Ձեռնաշղթաներ

Երևան–Սևան ճանապարհին գրանցված պայթյունի գործով ձերբակալվածներ կան

157
(Թարմացված է 15:55 03.08.2019)
Նախկին պատգամավորի գործարանի մոտ տեղի ունեցած պայթյունի գործով ձերբակալվածների անուններն առայժմ հայտնի չեն։

ԵՐԵՎԱՆ, 3 օգոստոսի– Sputnik. Երևան–Սևան մայրուղում գրանցված պայթյունի դեպքի առթիվ հարուցված քրեական գործի շրջանակում 3 անձ է ձերբակալվել։ Sputnik Արմենիային այս մասին հայտնեցին ՀՀ քննչական կոմիտեի մամուլի ծառայությունից։

Քննչական կոմիտեն առայժմ այլ մանրամասներ չի հայտնում։

Հիշեցնենք` օգոստոսի 2-ին, ժամը 12:17-ին «911» ծառայությունն ահազանգ էր ստացել, որ Երևան-Սևան ավտոճանապարհին՝ «Արծվի» արձանի մոտակայքում, տեղի է ունեցել պայթյուն, որի հետևանքով ավերվել էր ճանապարհին գտնվող կամրջի ասֆալտե ծածկույթը։ Պարզվել էր, որ պայթյունը եղել է Ազգային ժողովի նախկին պատգամավոր, գործարար Մելիք Մանուկյանին (Շշի Մելո) պատկանող գործարանի մոտակայքում։

Պայթյունի հետևանքով վնասվել էին ճանապարհով ընթացող Range Rover մակնիշի 555 LL 05 համարանիշի և Nissan մակնիշի 35 MD 686 համարանիշի ավտոմեքենաները, որոնցից առաջինը, ըստ մամուլի տեղեկությունների, պատկանում է հենց նախկին պատգամավորին։

Պայթյունի պահին ավտոմեքենաները կամրջին էին եղել։

Ավելի ուշ մի քաղաքացի, առանց տեղում գործողություններ իրականացնող իրավապահների թույլտվության, պայթյունի հետևանքով վնասված մեքենաներից մեկով հեռացել էր՝ չենթարկվելով ոստիկանության ծառայողների օրինական պահանջներին։ Ձեռնարկված միջոցառումների արդյունքում կարճ ժամանակում մեքենան հայտնաբերվել և վերադարձվել է դեպքի վայր։ Պայթյունի վայրից հեռացած քաղաքացուն նույնպես հայտնաբերել ու ձերբակալել էին։

Պայթյունի փաստով Քննչական կոմիտեի Կոտայքի մարզային քննչական վարչությունում քրեական գործ է հարուցվել Քրեական օրենսգրքի 104 հոդվածի 2–րդ մասի 6–րդ կետի (շատերի կյանքի համար վտանգավոր եղանակով սպանության փորձ) և 235 հոդվածի 1–ին մասի (ապօրինի կերպով զենք–զինամթերք ձեռք բերելը, պահելը) հատկանիշներով։

157
թեգերը:
Ձերբակալում, պայթյուն, Սևան, Երևան, Հայաստան
Ըստ թեմայի
Քանի ոչ սթափ վարորդ է հայտնաբերվել Վարդավառի օրը Երևան-Սևան մայրուղում. տեսանյութ
Երևան–Սևան ճանապարհին փորձել են սպանել նախկին պատգամավորի՞ն
Տարօրինակ դեպք Երևան–Սևան ճանապարհին. ոստիկանների աչքի առաջ փախել է դեպքի վայրից