ՀՀ դատախազություն

Ամուլսարի մասին Գրիգորյանի և Մարտիրոսյանի գրառումները չունեն փաստական հիմք. դատախազություն

160
(Թարմացված է 11:06 21.08.2019)
Կոռուպցիոն գործարքների մասին նրանց գրառումներն արտահայտում են բացառապես նրանց սուբյեկտիվ տեսակետը և սեփական վերլուծությունների արդյունքը։

ԵՐԵՎԱՆ, 20 օգոստոսի — Sputnik. Բնապահպանության և ընդերքի տեսչական մարմնի նախկին ղեկավար Արթուր Գրիգորյանը և քաղաքագետ Հայկ Մարտիրոսյանը Ամուլսարի հարցով կոռուպցիոն գործարքի մասին որևէ տեղեկատվության չեն տիրապետում։ Այս մասին Facebook–յան իր էջում գրել է ՀՀ գլխավոր դատախազության հասարակայնության հետ կապերի բաժնի ղեկավար Արևիկ Խաչատրյանը։

«ՀՀ դատախազության կողմից ստուգման նպատակով ՀՀ ԱԱԾ ուղարկված` Ամուլսարի հանքի շուրջ ստեղծված իրավիճակի վերաբերյալ ԶԼՄ–ներում առկա առերևույթ հանցագործության հատկանիշներ պարունակող հրապարակումների վերաբերյալ նախապատրաստված նյութերի շրջանակներում Բնապահպանական տեսչության նախկին ղեկավար Արթուր Գրիգորյանը, ինչպես նաև քաղաքագետ Հայկ Մարտիրոսյանը իրենց ֆեյսբուքյան այն գրառումների վերաբերյալ, որով հայտնել էին Ամուլսարի հարցով կոռուպցիոն գործարքի մասին, բացատրություն են տվել, որ կոռուպցիոն դրսևորման որևէ դեպքի վերաբերյալ տեղեկատվության չեն տիրապետում, իսկ Ամուլսարի հանքի շուրջ ստեղծված իրավիճակի վերաբերյալ իրենց ֆեյսբուքյան գրառումները չունեն որևէ փաստական հիմք և արտահայտում են բացառապես իրենց սուբյեկտիվ տեսակետը և սեփական վերլուծությունների արդյունքը»,–գրել է Խաչատրյանը։

Նյութերի նախապատրաստման շրջանակներում ստուգողական գործողությունները շարունակվում են։

Հիշեցնենք, որ այսօր քաղաքագետ Հայկ Մարտիրոսյանը Facebook–ի իր էջում գրել է, որ եթե մինչ այս կասկածներ ուներ, որ Ամուլսարի հարցում խոշոր կոռուպցիոն գործարք է տեղի ունեցել, ապա այժմ արդեն որևէ կասկած չունի: «Դրանում ոչ մի, կրկնում եմ` ոչ մի կասկած այլևս լինել չի կարող: Ստախոս, խաբեբա և հիմա արդեն ժողովրդին ու երկրին դավաճանող կառավարությունը պետք է նախ հետ կանգնի Ամուլսարը բացելու իր որոշումից: Այլընտրանք չկա: Այս երկիրը մենք չենք վաճառելու միայն խոսքեր ու խոստումներ շաղ տվող շաղակրատ իշխանությանը»,–գրել էր նա։

Ավինյանը որոշել է մի կողմ դնել աշխատանքային էթիկան ու պատռել Արթուր Գրիգորյանի դիմակը

Բնապահպանության և ընդերքի տեսչական մարմնի նախկին պետ Արթուր Գրիգորյանը ևս Facebook սոցիալական ցանցի իր էջում գրել էր, որ Ամուլսարի վերաբերյալ ընդունված որոշման մասին գիտեր դեռ 8 ամիս առաջ, երբ դեռ բնապահպանական տեսչության ղեկավարն էր: Նրա խոսքով` իր նշանակման օրվանից սկսած Ավինյանի գրասենյակը լծվել է իր ձեռքերով Ամուլսարի ճամփաները բացելու գործին։

Դատախազությունն այսօր հայտնեց, որ Ամուլսարի հանքի շուրջ ստեղծված իրավիճակի վերաբերյալ զանգվածային լրատվության միջոցներում առկա առերևույթ հանցագործության հատկանիշներ պարունակող հրապարակումներն ուղարկել են ԱԱԾ։

160
թեգերը:
Արթուր Գրիգորյան, ՀՀ ազգային անվտանգության ծառայություն. ԱԱԾ, Լիդիան, Ամուլսար, Հայկ Մարտիրոսյան, ՀՀ դատախազություն, Նիկոլ Փաշինյան, Հայաստան
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (87)
Ըստ թեմայի
Ամուլսարի բողոքի ակցիայի ակտիվիստներից մեկը ոստիկանությունից տեղափոխվել է հիվանդանոց
Փաշինյանը խոսել է Ամուլսարի մասին և պարզաբանել՝ այնտեղ ոսկի կարդյունահանե՞ն, թե՞ ոչ
Քոչարյան․ «Ամուլսարի հարցը ներիշխանական է․ այն կբերի իշխանության ներսում թևերի բաժանման»
Թուրքական ապրանք

