Զոհրաբ Մնացականյան

Որ երկրների հետ Հայաստանը պետք է զարգացնի հարաբերությունները․ ԱԳ նախարար

81
(Թարմացված է 12:22 27.08.2019)
Հայաստանի արտգործնախարար Զոհրաբ Մնացականյանը նշել է այն երկրները, որոնց հետ համագործակցությունը հետաքրքիր և կարևոր է Հայաստանի համար։

ԵՐԵՎԱՆ, 27 օգոստոսի–Sputnik. «Արժևորելով մեր համագործակցության հարաճուն զարգացումը ԵՄ անդամ երկրների հետ՝ կառանձնացնեի Ֆրանսիայի և Գերմանիայի հետ հարաբերությունների ծավալը»։ Այս մասին այսօր ասել է Հայաստանի արտաքին գործերի նախարար Զոհրաբ Մնացականյանը ԱԳՆ կենտրոնական ապարատի և օտարերկրյա պետություններում ՀՀ դիվանագիտական ծառայության մարմինների ղեկավարների ամենամյա համաժողովին։

Եվրոպական գործընկերների հետ Հայաստանի համագործակցության համատեքստում նախարարն ընդգծել է նաև Կիպրոս-Հայաստան-Հունաստան եռակողմ ձևաչափի ձևավորումը։

Հայաստանի համար հարաբերություններ զարգացնելու առաջնահերթության մասին խոսելիս` Արևելյան Ասիայի երկրներից Մնացականյանն առանձնացրել է Չինաստանը, Հնդկաստանը և Ճապոնիան, իսկ Մերձավոր Արևելքի երկրներից՝ Եգիպտոսը, Լիբանանը, Իրաքը և Սիրիան։

«Մեր երկու անմիջական հարևանի՝ Վրաստանի և Իրանի հետ հարաբերությունները խարսխված են բարիդրացիության, բազմադարյա պատմական փորձի վրա և ունեն կարևոր նշանակություն տարածաշրջանային անվտանգության և զարգացման համար», - տարածշրջանային առաջնահերթությունների մասին խոսելիս` նշել է Մնացականյանը։ Նա հավելել է, որ այդ երկու երկրների հետ համագործակցության զարգացումը նպաստում է էներգետիկ և տրանսպորտային փոխկապակցվածության ընդլայնմանը և դիվերսիֆիկացմանը։

Անդրադառնալով Ամերիկայի Միացյալ Նահանգներին՝ Մնացականյանը կարևորել է Հայաստանին անկախության առաջին տարիներից ի վեր Միացյալ Նահանգների ցուցաբերած տնտեսական և ֆինանսական աջակցությունը։

Հայաստանի արտաքին քաղաքականության երեք հիմնարար սկզբունքները. նախարարը բացում է փակագծերը

Լատինական Ամերիկայի երկրներից նախարարն առանձնացրել է Արգենտինայի, Ուրուգվայի, Բրազիլիայի և Մեքսիկայի հետ հարաբերությունները։

Վկայակոչելով վարչապետ Նիկոլ Փաշինյանի՝ Վիետնամ և Սինգապուր կատարած այցերը՝ Մնացականյանը կարևորել է նաև խաղաղօվկիանոսյան երկրների հետ Հայաստանի հարաբերությունները։ Ամփոփելով՝ արտգործնախարարը հիշեցրել է Հայաստանի՝ Եթովպիայի մայրաքաղաք Ադիս Աբեբայում դիվանագիտական ներկայացուցչություն բացելու մտադրության մասին, ինչի շնորհիվ կամրանան ոչ միայն Հայաստանի և Եթովպիայի կապերը, այլև նոր համագործակցություններ կլինեն Հայաստանի և Աֆրիկա մայրցամաքի այլ երկրների միջև։

81
թեգերը:
Գերմանիա, Ֆրանսիա, Չինաստան, Սինգապուր, Զոհրաբ Մնացականյան, Ամերիկայի Միացյալ Նահանգներ, Հայաստան
Ըստ թեմայի
ԱՄՆ–ի հետ քաղաքական երկխոսության դեֆիցիտ չկա. Մնացականյան
Ադրբեջանում գտնվող հայ զինվորի հարցը մտահոգիչ է. Զոհրաբ Մնացականյան
Ինչ պետք է անի Ադրբեջանը, եթե շահագրգռված է հակամարտության խաղաղ կարգավորմամբ. ԱԳ նախարար
Թատրոն

