Սամվել Բաբայան

«Հոդվածը պատվիրված է». Բաբայանի գրասենյակը պատասխանել է «սոցցանցերում թափառող լուրերին»

147
(Թարմացված է 11:34 19.08.2019)
Օգանովսկու դեմ ցուցմունք տված Կամո Մնացականյանն մինչև 2000թ.–ն արված մի շարք հանցանքների համար հենց Սամվել Բաբայանի հրահանգով պատասխանատվության է ենթարկվել։

ԵՐԵՎԱՆ, 19 օգոստոսի— Sputnik. Արցախի Պաշտպանության բանակի նախկին հրամանատար, գեներալ–լեյտենանտ Սամվել Բաբայանի գրասենյակն այսօր` օգոստոսի 19-ին, հաղորդագրություն է տարածել, որով պատասխանել է նախօրեին լրատվական դաշտում տարածված հոդվածին։

Հոդվածում հայտնվում էր, որ Արցախյան պատերազմի հերոս, գեներալ Սամվել Կարապետյանի (Օգանովսկու) դեմ ցուցմունք է տվել Ասկերանի բնակիչ, հանցավոր անցյալ ունեցող, հետախուզման մեջ գտնվող ոմն Կամո Մնացականյանը, մականունը` «աֆերիստ»։ Նշվում էր նաև, որ Մնացականյանը Սամվել Բաբայանի համախոհներից է։

Բաբայանի գրասենյակը հիշյալ հոդվածը «պատվիրված» է որակում։

«Առաջին հայացքից ընթերցողին կթվա, թե սա մի անմեղ անդրադարձ է, սակայն, երբ գիտես հոդվածի պատվիրատուի հետին մտքերն ու փնթի մտադրությունները, պարզ է դառնում, որ որոշ շրջանակներ փորձում են ինչ- որ խնդիրներ լուծել»,– գրված է Բաբայանի գրասենյակի տարածած հաղորդագրության մեջ։

Միաժամանակ նշվում է, որ Կամո Մնացականյանը մինչև 2000 թ.-ը մի շարք հանցանքների համար հենց Սամվել Բաբայանի հրահանգով պատասխանատվության է ենթարկվել։ Բացի այդ, Սամվել Բաբայանը «Երևան» ՔԿՀ-ից դուրս է եկել 2018թ. հուլիսի 15–ին, իսկ Կամո Մնացականյանը ցուցմունքը տվել է հուլիսի 7-ին։

Չեմ բացառում, որ BBC-ի հրապարակումը հատուկ պատվեր լինի. Սամվել Կարապետյան (Օգանովսկի)

Հաղորդագրության հեղինակները նաև հայտարարում են, որ հետախուզման մեջ գտնվող Կամո Մնացականյանը ազատ քայլում է Արցախում։

Իսկ ինչ վերաբերում է նրա` Սամվել Բաբայանի համախոհը լինելուն, Արցախի Պաշտպանության բանակի նախկին հրամանատարի գրասենյակը փաստում է, որ Բաբայանն այսօր տասնյակ հազարներով համախոհներ ունի, և չի կարող բոլորի համար պատասխանատվություն ստանձնել։

Այսպիսով, Սամվել Բաբայանի գրասենյակը հայտարարում է, որ նման լուրեր տարածելը նպատակ ունի Բաբայանի անունը խառնել Մարտի 1-ին կամ դրանից բխող ցուցմունք տվողների հետ։

«Բարոյականությունն ու ամոթը վերջնական կորցրած, փրփուրներից կախված` կանխազգում են մոտալուտ վախճանը։ Սակայն ձեր ստորաքարշությունը չփորձեք փաթաթել դիմացինի վրա, վաղ թե ուշ օրենքի դաշտում դրանք կգտնեն իրենց պատասխանները։ Չփորձեք «գործ տվողի» ու «գլխին սարքողի» ձեր կարճ խելքը հանկարծ ու հանկարծ համեմատականի մեջ դնել դիմացինի բարի ու վսեմ ազգանվեր համբավի հետ։ Գնդակը պահեք ձեր դաշտում, նետելը անտեղին է ու առնվազն հիմարություն»,– ասված է հայտարարության մեջ։

BBC-ի հայտնի հոդվածի նյութերը տվել է կա՛մ դատախազությունը, կա՛մ ՀՔԾ-ն. Քոչարյանի փաստաբան

Հիշեցնենք, օգոստոսի 17-ին pastinfo.am կայքը նոր տեղեկություններ էր հրապարակել օգոստոսի 7–ին BBC–ի ռուսական լրատվական գործակալության հրապարակած հոդվածում տեղ գտած փաստերի վերաբերյալ։ Մասնավորապես` Արցախյան պատերազմի հերոս, գեներալ Սամվել Կարապետյանի դեմ, ըստ կայքի, ցուցմունք է տվել հանցավոր անցյալ ունեցող, հետախուզման մեջ գտնվող ոմն «աֆերիստ» Կամո` Կամո Մնացականյան, ով, ըստ հոդվածի, Սամվել Բաբայանի համախոհն է։

