Պայթյուն Երևան–Սևան ճանապարհին

«Ես հլը մի կողմ դրած, սա տեռոր է». «Շշի Մելոն» խոսել է իր դեմ մահափորձի մասին. «Ժողովուրդ»

189
(Թարմացված է 10:36 07.08.2019)
ԱԺ նախկին պատգամավորը զարմացած է` ով էր տեսել, որ միջպետական ճանապարհ պայթեցնեին։

ԵՐԵՎԱՆ, 7 օգոստոսի— Sputnik. Երևան-Սևան ճանապարհին օգոստոսի 2-ին տեղի ունեցած պայթյունը ԱԺ նախկին պատգամավոր Մելիք Մանուկյանը («Շշի Մելո») տեռոր է որակում։ Նա այս մասին ասել է «Ժողովուրդ» օրաթերթի հետ զրույցում։

Օգոստոսի 2–ին պայթյուն էր եղել ճանապարհի սկզբնամասում գտնվող շշերի գործարանում։ Պայթյունի հետևանքով վնասվել էին ճանապարհածածկույթը և երկու մեքենա։ Մեքենաները պատկանում էին հենց նախկին պատգամավորին։ Հետո պարզ դարձավ, որ պայթյունը միտումնավոր է եղել, և պայթուցիկ սարքն էլ հեռակառավարվել է մոտակայքում գտնվող, բայց չգործող հյուրանոցից։

«Ժողովուրդ» օրաթերթը զրուցել է Մելիք Մանուկյանի հետ՝ հասկանալու, թե ինչ խնդիր է ունեցել նա կալանավորվածների հետ, որ ցանկացել են հենց կամուրջը պայթեցնելու միջոցով իրեն սպանել։

«Ես էլ ձեզ եմ հարց տալիս՝ ինչի։ Այդ մայրուղիով դուք անցել եք, գիտեք` ինչքան մեքենա է անցնում, բա եթե դուք անցնեիք այդ մայրուղիով, նման բաների մասին գրեք․․․ Հերիք է ինձ կապեք քրեական թեմաների հետ։ Դա միջպետական գլխավոր ճանապարհ է և ամենակարևոր ճանապարհն է, եթե դուք ինձ ցույց տաք այդպիսի ճանապարհը, մոստ տրաքացնելով մահափորձ անեն, հա, մեքենաներ տրաքացրել են, բայց մոստ․․․ միջպետական ճանապարհին․․․ ես հլը մի կողմ դրած, սա տեռոր է»,– ասել է Մանուկյանը։

Նրա խոսքով` առնվազն 100-200 ավտոմեքենա է այդտեղ եղել, բա որ մեկին բան լինե՞ր։

Հիշեցնենք, որ դատարանը որոշել է Մանուկյանի քրեական գործի շրջանակում երկամսյա կալանք կիրառել Շիրակի մարզի բնակիչներ 56-ամյա Արթուր Մխիթարյանի, 53-ամյա Պետրոս Էլբակյանի և 45-ամյա Ջեմսիկ Մարտիրոսյանի նկատմամբ։ Նրանք կասկածվում են Մելիք Մանուկյանին պատկանող ապակյա տարաների գործարանի հարևանությամբ գտնվող կամրջի տակ նախապես տեղադրված պայթուցիկով պայթյուն իրականացնելու մեջ։ Մամուլում տարածված տեղեկությունների համաձայն` նշված անձինք նախկինում դատապարտված են եղել. Պ․ Էլբակյանը հանցագործ միջավայրում հայտնի է «Բարութ», Ջ․ Մարտիրոսյանը՝ «Ֆիթիլ», իսկ Ա․ Մխիթարյանը` «Պլաստմաս» մականվամբ։

«Շշի Մելոյի» մահափորձի մանրամասները

Քննչական կոմիտեն էլ հայտնել էր, որ Մանուկյանի մահափորձի գործով երկու հոգու մեղադրանք է առաջադրվել։ Նրանցից մեկը Ռոբերտ Մանուկյանն է ՝ Մելիք Մանուկյանի 54-ամյա եղբայրը` Աբովյան քաղաքի բնակիչ, ոստիկանության նախկին աշխատակից։ Երկրորդ անձի անունը Քննչական Կոմիտեն չէր բացահայտում։

189
թեգերը:
կամուրջ, ավտոմեքենա, Սևան, պայթյուն, Մելիք Մանուկյան (Շշի Մելո), Հայաստան
Ըստ թեմայի
Տարօրինակ դեպք Երևան–Սևան ճանապարհին. ոստիկանների աչքի առաջ փախել է դեպքի վայրից
Ձերբակալվել է «Շշի Մելոյի» եղբայրը
«Շշի Մելոյի» եղբայրն ազատ է արձակվել