ԵՐԵՎԱՆ, 26 հուլիսի — Sputnik. Իրանի քաղաքացին հաստոցի համար նախատեսված «Made in Azerbaijan» գրառմամբ 2 մետաղական դետալների մեջ 2կգ 665.5 գրամ ափիոն է փորձել ներկրել Հայաստան։ Այս մասին հայտնում են ՀՀ պետեկամուտների կոմիտեի մամուլի ծառայությունից։
«ՊԵԿ–ի մաքսանենգության դեմ պայքարի վարչության աշխատակիցները «Ագարակ» պետական սահմանային անցակետում զննել են Իրանի քաղաքացի Օ.Բ-ի ուղեբեռը: Վարչության աշխատակիցները հաստոցի համար նախատեսված «Made in Azerbaijan» գրառմամբ 2 հատ մետաղական դետալների մեջ հայտնաբերել են 2կգ 665.5 գրամ ընդհանուր քաշով «ափիոն» տեսակի թմրամիջոցին նմանվող զանգված»,– նշված է հաղորդագրության մեջ:
Դեպքի առթիվ ՊԵԿ քննչական վարչությունում հարուցվել է քրեական գործ՝ ՀՀ քրեական օրենսգրքի 267.1 հոդվածի հատկանիշներով, այն է` թմրամիջոցներ կամ հոգեմետ նյութեր, ինչպես նաև այդպիսիք պատրաստելու համար օգտագործվող և հատուկ հսկողության տակ գտնվող նյութեր, սարքավորումներ կամ գործիքներ արտադրելու, ձեռք բերելու, պահելու, հաշվառելու, բաց թողնելու, փոխադրելու կամ առաքելու կանոնները խախտելը։
ԻՀՀ քաղաքացին կալանավորվել է:
ՀՀ–ում հաշվառված թմրամոլների թիվն ավելացել է. բուժվածների կեսը վերադառնում է «անցյալ»
Օրեր առաջ նմանատիպ մեկ այլ դեպք էլ Մաքսանենգության դեմ պայքարի վարչության աշխատակիցները բացահայտել էին փոստային ծանրոցի մեջ, երբ Իրանի մեկ այլ քաղաքացի փորձ էր արել նույնանման դետալների մեջ 2528 գրամ «ափիոն» տեսակի թմրամիջոց արտահանել Կանադա:
ԱԱԾ–ն առանձնապես խոշոր չափերով թմրամիջոցների ապօրինի շրջանառության դեպքեր է բացահայտել
