Կով

Կովերին «կչիպավորեն». ԵԱՏՄ–ն քննարկում է հաշվառման միասնական համակարգ ստեղծելու հարցը

68
(Թարմացված է 16:52 16.08.2019)
ԵԱՏՄ–ում սննդարդյունաբերության անվտանգության նպատակով մտադիր են ընտանի կենդանիների տվյալների ընդհանուր բազա ստեղծել։ Բազայում զետեղված կլինի տեղեկություն այն մասին, թե ինչով է հիվանդ եղել կենդանին, ինչպես են նրան բուժել, ինչով է սնվում։

ԵՐԵՎԱՆ, 16 օգոստոսի — Sputnik. Եվրասիական տնտեսական միությունում քննարկվում է մսամթերի և կաթնամթերքի վերահսկման միասնական համակարգի ստեղծման հարցը։ Այս մասին Sputnik Արմենիա միջազգային մամուլի կենտրոնում Մոսկվա–Մինսկ–Քիշնև–Երևան տեսակամրջի ժամանակ հայտնեց Եվրասիական տնտեսական հանձնաժողովի արդյունաբերության և ագրոարդյունաբերության համալիրի հարցերով նախարար Ալեքսանդր Սուբոտինը

Բելառուսում արդեն կա ընդունված օրենք գյուղատնտեսական կենդանիների նույնականացման և վերահսկման մասին։ Օրենքի նպատակն այն է, որ կաթի յուրաքանչյուր բաժակի կամ կաթնաշոռի տուփի մասին հայտնի լինի, թե որ կովից է այն ստացված, որտեղ է  արտադրվել, ինչով է հիվանդ եղել կովը և ինչ դեղամիջոցներով են նրան բուժել։

«Վերահսկաման նմանատիպ համակարգ է ստեղծվում նաև Ռուսաստանում` այն տարբերությամբ, որ մեր ռուսաստանցի գործընկերները հետևում են պատրաստի արտադրանքին, իսկ մենք հետևում ենք արտադրանքի ծագմանը։ Այժմ երկու երկրներ քննարկում են` ինչպես Բելառուսի վերահսկման համակարգը  սինխրոնացնել ռուսական Ռոսսելխոզնադզորի տեղեկատվական համակարգի հետ։ Իսկ արդեն հետո մենք կկարողանանք առաջարկել այդ հաջող փորձը Եվրասիական տնտեսական միության մեր մյուս գործընկերներին», – հայտարարեց Սուբոտինը։

Իհարկե, յուրաքանչյուր հանրապետությունում նման համակարգեր ստեղծելը հեշտ գործ չէ։ Նախ` ամեն կենդանու համար իր տվյալներով չիպ է պետք, ինչպես նաև կայուն ինտերնետ կապ, որպեսզի այդ տվյալները անընդհատ «մուտք արվեն» տվյալների ընդհանուր բազա։

«Եթե ԵԱՏՄ երկրները ցանկություն հայտնեն իրենց մոտ նման համակարգեր ստեղծելու, կարելի է ուսումնասիրել, թե ինչ աջակցություն է նրանց անհրաժեշտ դրա համար, և ինչպես է պետք այն ցուցաբերել։ Այսպես թե այնպես, սեփական քաղաքացիների սննդային անվտանգության շահերից ելնելով, ամբողջ աշխարհում աստիճանաբար անցում կկատարեն նման համակարգերի», – ասաց Սուբոտինը։

Նշենք, որ Հայաստանում այսօր նման համակարգ է մշակվում զարգացման ավստրիական գործակալության աջակցությամբ։ Մոտավորապես 2020 թվականին հանրապետությունում կենդանիների նույնականացում կանցկացվի։ Դրանից հետո Էկոնոմիկայի նախարարությանը կփոխանցվի տվյալների բազան, որտեղ կզետեղվի յուրաքանչյուր կենդանու պատմությունը. ինչով է այն հիվանդ եղել, ինչ կեր և ինչ պատվաստումներ է ստանում։

Երևանում պանրի և կաթնամթերքի այլ տեսակների գործարան է բացվել. ներկա է եղել նաև Փաշինյանը

68
թեգերը:
Կաթնամթերք, Եվրասիական տնտեսական միություն (ԵԱՏՄ), կով
Ըստ թեմայի
Ինչպե՞ս ենք «ճարպակալում». անհայտ և «բոլորովին անհայտ» ճարպերը հայկական կաթնամթերքում
«Կաթնամթերքի շուկայում հսկողությունը պետք է չափազանց խիստ լինի». Բաբկեն Պիպոյան
«Յուղոտ» տագնապ. ինչպիսի՞ կաթնամթերք կուտենք 2019թ.–ի հուլիսից
Առինջի ընտրատեղամասերից մեկում

ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում

6
(Թարմացված է 16:24 20.06.2021)
Սոցցանցերի ու լրատվամիջոցների հրապարակումներում ավելի շատ բարձրացվել են քվեաթերթիկի տրամադրման կարգի խախտումներին, քաղաքացիների ու զինծառայողների ուղղորդված քվեարկության դեպքերի վերաբերյալ հարցեր։