Թուրքական ապրանքներից ազատված շուկայում «ձուկ բռնելու» հնարավորություններ կան. նախարար

25
(Թարմացված է 22:37 28.11.2020)
Հունվարի 1–ից առնվազն վեց ամսով արգելվելու է թուրքական ծագմամբ ապրանքների ներմուծումը Հայաստան։ ՀՀ էկոնոմիկայի նորանշանակ նախարարը վստահեցնում է, որ այդ բացը կարելի է լրացնել և գումար աշխատել։

ԵՐԵՎԱՆ, 28 նոյեմբերի – Sputnik․ ՀՀ էկոնոմիկայի նախարար Վահան Քերոբյանը Facebook-ի իր էջում անդրադարձել է թուրքական ծագմամբ ապրանքների ներմուծման 6–ամսյա արգելքին, որը, ըստ նրա, լավ բիզնես հնարավորություններ կստեղծի տեղական շուկան զարգացնելու համար։

«Թուրքիայից ներմուծվող հիմնական խոշոր ապրանքախմբերն են. hագուստ՝ 69.4 մլն ԱՄՆ դոլար, ցիտրուսային պտուղներ՝ 10.3 մլն ԱՄՆ դոլար, մեքենաներ, սարքավորումներ և մեխանիզմներ (էլ. ջեռուցիչ, սառնարան և այլն)՝ 35.3 մլն ԱՄՆ դոլար, նավթ և նավթամթերք՝ 24.3 մլն ԱՄՆ դոլար, քիմիայի և դրա հետ կապված արդյունաբերության ճյուղերի արտադրանք՝ 23.6 մլն ԱՄՆ դոլար, ոչ թանկարժեք մետաղներ և դրանցից պատրաստված իրեր՝ 21.6 մլն ԱՄՆ դոլար։ Ես իհարկե չեմ խրախուսում ցիտրուս աճեցնել, բայց ընդհանուր առմամբ տարեկան 200 մլն դոլարի ազատված շուկայում «ձուկ բռնելու» լավ հնարավորություններ կան»,–գրել է նախարարը։

Նրա խոսքով` ՀՀ էկոնոմիկայի նախարարություն թիմը պատրաստ է տրամադրել ավելի մանրամասն տեղեկատվություն` օգնելու լրացնել այս բացը հայկական կամ բարեկամական ծագման ապրանքներով և գումար աշխատել։

Ապրանքների մանրամասն ցանկը կարելի գտնել այստեղ։

Նշենք, որ թուրքական ծագմամբ ապրանքների ներմուծումն առնվազն վեց ամսով արգելվելու է հունվարի 1-ից։

Հիշեցնենք, որ սեպտեմբերի 27-ից Արցախի դեմ թուրք–ադրբեջանական ու ահաբեկչական ուժերի սանձազերծած պատերազմի առաջին իսկ օրերից հայաստանյան սպառողներն ու խոշոր առևտրի ցանցերն արշավ սկսեցին թուրքական ապրանքների վաճառքի դեմ։

Ի պատասխան հանրային դժգոհության` ՀՀ էկոնոմիկայի նախարարությունը համապատասխան որոշման նախագիծ ներկայացրեց հանրային քննարկման։ Իսկ հոկտեմբերի 20-ին այն արդեն ընդունվեց ՀՀ կառավարության կողմից։

Ի՞նչ հետևանք կունենա թուրքական ապրանքների ներկրման արգելքը ՀՀ տնտեսության վրա

 

25
թեգերը:
Վահան Քերոբյան, Հայաստան
Ըստ թեմայի
2021թ–ին նախատեսվում է 3,2% տնտեսական աճ. Ջանջուղազյանը ներկայացրել է բյուջեն
Ի՞նչ է LC Waikiki–ն՝ պարզապես լավ գովազդային արշավ. ինչպես ազատվել թուրքական ապրանքից
Ինչպե՞ս Հայաստանը պետք է բոյկոտի թուրքական ապրանքը․ բիզնեսմենները տարբերակ են գտել
Հիվանդանոց

Covid-19. ՀՀ առողջապահության նախարարությունն 8 ամսում ավելի քան 15 միլիարդ դրամ է ծախել

20
(Թարմացված է 22:25 28.11.2020)
Առողջապահության նախարարությունը հայտնում է, որ գումարի մեջ ներառված են բացառապես առողջապահության նախարարության կատարված ծախսերը։ Գերատեսչությունը հրապարակել է նաև պարգևատրումների գումարը։

ԵՐԵՎԱՆ, 28 նոյեմբերի – Sputnik․ 2020 թվականի մարտից մինչև նոյեմբերի 1-ն ընկած ժամանակահատվածի համար ՀՀ առողջապահության նախարարությունը կորոնավիրուսային համավարակի (COVID-19) կանխարգելման, վերահսկման, բուժման և այլ համալիր միջոցառումների շրջանակներում ծախսել է 15 168 400 586 դրամ։ Տեղեկությունը հայտնում է նախարարության մամուլի ծառայությունը։

