամբողջ տարածքը 750 հա է։ Սակայն տեխնիկապես այս տարվա ընթացքում ամբողջը մաքրել հնարավոր չէ։  Այդ աշխատանքները կիրականացվեն 2020-2021 թ.թ.–ին։

Նախարար. մինչև տարեվերջ Սևանա լիճ բաց կթողնվի իշխանի 600 հազար մանրաձուկ
«Մինչև 2021թ.–ի վերջը մինչև 1901.5 մ նիշն ամբողջությամբ մաքրված կլինի»,– վստահեցրեց Էրիկ Գրիգորյանը։

Վարչապետն էլ հավելեց, որ կառավարությունը շարունակում է Սևանա լճի ջրի մակարդակի բարձրացման քաղաքականությունը և հույս հայտնեց, որ Սևանա լճի հետ կապված քրեական գործերի քննությունը կավարտվի ու դրանով բացասական երույթներն արմատախիլ կարվեն։

105
թեգերը:
ՀՀ կառավարություն, Նախարար, Էրիկ Գրիգորյան, Սևանա լիճ
Ըստ թեմայի
Գործերն աղմուկով հարուցվում են, անաղմուկ մոռացվում. Սևանի նկատմամբ հանցանքները անպատիժ են
Սևանի մակարդակը չի կարելի արագ բարձրացնել. նախկին նախարարը` ոլորտի խնդիրների մասին
Այստեղ եղել են Մանդելշտամն ու Սարտրը. Սևանի հանգստյան տունը կարող է վերանալ. տեսանյութ