147
թեգերը:
Հայաստան, Լեռնային Ղարաբաղ, Արցախ, «Մարտի 1–ի» գործով դատավարություն, Սամվել Բաբայան, Սամվել Կարապետյանի (Օգանովսկի)
Ըստ թեմայի
BBC-ի հրապարակումը սադրանք է՝ ուղղված մեր երկրի անվտանգությանը. Արցախի նախկին վարչապետ
Արցախում Սամվել Բաբայանի անձի հանդեպ վերաբերմունքը միանշանակ չէ. «Փաստ»
Բաբայան. «Սամվել Բաբայանի առաջարկով հարված է հասցվում Արցախի ինքնիշխանությանը»
Արթուր Ասոյան

Արդեն 1490 տնտեսվարողի գործունեություն է կասեցվել, խստացումներ են եղել. Արթուր Ասոյան

4
(Թարմացված է 19:37 05.06.2020)
Ստուգայցերի մասին նախապես չեն ասում, որպեսզի ոչ բարեխիղճ տնտեսվարողներն անակնկալի գան։

ԵՐԵՎԱՆ, 5 հունիսի – Sputnik. Մարտի սկզբից մինչ օրս առողջապահական և աշխատանքի տեսչական մարմինը 22 000 ստուգողական այց է կատարել, որոնց արդյունքում 1490 տնտեսվարողի գործունեությունը կասեցվել է` հակահամաճարակային կանոնները չպահպանելու համար։ Պարետատան նիստից հետո ճեպազրույցի ժամանակ ասաց Առողջապահական և աշխատանքի տեսչական մարմնի ղեկավար Արթուր Ասոյանը։

«Միայն այսօր 796 ստուգում է իրականացվել, ինչի արդյունքում 220 տնտեսվարող սուբյեկտի գործունեություն է կասեցվել։ Մեկ շաբաթ է` հատուկ գործողություններ ենք կատարում ոստիկանության հետ, և արդեն եղել ենք Դավթաշեն, Նորք–Մարաշ, Արաբկիր համայնքներում»,–ասաց Ասոյանը։

Նրա խոսքով` իրենց ստուգայցերի մասին տնտեսվարողներին կանխավ չեն ասում, որպեսզի ոչ բարեխիղճ տնտեսվարողներն անակնկալի գան։

Ասոյանը նշեց, որ տնտեսվարողների գործունեության կասեցման սահմանափակումները գնալով խստացվել են` 6 ժամից 72 ժամի հասնելով։ Ի դեպ, պետական կառույցները նույնպես ներառված են ստուգման ենթակա կառույցների ցանկում։ Ասոյանը հայտնեց` այսօր կասեցրել են կառավարության 1, 3 տներում գործող հանրային սննդի կետերը, բուժհաստատության գործունեություն է կասեցվել։

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հունիսի 4-ից բոլոր հանրային բաց տարածքներում պաշտպանիչ դիմակով լինելը պարտադիր է։ Հանրային բաց վայրերում դիմակ կարող են չդնել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

Արդյունքն այսօր կտեսնեք. ԱԱԾ տնօրենը` ոստիկանական համազգեստով «ներկայացման» մասին

4
թեգերը:
ստուգումներ, ՀՀ առողջապահական և աշխատանքի տեսչական մարմին (ԱԱՏՄ), Հայաստան
Ըստ թեմայի
«էս սաղ ապրանքը բդի թափե՞նք». Գյումրին «ստուգումների տակ» է
«Ոստիկանների գործողությունն իրավաչափ եմ համարում». Սարգսյանը` աղմկահարույց դեպքի մասին
Ոստիկանությունում կորոնավիրուսով վարակվածների թիվը 100-ի է հասնում
Նիկոլ Փաշինյան

«Կարծում ենք, որ կորոնավիրուսի գագաթնակետը կլինի հունիսի վերջին». Փաշինյան

82
(Թարմացված է 19:31 05.06.2020)
ՀՀ վարչապետի խոսքով` կորոնավիրուսով պայմանավորված իրավիճակն առայժմ դեռ ծանրանում է։

ԵՐԵՎԱՆ, 5 հունիսի – Sputnik. ՀՀ վարչապետ Նիկոլ Փաշինյանը պարետատան նիստից հետո հայտնեց` այն կարծիքին են, որ կորոնավիրուսի համաճարակի գագաթնակետը կլինի հունիսի վերջին։

«Սակայն ոչ ոք վստահ չէ, որ պիկը կլինի ոչ թե հոկտեմբերին, այլ հունիսի վերջին»,–ասաց վարչապետը։

Նրա խոսքով` մենք պետք է կարողանանք հիվանդանալ ու վարակվել այնքան, ինչքանով մեր առողջապահական համակարգն ունենա մահճակալային տեղ։

Փաշինյանը նշեց, որ վերջին օրերին, երբ քաղաքացիները սկսեցին իրեն լուսանկարներ ուղարկել, բացահայտվեց, որ ՀՀ–ում կա ընդհատակյա կյանք` ի հեճուկս հակահամաճարակային կանոնների։

Կորոնավիրուսով պայմանավորված իրավիճակը, ըստ նրա, առայժմ դեռ ծանրանում է։

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

82
թեգերը:
Նիկոլ Փաշինյան, կորոնավիրուս, Հայաստան
Ըստ թեմայի
Կորոնավիրուսից 33-ամյա պացիենտ է մահացել. ծանր վիճակում գտնվողների թիվն ավելացել է
Ինչո՞ւ կորոնավիրուսի տարածումը չկանխվեց. ՀՀ առողջապահության նախկին նախարարի կարծիքը
Ոստիկանությունում կորոնավիրուսով վարակվածների թիվը 100-ի է հասնում