Եթե ռեստորանները բացվել են, թատրոններն ինչո՞ւ են փակ. թատերական գործիչների առաջարկը

53
(Թարմացված է 23:54 09.07.2020)
Թատրոններն այս օրերին փորձում են հանդիսատեսի հետ կապը պահել առցանց հարթակի միջոցով։ Սակայն թատերական գործիչներն արդեն ուզում են աշխատանքի վերադառնալ։

ԵՐԵՎԱՆ, 9 հուլիսի - Sputnik. Հայաստանի թատերական գործիչները պատրաստ են քիչ քանակությամբ հանդիսատես ընդունել, միայն թե կարողանան վերսկսել բնականոն աշխատանքը։ Արդեն շուրջ 4 ամիս է, ինչ թատրոնների միջանցքներում կատարյալ լռություն է, չկա հանդիսատեսի աղմուկը, և չնայած թատրոնների գերակշիռ մասն անցել է առցանց ցուցադրությունների, սակայն հանդիսատեսի բացն այդկերպ չի լրացվում։

Հայաստանի թատերական գործիչների միության նախագահ, Հակոբ Պարոնյանի անվան երաժշտական կոմեդիայի թատրոնի գեղարվեստական ղեկավար Հակոբ Ղազանչյանը Sputnik Արմենիայի հետ զրույցում հայտնեց, որ երեկ նիստ են արել ու որոշել նամակով դիմել Կրթության, գիտության, մշակույթի և սպորտի նախարարություն։

Թատերական գործիչները նախարարությանը խնդրել են միջնորդել, որ պարետատունը աշնանից թույլատրի թատրոնների աշխատանքը։

«Եթե տրանսպորտը, սրճարանները, խանութները բացվել են, ինչո՞ւ է դեռ արգելվում թատրոնների աշխատանքը։ Պատրաստ ենք ընդունել հանդիսատեսին` սոցիալական հեռավորությունը պահպանելով։ Պարետատունը յուրաքանչյուր թատրոնի համար պետք է հանդիսատես ընդունելու առանձին քանակ սահմանի, և սկսենք աշխատանքը»,– ասաց Ղազանչյանը։

Նրա խոսքով` Պարոնյանի անվան թատրոնում, օրինակ, այս օրերին քիչ թվով դերասաններով, սակայն փորձեր արել են։ Ղազանչյանը վստահ է` թատրոնների բացվելուն պես` հանդիսատեսը շտապելու է ներկայացման, քանի որ կարոտը երկուստեք է։

Մնջախաղի ժանրն, օրինակ, այնպիսին է, որ եթե դերասանը տանը փորձ անելու հնարավորություն չունենա, ապա հետո բեմ վերադառնալու համար երկար աշխատանք է պետք։ Մնջախաղի պետական թատրոնի գեղարվեստական ղեկավար Ժիրայր Դադասյանը նշեց` թատրոնի աշխատակիցներից մեկն օրերս «տրավմա է ստացել», քանի որ տանն է պարապում։ 

Դադասյանի խոսքով` հենց այս շրջանում շատ կարևոր է բեմ վերադառնալը։

«Մենք պատրաստ ենք 30-40 հոգու համար էլ խաղալ, քանի որ դա թե՛ դերասանների, թե՛ հանդիսատեսի համար է անհրաժեշտ։ Մշակութային կյանքի, առավել ևս թատրոնների ակտիվացումը կարևոր է այս օրերի դժվարությունները հաղթահարելու համար»,– ընդգծեց նա։

Դադասյանը նշեց նաև, որ չնայած այս ընթացքում փորձ է արվում հանդիսատես–թատրոն կապը պահպանել առցանց ներկայացումների միջոցով, սակայն կենդանի շփումը բոլորովին այլ է։

Գաբրիել Սունդուկյանի անվան ազգային ակադեմիական թատրոնի տնօրեն, դերասան Վարդան Մկրտչյանը տեղեկացրեց` թատրոնն ակտիվ գործունեություն է ծավալում առցանց հարթակում։ Այժմ «Հուշերի քառուղիներ» ծրագիրն է իրականացվում, որի միջոցով թատրոնի այժմյան դերասանները ներկայացնում են նախկին աշխատակիցներին` մեծ արվեստագետների։