ԵՐԵՎԱՆ, 20 հունիսի – Sputnik. Ժամը 15։00-ի դրությամբ ՀՀ Մարդու իրավունքների պաշտպանի աշխատակազմը ստացել է 59 ահազանգ ու դիմում, ուսումնասիրվել է սոցիալական ցանցերի ու լրատվամիջոցների 570 հրապարակում։

Աշխատակազմի թեժ գծին ստացված ահազանգերը հիմնականում վերաբերել են ընտրատեղամասի մատչելիությանը, հաշմանդամություն ունեցող անձի տեղամասային կենտրոններ ինքնուրույն ներկայանալու անհնարինությանը, ընտրողների լրացուցիչ ցուցակներում ընդգրկելու խնդրին, քվեարկության կարգի խախտմանը և այլն։

Սոցցանցերի ու լրատվամիջոցների հրապարակումներում ավելի շատ բարձրաձայնվել են քվեաթերթիկի տրամադրման կարգի խախտումներ, քաղաքացիների ու զինծառայողների ուղղորդված քվեարկության դեպքեր։

Պաշտպանի ներկայացուցիչներն իրականացրել են մի քանի արագ արձագանքման այցեր, այդ թվում` ոստիկանության ստորաբաժանումներ: Պարզաբանումներ են ստացվել Կենտրոնական ընտրական հանձնաժողովից, Պաշտպանության նախարարությունից, Նորքի տուն-ինտերնատից: Հատուկ ուշադրություն է դարձվել դիտորդների ու լրագրողների անխոչընդոտ աշխատանքների ապահովման հարցերին:

Քվեարկած թերթիկը լուսանկարելն ու տարածելն արգելված է օրենքով. ՄԻՊ

Հիշեցնենք, որ Պաշտպանի հանձնարարությամբ ստեղծված աշխատանքային խումբը վաղ առավոտից իրականացնում է ընտրական գործընթացի անկախ դիտարկում է ինչպես աշխատակազմի կենտրոնական, այնպես էլ Շիրակի, Գեղարքունիքի, Սյունիքի և Տավուշի մարզային ստորաբաժանումներում:

Պաշտպանի աշխատակազմում գործում է թեժ գիծ` 116 կամ (096) 116 100 հեռախոսահամարով:

Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

Զինվորների` ուղղորդված քվեարկության մասին լուրերն անհիմն են. ՊՆ

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

6
թեգերը:
Ընտրություններ, խախտում, ՀՀ ՄԻՊ
Ըստ թեմայի
Դատախազությունը հիշեցնում է` քվեարկության գաղտնիությունը խախտելը հանցագործություն է
Ամենայն հայոց կաթողիկոսը կատարեց իր ընտրությունը
«Լռության օր է». Լևոն Տեր-Պետրոսյանը լուռ քվեարկեց ու հեռացավ. տեսանյութ
Վիրահատություն. արխիվային լուսանկար

«Այո, ես վիրահատել եմ ՀՔԾ պետի հայրիկին». Արմեն Չարչյանը մանրամասներ հայտնեց

28
(Թարմացված է 16:09 20.06.2021)
Արմեն Չարչյանը հիշեց, որ արձակուրդում է եղել` Դիլիջանում, երբ իրեն ասել են, որ վիրահատական միջամտության կարիք ունի ՀՔԾ-ի պետի հայրը։

ԵՐԵՎԱՆ, 20 հունիսի – Sputnik. «Իզմիրլյան» բժշկական կենտրոնի տնօրեն Արմեն Չարչյանը տարիներ առաջ վիրահատել է նաև ՀՔԾ պետ Սասուն Խաչատրյանի հորը։ Տեղեկությունն այսօր հրավիրված ասուլիսի ժամանակ հայտնեց Արմեն Չարչյանը։

«Դա եղել է 2020-ի դեկտեմբերի 6-7-ին։ Ես արձակուրդում էի, Դիլիջանում։ Արձակուրդից հետ եկա, որ վիրահատեմ»,–ասաց Չարչյանը։

Հարցին, թե ճի՞շտ են լուրերը, որ զանգել և խնդրել են, որ հենց նա վիրահատի` Չարչյանը պատասխանեց, որ զանգել, ասել են, որ նման խնդիր կա, ինքն էլ վերադարձել ու գործի է անցել։

Չարչյանը, սակայն, այլ մանրամասներ չհայտնեց` նշելով, որ մնացածն արդեն անձնական կյանքի գաղտնիությանն է վերաբերվում։

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն ասում է տնօրինությունը շատ կոշտ, խիստ համարժեք վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Մայր աթոռը կոչ է անում ազատ արձակել Արմեն Չարչյանին

Նույն օրը հայտնի դարձավ, որ ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Արմեն Չարչյանն ազատ է արձակվել այսօր։

28
թեգերը:
Սասուն Խաչատրյան, Հատուկ քննչական ծառայություն (ՀՔԾ), վիրահատություն, Արմեն Չարչյան, Հայաստան
Ըստ թեմայի
ՄԻՊ-ն արձանագրել է, որ հանրահավաքին վարչական ռեսուրսի չարաշահման դեպքեր են եղել
Ինչու դատարանը չի հրապարակում Արմեն Չարչյանի վերաբերյալ որոշումը․ պաշտպանն իր վարկածն ունի
Արմեն Չարչյանին կազատեն․ փաստաբան