Բողոքի ակցիա՝ ընդդեմ Ամուլսարի շահագործման. արխիվային լուսանկար

Ամուլսարը մտել է իշխանության «մատի ու մատանու արանքը». ի՞նչ է կատարվում «Իմ քայլում»

355
(Թարմացված է 10:33 23.08.2019)
Չափազանցություն չի լինի ասել, որ հանքի խնդիրը կարող է դառնալ այն լակմուսի թուղթը, որը կբացահայտի իշխող թիմի ամրության ու համախմբման աստիճանը։

ԵՐԵՎԱՆ, 22 օգոտսոսի — Sputnik, Աշոտ Սաֆարյան. Ամուլսարի ոսկու հանքի շահագործման դեմ բողոքները չեն կարող լուրջ ներքաղաքական փոփոխությունների հանգեցնել։ Սրանում վստահ է Կովկասի ինստիտուտի փորձագետ  Հրանտ Միքայելյանը։

Ամուլսարի հարցն այժմ ամենաքննարկվող թեման է հայկական քաղաքականության մեջ ու մամուլում։ Չափազանցություն չի լինի ասել, որ հանքի խնդիրը կարող է դառնալ այն լակմուսի թուղթը, որը կբացահայտի Փաշինյանի թիմի ամրության ու համախմբման աստիճանը։  Թեև Փաշինյանն  արդեն հայտնել է, որ կողմ է հանքի շահագործմանը, «Իմ քայլը» դաշինքի որոշ պատգամավորներ չեն թաքցնում իրենց «հակաամուլսարական» դիրքորոշումը։

Այդ կապակցությամբ մենք փորձել ենք մեր զրուցակցի օգնությամբ հասկանալ` արդյո՞ք Ամուլսարի դեպքը կարող է պառակտում առաջացնել վերնախավի ներսում։ Նա այդ հարցում բավականին կասկածամտորեն է տրամադրված ու պնդում է, որ այդ պատմությունը չի կարող խարխլել իշխանության շարքերը։ 

«Անկասկած, որոշ տարաձայնություններ կան, բայց չեմ կարծում, որ իշխանությունը քաղաքականապես կտուժի Ամուլսարի պատճառով։ Համենայն դեպս, այս պահին նման նախադրյալներ չեմ տեսնում», – ասաց Միքայելյանը։

Հետհեղափոխական շրջանում միշտ կարող են լինել հարցեր, որոնք տարաձայնություններ են առաջացնում։ Քաղաքագետի խոսքով` պետք է նշել, որ «Իմ քայլը» խմբակցությունը բավականին սուղ ժամկետներում է կազմվել, ու այնտեղ կարող է գաղափարախոսական միասնականություն եղած չլինել։  Այդ պատճառով Ամուլսարի վերաբերյալ եղած տարածայնությունները չպետք է զարմացնեն։ 

«Պատգամավորները, որոնք դեմ են հանքի շահագործմանը, դժվար թե ուզենան լքել խմբակցությունն ու կորցնել այն բարիքները, որոնք տալիս է նրանց իրենց կարգավիճակը։ Բայց նույնիսկ եթե ենթադրենք, որ երեք–չորս պատգամավոր կդիմեն այդ քայլին, խմբակցությունը դրանից ոչինչ չի կորցնի», – կարծում է Միքայելյանը։ 

Միաժամանակ, փորձագետը կարծում է, որ վարչապետն ի սկզբանե Ամուլսարի վերաբերյալ վերջնական լուծում չուներ։ Իսկ նրա ներկայիս դիրքորոշումն ընդհանուր առմամբ պայմանավորված է արտաքին ճնշումով։

Միջազգային ներդրողները հավանաբար հասկացրել են, որ եթե Ամուլսարը փակվի, Հայաստանում ներդրումներ չեն արվի։ Պետք է բացառել նաև Lydian Armenia ընկերության կողմից Հայաստանի դեմ հայց ստանալու վտանգը։

«Կարծում եմ` վարչապետը գնահատել է  բոլոր ռիսկերն ու մտածել, որ չափազանց ռիսկային կլինի հանքը շահագործելուց հրաժարվելը»,- նշեց Միքայելյանը։

