ԵՐԵՎԱՆ, 15 օգոստոսի — Sputnik. Ազգային անվտանգության ծառայության աշխատակիցները բացահայտել են կաշառքի դիմաց պարտադիր զինվորական ծառայությունից խուսափելու դեպքեր:
Ինչպես հայտնում է ԱԱԾ պաշտոնական կայքը, քաղաքացին, տիրապետելով զինկոմիսարիատի և Կենտրոնական ռազմաբժշկական հանձնաժողովի աշխատանքների նրբություններին և օգտագործելով բժիշկների շրջանում ունեցած իր կապերը, նախնական համաձայնության գալով բուժհաստատության աշխատակցի հետ, կեղծ ախտորոշումներով կազմակերպել է 5 զորակոչիկի ծառայությունից ազատվելը կամ տարկետում ստանալը։
Այսպես` 2019թ. ամառային զորակոչի ընթացքում նա 3000-8000 ԱՄՆ դոլարի չափով կաշառքի դիմաց կազմակերպել է ծառայության հետ անհամատեղելի առողջական խնդիրների առկայության վերաբերյալ կեղծ փաստաթղթեր։
Թերի փաստաթղթեր, թերի եզրակացություն. բնապահպանները չեն վստահում փորձաքննությանը
ՀՀ ԱԱԾ քննչական դեպարտամենտում բացահայտված փաստերով հարուցվել է քրեական գործ, որի շրջանակներում մեղադրանք է առաջադրվել 2 անձի:
