Левон Кочарян в зале суда перед началом заседания по делу 1 марта (18 мая 2019). Еревaн

Դատարանի որոշմամբ պարզ դարձավ քննիչի ու դատախազների փնթի աշխատանքը. Լևոն Քոչարյան

349
(Թարմացված է 17:31 24.07.2019)
Լևոն Քոչարյանը հայտնեց, որ դատարանը 4-5 ամսով արգելանք էր դրել նաև իր հաշիվների վրա։

ԵՐԵՎԱՆ, 24 հուլիսի — Sputnik. ՀՀ երկրորդ նախագահ Ռոբերտ Քոչարյանի որդին` Լևոն Քոչարյանը, կարծում է, որ դատարանն այսօր օրինաչափ որոշում կայացրեց, և այդ որոշմամբ պարզ դարձավ քննիչի ու դատախազների փնթի աշխատանքը։ Այս մասին նա ասաց լրագրողների հետ զրույցում։

Հիշեցնենք, որ ՀՀ վերաքննիչ քրեական դատարանն այսօր որոշեց Ռոբերտ Քոչարյանի գույքի վրա դրված կալանքի հարցով ՀՀ դատախազության բողոքը մերժել։

«Մեկ տարի առաջ մենք բարձրաձայնում էինք այս խնդրի մասին ու մարդիկ լավ չէին հասկանում` ինչի մասին է խոսքը։ Դատարանի այս որոշմամբ մենք բավարարված ենք, սակայն վերջնական բավարարված կլինենք այն դեպքում, երբ բոլոր խախտումները, որոնք թույլ են տրվել այս մեկ տարվա ընթացքում, հարթվեն։ Դատարանի որոշմամբ պարզ դարձավ քննիչի ու դատախազների փնթի աշխատանքը»,–ասաց նա` հավելելով, որ իրենց գույքի վրա կալանք դնելու որոշումը անօրինաչափ է եղել։

Նա նշեց նաև, որ դատարանը մի շարք խախտումներ է թույլ տվել` արգելանք էր դրել նաև իր ու եղբոր` Սեդրակ Քոչարյանի հաշիվների վրա։ Բողոքարկելուց հետո Լևոն Քոչարյանի հաշվի վրայից հանել են արգելանքը։

«Իմ հաշվի վրա 2018–ի հոկտեմբերի 20–ին է արգելանք դրվել։ Ասում էին, թե այն, ինչ ունեք, չենք հավատում, որ ձերն է»,–ասաց Լևոն Քոչարյանը։

«Այդքան վատ չէ, ինչքան թվում է». հարցազրույց Լևոն Քոչարյանի հետ

 

Հարցին, թե այսօրվա դատական նիստի ժամանակ Ռոբերտ Քոչարյանն ասել էր, որ իրեն զրկել են դատական ծախսերը և կոմունալ վճարները կատարելու հնարավորությունից, ու նա ստիպված է եղել ուրիշների օգնությանը դիմել` ո՞ւմ մասին է խոսքը, ինչպե՞ս է հոգացել դատական ծախսերը, Լևոն Քոչարյանը պատասխանեց, որ խոսքը հարազատների մասին է, նաև իրենց ունեցած խնայողությունների հաշվին է դատական ծախսերն արվել։ Քոչարյանի որդու խոսքով` իրենք ֆինանսական խնդիրներ չունեն։

Նա հայտնեց նաև, որ շաբաթը մեկ անգամ տեսակցում է հորը, զրուցում անձնական թեմաներից։ Լևոն Քոչարյանը վստահեցրեց` իր միջոցով հայրը քաղաքական մեսիջներ չի ուղարկում որևէ մեկին։

Հիշեցնենք` Ռոբերտ Քոչարյանի բանկային հաշվի և ունեցվածքի վրա կալանք էր դրվել 2018 թվականի հուլիսի 30–ին` Մարտի 1–ի գործով մեղադրանքը ներկայացնելուց չորս օր անց։ Այս տարվա հունիսի 7–ին Երևանի ընդհանուր իրավասության դատարանը` Աննա Դանիբեկյանի գլխավորությամբ, որոշեց մասամբ բավարարել Քոչարյանի պաշտպանության միջնորդագիրը` նախկին նախագահի ունեցվածքի վրա դրված կալանքը հանելու համար, քանի որ փաստաբանները նրա իրավունքների խախտում էին գրանցել։

Դատախազությունը, սակայն, համարում էր, որ Ռոբերտ Քոչարյանի գույքի վերաբերյալ որոշումն օրինական է, և բողոքարկել էր այս որոշումը։

349
թեգերը:
կալանավոր, Դատարան, Ռոբերտ Քոչարյան, Լևոն Քոչարյան, Հայաստան
թեմա:
Ռոբերտ Քոչարյանի գործը (331)
Ըստ թեմայի
Գիշերել եմ ոչ միայն զորամասում, այլև վրաններում՝ Փամբակի լեռներում. Լևոն Քոչարյան
Կարևոր է դատավորի անձը, որը տղամարդկություն կունենա օրենքով առաջնորդվել. Լևոն Քոչարյան
Սիրուշոն և Լևոն Քոչարյանը նշել են ամուսնության 10 տարին. լուսանկար