Մկրտչյանը հուսով է, որ առցանց հարթակում ակտիվությունը կնպաստի դերասան-հանդիսատես կապին։

Ինչ է Սունդուկյանի թատրոնն իր հանդիսատեսին խոստանում ամռան ամիսներին

Իսկ ինչ վերաբերում է բեմ վերադառնալուն, ապա, ըստ Մկրտչյանի, իհարկե, բոլորն են ուզում դա, սակայն եթե պարետատունը կարծում է, որ դեռ պետք է սպասել, ուրեմն պահանջը պետք է կատարել։

«Եթե 10 օր կտրվում ենք բեմից, թատրոնից, մեր առօրյան խախտվում է, սակայն իրավիճակը սա է, ի՞նչ կարող ես անել»,– ափսոսանք հայտնեց Մկրտչյանը։

Սոս Սարգսյանի անվան համազգային թատրոնի գեղարվեստական ղեկավար, դերասանուհի Նարինե Գրիգորյանն էլ ասաց, որ օգոստոսի կեսերին նախատեսում են իրենց նոր կառուցվող թատրոնի տանիքում ներկայացում բեմադրել։ Գրիգորյանի դիտարկմամբ` այդպիսով նաև հանդիսատեսին կծանոթացնեն թատրոնի նոր շենքին։

«Եթե ռեստորանները գործում են, թատրոնների աշխատանքը նույնպես պետք է վերականգնվի։ Հիմա` այս դժվարին օրերին, մշակույթն առավել քան անհրաժեշտ է։ Զուր չէ, որ Համազգայինը ստեղծվեց 1991-ին, երբ պատերազմ էր Հայաստանում, նույնպես Պարոնյանի թատրոնը ստեղծվեց 1942–ին»,– հիշեցրեց Գրիգորյանը։

Նա հավելեց, որ հենց դժվարին շրջանում է կարևոր ստեղծագործողի դիրքորոշումն ու մարդկանց դեպի լույսն ուղղորդելը։

«Հայ ֆեստը» գալիս է ձեր տուն․ փառատոնի ներկայացումները բացօթյա կլինեն

Ի դեպ, օրեր առաջ ինչպես թատերական գործիչները, այնպես էլ հանդիսատեսը ֆլեշմոբ էին սկսել` սոցցանցերում տեղադրելով ներկայացումներից որևէ նկար` #ներկայացում_եմ_ուզում, #կրիր_դիմակ_փրկիր_մշակույթը հեշթեգերով։

53
թեգերը:
դերասան, թատերական ներկայացում, Ռեստորան, կորոնավիրուս, Թատրոն, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ինչպես Մոնրոյի կորցրած թաշկինակը Փարիզի թատրոնը փրկեց կորոնավիրուսի պատճառով սնանկանալուց
Իվանիշվիլիի շնորհիվ. Փաշինյանին հրավիրել են Թբիլիսիում հայկական թատրոնի շենքի բացմանը
Իտալիայում կորոնավիրուսի տարածման պատճառով փակվում են թանգարանները, թատրոնները
Մանթաշյանի գործակալը նամակ է գրել Դրեզդենի օպերային թատրոնի տնօրենին. վեճը շարունակվում է
Դենիս Ջորկաեֆ

«Իմ քայլի» պատգամավորն ու Դենիս Ջորկաեֆը նշանակվել են ՀՖՖ նախագահի խորհրդականներ

39
(Թարմացված է 23:17 09.07.2020)
Սիմիդյանը հասարակական հիմունքներով է ստանձնելու խորհրդականի պաշտոնը, այսինքն՝ չի վարձատրվելու։

ԵՐԵՎԱՆ, 9 հուլիսի – Sputnik. Հայաստանի ֆուտբոլի ֆեդերացիայի նախագահ Արմեն Մելիքբեկյանը երկու նոր խորհրդական ունի: Տեղեկությունը հայտնում է ՀՖՖ մամուլի ծառայությունը:

Հաղթանակ դատարկ տրիբունաների պայմաններում. Մխիթարյանը փայլեց «Ռոմայի» կազմում. տեսանյութ