Տնտեսական առումով՝ Ամուլսարից ստացվող եկամուտը նշանակալի չի լինի։ Փորձագետի խոսքով`հանքի մշակումը որոշ լրացուցիչ եկամուտ կբերի բյուջեին, բայց երկարաժամկետ հեռանկարում դա երկրի տնտեսության համար էական նշանակություն չի ունենալու։

Փաշինյանը պարզաբանել է, թե ինչու է Ամուլսարի հարցով նոր հանձնարարական տվել
Օգոստոսի 19–ին Facebook–ում ուղիղ եթերի ժամանակ ՀՀ վարչապետն ասել էր,  որ Ամուլսարի հանքը կարող է գործարկվել, քանի որ Elard  ընկերության եզրակացության համաձայն` հավանական ռիսկերը կարող են ոչ էական լինել Սևանա լճի կամ Ջերմուկի ջրերի համար, եթե ընդունվեն կանխարգելիչ այն 16 միջոցները, որոնց մասին խոսվում է եզրակացության մեջ։  Դա բնապահպանների ու ակտիվիստների շարքերում բողոքի կտրուկ ալիք է բարձրացրել։

355
թեգերը:
«Իմ քայլը» դաշինք, Ամուլսար
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (79)
Տիգրան Ավինյան, արխիվային լուսանկար

Որոշ լաբորատորիաներում կարգելվեն ՊՇՌ մեթոդով հետազոտությունները. ՀՀ պարետի նոր որոշումը

41
(Թարմացված է 00:43 03.06.2020)
Պոլիմերազային շղթայական ռեակցիայի մեթոդով լաբորատոր հետազոտությունների իրականացումը չի թույլատրվում բոլոր այն լաբորատորիաներում, որոնք չունեն տեխնիկական բավարար հագեցվածություն, բավարար թվով և որակավորմամբ մասնագետներ, ինչպես նաև կենսաանվտանգության պատշաճ համակարգ

ԵՐԵՎԱՆ, 3 հունիսի - Sputnik. ՀՀ պարետ Տիգրան Ավինյանը նոր որոշում է հրապարակել, որով ՀՀ-ում արգելվում են պոլիմերազային շղթայական ռեակցիայի (ՊՇՌ) մեթոդով լաբորատոր հետազոտությունները այն լաբորատորիաներում, որոնք չունեն տեխնիկական բավարար հագեցվածություն։ Տեղեկությունը հայտնում է ՀՀ կառավարության կայքը:

«ՀՀ ողջ տարածքում արգելվում է կորոնավիրուսային հիվանդության (COVID-19) ախտորոշման նպատակով պոլիմերազային շղթայական ռեակցիայի (այսուհետ՝ ՊՇՌ) մեթոդով լաբորատոր հետազոտությունների իրականացումն այն լաբորատորիաներում, որոնք չունեն տեխնիկական բավարար հագեցվածություն, բավարար թվով և որակավորմամբ մասնագետներ, ինչպես նաև կենսաանվտանգության/կենսապահովության (այսուհետ՝ կենսանվտանգություն) պատշաճ համակարգ»,- նշված է հաղորդագրության մեջ:

Նոր որոշմամբ սահմանվում է, որ կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաների տեխնիկական հագեցվածության, մասնագետների թվի և որակավորման, ինչպես նաև կենսաանվտանգության չափորոշիչներն ու պահանջները սահմանվում են Առողջապահության նախարարի հրամանով և ՊՇՌ մեթոդով լաբորատոր հետազոտություններ իրականացնելու համար բժշկական կազմակերպությունները և լաբորատորիաները պետք է դիմեն Առողջապահության նախարարություն՝ ներկայացնելով Առողջապահության նախարարի հրամանով սահմանված պահանջների ու չափորոշիչների վերաբերյալ տեղեկանք-հիմնավորում և անհրաժեշտ փաստաթղթեր:

Պարետ Տիգրան Ավինյանը կորոնավիրուսի թեստ չի հանձնի և չի փոխարինի Փաշինյանին. խոսնակ