Մասնավորապես, վերապրոֆիլավորված բժշկական կենտրոնների պահպանման ծախսերը կազմել են 4 945 270 160 դրամ, բազմապրոֆիլ բժշկական կենտրոններին կատարված վճարումները (պայմանագրային գներով)` 705 948 100 դրամ, պարգևատրումը Covid-19-ի շրջանակում կազմել է 954 504 059 դրամ, ժամանակավոր մեկուսարանների պահպանման ծախսերը` 393 021 823 դրամ, պաշտպանիչ միջոցներով հագեցվածությունը կազմել է 982 327 805 դրամ,դեղորայքի և ԲՆԱ հագեցվածությունը կազմել է 2 446 097 104 դրամ, բժշկական սարքավորումներով հագեցվածությունը` 3 362 427 040 դրամ,բժշկական կենտրոնների վերանորոգման համար ծախսվել է 981 716 259 դրամ, իսկ այլ պետական մարմինների կարիքների համար կատարված վճարումները կազմել են 397 088 237 դրամ։

«Համավարակով պայմանավորված՝ ծախսերը կրում են շարունակական բնույթ, որոնց մասին տեղեկատվությունը պարբերաբար կթարմացվի»,–նշված է հաղորդագրության մեջ։

Գերատեսչությունը հայտնում է, որ գումարի մեջ ներառված են բացառապես առողջապահության նախարարության կողմից կատարված ծախսերը, քանի որ ծախսեր եղել են նաև այլ գերատեսչությունների կողմից։

1248 նոր դեպք, 31 մահ` մեկ օրում. կորոնավիրուսային հիվանդության ընթացքը Հայաստանում

20
թեգերը:
համավարակ, ծախս, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Մինչ օրս պարզ չէ, թե հատկապես որտեղ են մարդիկ վարակվում կորոնավիրուսով
Գիտնականները կորոնավիրուսի կանխարգելման համար նոր միջոց են գտել
Ամենաաղքատ երկրներին կօգնեն հաղթահարել կորոնավիրուսը. G-20–ի երկրների հայտարարությունը
Բողոքի ակցիա Փարիզում

Փարիզում ցույցերը վերածվել են անկարգությունների. տեսանյութ

0
(Թարմացված է 23:01 28.11.2020)
Խաղաղ ցույցին միացել են սև հագուստով մի խումբ մարդիկ, որոնք վիրավորական արտահայտություններ են հնչեցրել ոստիկանների հասցեին, իսկ հետո սկսել են շշեր նետել նրանց վրա: Ոստիկանությունն իր հերթին արցունքաբեր գազ է կիրառել։

ԵՐԵՎԱՆ, 28 նոյեմբերի – Sputnik․ Փարիզում զանգվածային ցույցեր են անցկացվում, մարդիկ պայքարում են «Գլոբալ անվտանգության մասին» օրենքի դեմ։ Այսօր ցույցերը վերածվել են անկարգությունների։ Ցուցարարներն այրել են Բաստիլի հրապարակում գտնվող կրպակը, կոտրել են ռեստորանների ապակիները, անգամ արմատախիլ են արել փոքր ծառերը։ Տեղեկությունը հայտնում է ՌԻԱ Նովոստին:

«Գլոբալ անվտանգության մասին» օրենքը խորհրդարանն ընդունել է այս շաբաթ: Օրենքի 24-րդ հոդվածը պատիժ է նախատեսում ոստիկանի կամ ժանդարմի «դեմքը կամ նույնականացման որևէ այլ տարր տարածելու համար»: Այս կանոնը խախտողներին սպառնում է 1 տարվա ազատազրկում և 45 հազար եվրո տուգանք:

Օրենքը զանգվածային դժգոհություն է առաջացրել։ Մարդիկ դուրս են եկել փողոց։

Խաղաղ ցույցին միացել են սև հագուստով մի խումբ մարդիկ, որոնք վիրավորական արտահայտություններ են հնչեցրել ոստիկանների հասցեին, իսկ հետո սկսել են շշեր նետել նրանց վրա: Ոստիկանությունն իր հերթին արցունքաբեր գազ է կիրառել։

Օրենքի դեմ պայքարում են նաև լրագրողները, նրանք մտավախություն ունեն, որ այն ուժի մեջ մտնելուց հետո ԶԼՄ-ների աշխատակիցներն ու քաղաքացիները չեն կարողանա հանրահավաքների և բողոքի ակցիաների ժամանակ ազատ նկարահանել ուժայինների աշխատանքը: Պաշտոնական Փարիզն իր հերթին հավաստիացրել է, որ օրինագիծը չի արգելի լրագրողներին արձանագրել ոստիկանության գործողությունները:

Հիշեցնենք` Փարիզում անկարգություններ էին տեղի ունեցել նաև այս տարվա հունիսին։

 

0
թեգերը:
տեսանյութ, անկարգություններ, Ֆրանսիա