Ռոբերտ Քոչարյան

Քոչարյանի գործը կվերսկսվի՞. այն 1-2 օրվա ընթացքում կուղարկվի Առաջին ատյանի դատարան

156
Առաջին ատյանի դատարանը դիմել է Վճռաբեկին, որպեսզի առաջիկա օրերին Քոչարյանի գործը կամ դրա հավելվածն ուղարկեն իրեն։

ԵՐԵՎԱՆ, 16 օգոստոսի — Sputnik. ՀՀ երկրորդ նախագահ Ռոբերտ Քոչարյանի գործը կամ դրա հավելվածը եթե ոչ այսօր, ապա երկուշաբթի–երեքշաբթի օրերին կուղարկվի Առաջին ատյանի դատարան։ Այս մասին լրագրողների հետ զրույցում ասաց Դատական դեպարտամենտի ղեկավար Կարեն Փոլադյանը։

Ինչպես արդեն հայտնել էինք, հունիսի 25–ին ՀՀ Վերաքննիչ քրեական դատարանի դատավոր Արմեն Դանիելյանը որոշում կայացրեց կրկին կալանավորել Քոչարյանին, իսկ նրա և մյուսների վերաբերյալ գործի վարույթը կասեցնելու Առաջին ատյանի դատարանի դատավոր Դավիթ Գրիգորյանի որոշումը բեկանել և գործն ուղարկել նոր քննության։ Սակայն Առաջին ատյանի դատավորը, որը պետք է քններ Քոչարյանի գործը, Դավիթ Գրիգորյանն է, որի լիազորությունները ժամանակավորապես դադարեցվել են։

«Քոչարյանի գործն այս պահին Վճռաբեկ դատարանում է։ Առաջին ատյանի դատարանը դիմել է Վճռաբեկին, որպեսզի առաջիկա օրերին այն ուղարկեն իրեն` գործը մեկ ուրիշ դատավորի մակագրելու համար։ Խնդիրն այն է, որ Գրիգորյանի լիազորությունները դադարեցվելուց հետո նրա վարույթում գտնվող 43 գործերից 37–ն արդեն մակարգրվել է այլ դատավորների, սակայն Քոչարյանի գործը չի մակագրվել, քանի որ այն դեռ գտնվում է Վճռաբեկում»,–ասաց Փոլադյանը։

Հնարավոր է` նաև ՄԱԿ դիմեն. Քոչարյանի պաշտպանները հայտնեցին հետագա քայլերի մասին

Նրա խոսքով` դատական օրենսգրքի համաձայն` դատական համակարգչային ծրագիրը բաշխում է դատական գործերը։ Սակայն Քոչարյանի գործն այս պահին առկա չէ Առաջին ատյանի դատարանում, որպեսզի այն մակագրվի մեկ այլ դատավորի։

Նա նշեց նաև, որ իր կարծիքով` մինչև Վճռաբեկի կողմից որոշում չկայացվի, Առաջին ատյանի դատարանում այդ գործը չի կարող վերամակագրվել։ Ըստ Փոլադյանի` հիմա Առաջին ատյանի դատարանը դիմել է Վճռաբեկին, որ գործն ուղարկվի, որպեսզի գործի հետ կապված բոլորի մտահոգությունները վերանան։

«Վճռաբեկն, ի դեպ, 3–ամսյա ժամկետ ունի` իրեն ուղղված բողոքը քննելու համար։ Սակայն Առաջին ատյանի դատարանի գրությունը չի կարող առանց արձագանքի մնալ, և Վճռաբեկը 1-2 օրվա ընթացքում գործը կամ հավելվածը կուղարկի Առաջին ատյանի դատարանին»,–ասաց նա։

Հիշեցնենք, որ Երևանի ընդհանուր իրավասության դատարանի դատավոր Դավիթ Գրիգորյանի լիազորությունները ժամանակավորապես կասեցվել են, քանի որ նրա դեմ հարուցված քրեական գործերից մեկի շրջանակներում նրա աշխատասենյակը խուզարկել են, ապա կնքել։

Ռոբերտ Քոչարյանի գործում պատային վիճակ է. պաշտպանները վստահեցնում են` որևէ զարգացում չկա

Հուլիսի 26–ին Քոչարյանի փաստաբանական թիմը Վճռաբեկ բողոք է ներկայացրել նախագահի նկատմամբ հարուցված քրեական գործի վարույթը կասեցնելու և Սահմանադրական դատարան (ՍԴ) դիմելու որոշման բեկանման դեմ։ Մինչ այդ՝ հուլիսի 11-ին, պաշտպանները վճռաբեկ բողոքներ են ներկայացրել Ռոբերտ Քոչարյանի նկատմամբ ընտրված խափանման միջոց կալանքը վերացնելու վերաբերյալ։

156
թեգերը:
«Մարտի 1–ի» գործով դատավարություն, Դատավոր, Դատարան, Ռոբերտ Քոչարյան, Հայաստան
թեմա:
Ռոբերտ Քոչարյանի գործը (312)
Ըստ թեմայի
Ռոբերտ Քոչարյանի փաստաբանները 7-րդ գանգատն են ներկայացրել ՄԻԵԴ
«Դատավորների բարեվարքության» նոր օրենքը կապված է Քոչարյանի գործի հետ. փաստաբան
BBC-ի հայտնի հոդվածի նյութերը տվել է կա՛մ դատախազությունը, կա՛մ ՀՔԾ-ն. Քոչարյանի փաստաբան