Ինչ վերաբերում է տեխնիկական հագեցվածության, մասնագետների թվի ու որակավորման, ինչպես նաև կենսաանվտանգության/կենսապահովության պահանջներին լաբորատորիաների համապատասխանությանը, ապա դա իրականացվում է Առողջապահության նախարարի հրամանով ձևավորված մասնագիտական խմբի կողմից տեղում կատարված դիտարկմամբ, որի արդյունքում կազմվում է մասնագիտական եզրակացություն:

ՊՇՌ մեթոդով լաբորատոր հետազոտություն իրականացնելու համար նմուշառում կատարող բժշկական կազմակերպությունները և լաբորատորիաները, ինչպես նաև՝ հետազոտությունն իրականացնող լաբորատորիաները պարտավոր են նմուշառման օրն ապահովել իրենց կողմից իրականացված բոլոր հետազոտությունների վերաբերյալ ամբողջական տեղեկության մուտքագրումը էլեկտրոնային առողջապահության «ԱՐՄԵԴ» համակարգ, իսկ արդյունքները՝ դրանք հայտնի դառնալուց հետո՝ 12 ժամվա ընթացքում։ Պարտադիր է հետազոտվող անձի հասանելի հեռախոսահամարի ճշգրիտ մուտքագրումը, որը հանդիսանում է միակ կոնտակտային հեռախոսահամարն արդյունքների մասին տեղեկացնելու և քաղաքացու հետ հետագա կապի ապահովման համար։

Դրական արդյունքների դեպքում լաբորատորիաները 12 ժամվա ընթացքում լրացնում և Առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ են ներկայացնում շտապ հաղորդման քարտ։

Երևանի կենտրոնում փակվել են հանրային սննդի մի շարք հայտնի կետեր. տեսանյութ

ՊՇՌ հետազոտություններ իրականացնող լաբորատորիաներում հետազոտությունների որակի արտաքին հսկողությունն իրականացնում է Առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ը. ընթացակարգային կանոնները սահմանվում են Առողջապահության նախարարի ցուցումով։

Իր վերջին որոշման մեջ ՀՀ պարետը Առողջապահության նախարար Արսեն Թորոսյանին հանձնարարել է 2-օրյա ժամկետում՝

  • Սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաներին ներկայացվող տեխնիկական հագեցվածության, մասնագետների թվի և որակավորման, կենսաանվտանգության չափորոշիչների ու պահանջների վերաբերյալ հարցաշար և ապահովել դրա հրապարակումը նախարարության պաշտոնական կայքէջում:
  • Ձևավորել մասնագիտական խումբ կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաների տեխնիկական հագեցվածության, մասնագետների թվի և որակավորման, ինչպես նաև կենսաանվտանգության՝ Առողջապահության նախարարի համապատասխան հրամանով սահմանված պահանջներին ու չափորոշիչներին համապատասխանությունը գնահատելու նպատակով:
  • Սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնող լաբորատորիաներում որակի արտաքին հսկողության իրականացման գործողությունների ստանդարտ ընթացակարգը (ԳՍԸ)։
  • Հաշվի առնելով մասնագիտական խմբի գնահատման եզրակացությունը՝ Առողջապահության նախարարի ցուցումով սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնող լաբորատորիաների ցանկը և ապահովել հանրությանը պատշաճ իրազեկումը՝ ըստ անհրաժեշտության ապահովելով դրա պարբերական թարմացումը։

Որոշումն ուժի մեջ է մտնում հունիս 2-ին՝ ժամը 23:59-ից:

41
թեգերը:
թեստ, որոշում, Տիգրան Ավինյան, պարետ, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Պարետի որոշմամբ Երևանի կենտրոնի խոշոր սուպերմարկետներից մեկը ժամանակավորապես չի գործի
932 տնտեսվարող պարետի սահմանած կանոնները չեն պահպանել. նրանց գործունեությունը կասեցած է
Պարետը չի բացառում կարանտինային ռեժիմ սահմանելու հնարավորությունը
Պարետատունն ինքնամեկուսացման պայմաններում փոփոխություններ է կատարել

ԱՄՆ-ում անկարգությունների հետևանքով նաև հայերին պատկանող բիզնեսներ են տուժել

81
Կոլորադո քաղաքի Դենվեր քաղաքում նաև սև ներկով հայկական խաչքար է պղծվել, Կալիֆոռնիայում հայերին պատկանող մի քանի խանութներ են թալանվել։

