Արմեն Աշոտյան

Աշոտյանի վարորդն ընդունել է մեղքն ու ազատ է արձակվել

180
Արմեն Աշոտյանի վարորդ Արամ Բարսեղյանը փոխհատուցել է իրեն վերագրվող վնասի չափն ու ազատ արձակվել։

ԵՐԵՎԱՆ, 15 օգոստոսի — Sputnik. Արմեն Աշոտյանի վարորդ Արամ Բարսեղյանն ազատ է արձակվել։

Այս մասին քիչ առաջ հայտնել է Արմեն Աշոտյանը Facebook-յան գրառման մեջ։

«ՀՔԾ-ն Արամին առաջադրեց մեղադրանք, նա ցուցմունք տվեց, ընդունեց իր մեղքը, իմ և իր այլ ընկերների կողմից հավաքագրված գումարը փոխանցվեց դեպոզիտային հաշվեհամարի վրա՝ մինչև դատարանի վերջնական վճիռը փոխհատուցելով իրեն վերագարվող վնասը և ազատ արձակվեց՝ երկրից չբացակայելու ստորագրությամբ»,– հայտնում է նա:

Ու թեև Աշոտյանը տեղեկացնում է, որ վարորդն ընդունել է իր մեղքը, բայց և վերահաստատում է, որ նրա ձերբակալությունը համարում է քաղաքական հետապնդում։

Իսկ վարորդին բաց թողնելու որոշումը Աշոտյանը մեկնաբանում է նրանով, որ իրեն լռեցնել չի հաջողվել:

Հիշեցնենք` օգոստոսի 14-ին ՀՀԿ փոխնախագահ Արմեն Աշոտյանը հայտնել էր, որ ձերբակալվել է իր վարորդն ու օգնականը` Արամ Բարսեղյանը: Նրան մեղադրում են պետական միջոցների վատնման մեջ, այն բանի համար, որ նա գրանցվել է որպես աշխատող, բայց առանց աշխատանքի հաճախելու աշխատավարձ է ստացել։

180
թեգերը:
Հայաստանի Հանրապետական կուսակցություն (ՀՀԿ), Ձերբակալում, Արմեն Աշոտյան, վարորդ, Հատուկ քննչական ծառայություն (ՀՔԾ), Հայաստան
Ըստ թեմայի
Իջեք այդ տապանաքարերից. Աշոտյանի կոչը` Տեր–Պետրոսյանին և Փաշինյանին
«Նիկոլ՝ Եվրոպայի նոր դիկտատորը». Աշոտյանի կանխատեսումները
Գնացեք, մոմ վառեք, աղոթեք, դադարեք կախվել մեր քաղաքական կապիտալից. Աշոտյանի կոչը` ՔՊ–ին