ԱԺ պատգամավոր, «Իմ քայլը» խմբակցության քարտուղար Հակոբ Սիմիդյանը նշանակվել է ՀՖՖ նախագահ Արմեն Մելիքբեկյանի՝ ՀՀ կառավարության հետ կապերի գծով խորհրդական, իսկ ֆրանսիական Դեսին քաղաքի փոխքաղաքապետ, FeedConstruct սպորտային իրադարձությունների թվային կոնտենտ և դատա մատակարարող ընկերության դեսպան Դենիս Ջորկաեֆը՝ ՀՖՖ նախագահի՝ միջազգային հարցերով խորհրդական:

Денис Джоркаефф
Դենիս Ջորկաեֆ

ՀՖՖ-ի հաղորդագրության մեջ նշվում է, որ Սիմիդյանը հասարակական հիմունքներով է ստանձնելու խորհրդականի պաշտոնը, այսինքն՝ չի վարձատրվելու։

Секретарь фракции Мой Шаг Акоб Симидян на заседании парламента Армении (15 января 2019). Еревaн
© Sputnik / Asatur Yesayants
Հակոբ Սիմիդյան

Արմեն Մելիքբեկյանը ՀՖՖ-ի նախագահն է 2019-ի դեկտեմբերից։ Մինչ այդ ՀՖՖ-ն նախագահում էր ԱԱԾ նախկին տնօրեն Արթուր Վանեցյանը։

Брифинг новоизбранного президента Федерации футбола Армении Армена Меликбекяна после внеочередного заседания ФФА (23 декабря 2019). Еревaн
© Sputnik / Asatur Yesayants.
Արմեն Մելիքբեկյան
39
թեգերը:
Արմեն Մելիքբեկյան, Հակոբ Սիմիդյան, Դենիս Ջորկաեֆ, ՀՖՖ, Հայաստան
Ըստ թեմայի
Եվրոպայի ամենաուժեղ մարդը, կամ ինչու Աշոտ Դանիելյանից հետ վերցրին օլիմպիական մեդալը
Ինչու է պարետատունը մերժել Հայաստանի ֆուտբոլի ֆեդերացիային
Սրմաքեշն իր խաբեությամբ սպանեց երկու «Արարատ». Վալերի Հովհաննիսյանը գաղտնիքներ է բացում

Նուբարաշենի աղբավայրում խոշոր հրդեհ է․ հրշեջներն ավելի քան մեկ ժամ է՝ փորձում են մարել այն

0
(Թարմացված է 00:10 10.07.2020)
Sputnik Արմենիայի տեսանյութում երևում է հրդեհը, որը մարելու համար չորս մարտական հաշվարկ է աշխատում։ Օգնության է հասել նաև քաղաքապետարանի ջրատար մեքենան։

Երևանի Նուբարաշենի աղբավայրում խոշոր հրդեհ է, որը երևում է քաղաքի կենտրոնից։ Sputnik Արմենիայի թղթակցի տեսախցիկը ֆիքսել է կրակի կադրերը։ Արտակարգ իրավիճակների նախարարությունից մեզ հայտնեցին, որ արդեն ավելի քան մեկ ժամ է` հրշեջները փորձում են մարել կրակը։

«Տեղում չորս մարտական հաշվարկ է աշխատում, Երևանի քաղաքապետարանի ջրատար մեքենան էլ է մոտեցել հրշեջներին», - ասացին ԱԻՆ-ից։

Մի քանի վայրկյանում հսկա շենքը հողին հավասարվեց. ինչպես պայթեցրին «Ձյունիկ սառնարանը»

Աղբավայրում խոշոր հրդեհ էր տեղի ունեցել նաև անցյալ տարվա մայիսին։

Ի՞նչ է կատարվում օպերայի բակում. շենքի մոտ հրշեջներ ու մարտական հաշվարկներ են հավաքվել

0
թեգերը:
տեսանյութ, հրդեհ, Նուբարաշենի աղբավայր, Հայաստան
թեմա:
Վթար, պատահար, սպանություն, գողություն
Ըստ թեմայի
Ողբերգական վթար Շիրակի մարզում. երիտասարդ վարորդներից մեկը տեղում մահացել է
«Գնում եմ կովերի հետևից». 30-ամյա Նարեկը ճանապարհ է ընկել դեպի ձորն ու չի վերադարձել
Հայաստան- Իրան միջպետական ճանապարհի մի հատվածը միակողմանի փակ է. բեռնատար է կողաշրջվել