ԵՐԵՎԱՆ, 2 հունիսի - Sputnik. ԱՄՆ-ում արդեն մի քանի օր է՝ չեն հանդարտվում փողոցային անկարգությունները։ Իրավիճակը լարված է նաև հայաշատ Կալիֆորնիայում։ Ըստ նախնական տեղեկությունների՝ անկարգությունների հետևանքով նաև հայերին պատկանող տասնյակ բիզնեսներ են տուժել։

Shantnews.am-ի հետ զրույցում Լոս Անջելեսում Հայաստանի գլխավոր հյուպատոս Արմեն Բայբուրդյանը նշել է, որ դեռևս փորձում են ամբողջացնել տեղեկությունը՝ հասկանալու համար, թե ԱՄՆ-ում տեղի ունեցող իրադարձություններից քանի հայ է տուժել։ Նա տեղեկացրեց, որ շաբաթ օրը Կալիֆոռնիայի նահանգապետի որոշմամբ՝ արտակարգ դրություն հայտարարվեց Լոս Անջելես քաղաքում և մարզում, որտեղ մոտ տասնհինգ միլիոն մարդ է ապրում։ Տարբեր քաղաքներում պարետային ժամը տարբեր է։ Օրինակ՝ Սանտա Մոնիկան բավականին շատ է տուժել անկարգությունների ժամանակ։

Լոս Անջելեսում Ազգային գվարդիայի մոտ հազար ծառայող է տեղակայվել: Նրանք հիմնականում պաշտպանում են քաղաքապետարանի շենքն ու ստրատեգիական կառույցները։

ԱՄՆ-ում ոստիկանները մի քանի անգամ կրակել են Sputnik-ի պրոդյուսերի վրա

«Գլենդելը, Բրբենքը, Հոլիվուդը, Փասադենան, որտեղ մեծ թվով հայություն կա, դրանցում հիմնականում խժդժություններ չեն եղել, առանձին դեպքեր են արձանագրվել»,- նշեց հյուպատոսը՝ հավելելով, որ այլ դեպքերի մասին տեղեկություններ են հավաքում։

Բայբուրդյանը տեղեկացրեց նաև, որ անկարգությունների ժամանակ պղծվել է Կոլորադո նահանգի Դենվեր քաղաքի կառավարական շենքի մոտ տեղադրված հայկական խաչքարը։ Այն տեղադրվել է ի հիշատակ Հայոց ցեղասպանության և մարդկության դեմ կատարված բոլոր հանցագործությունների զոհերի։ Խաչքարի վրա սև ներկով գրություններ են հայտնվել։

Բիզնեսներ ունեցող հայերը նաև իրենց խանութները, ռեստորանները պաշտպանելու լրացուցիչ միջոցներ են ձեռնարկում, մետաղյա ճաղավանդակներ են տեղադրում և այլն։

Հիշեցնենք` ամերիկյան քաղաքներում անկարգությունները սկսվեցին մայիսի 25-ից, երբ աֆրոամերիկացի Ջորջ Ֆլոյդը մահացավ ոստիկանական գործողությունների հետևանքով։
Զանգվածային անկարգությունների ֆոնին չորս ոստիկան ազատվել է աշխատանքից, ևս մեկը մեղադրվում է անզգուշությամբ մահ պատճառելու մեջ։ Մինեապոլիսում ու հարևան Սենթ Փոլում հանգստյան օրերին պարետաժամ է մտցվել։

Ինչու են Ռուսաստանին մեղադրում ԱՄՆ անկարգությունների մեջ. պարզաբանում է Կուբիշկինը

81
թեգերը:
խաչքար, բիզնես, Կալիֆոռնիա, հայ, Բողոքի ակցիա, ԱՄՆ
Ըստ թեմայի
Բողոքի ակցիաներ ԱՄՆ-ում․ ամերիկացիները փորձում են մեղքը բարդել Ռուսաստանի վրա
Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ
«Իրականություն վերադարձեք». Զախարովան պատասխանել է ԱՄՆ նախագահի նախկին խորհրդականին
ԱՄՆ-ում ոստիկանները մի քանի անգամ կրակել են Sputnik-ի պրոդյուսերի վրա