Նիկոլ Փաշինյան

Փաշինյանն օպերատիվ շտաբ է ստեղծել` աղետների դեմ պայքարելու համար

51
(Թարմացված է 14:58 16.07.2019)
ճգնաժամային կառավարման նման խումբ կառավարությունում ստեղծվել էր դեռ 2010թ.–ին։ 9 տարի առաջ հաստատված խմբի անդամների ցանկում բացառապես նախկին պաշտոնյաների անուններ են։

ԵՐԵՎԱՆ, 16 հուլիսի — Sputnik. ՀՀ վարչապետը կառավարությունում աղետների կանխարգելման նոր շտաբ է ստեղծել։ Այս մասին տեղեկանում ենք ՀՀ կառավարության պաշտոնական կայքից։

Վարչապետի որոշումից պարզ է դառնում, որ շտաբը զբաղվելու է աղետների ռիսկերի նվազեցմամբ ու արտակարգ իրավիճակների կանխարգելմամբ, դրանց հետևանքների վերացմանն ուղղված միջոցառումների իրականացմամբ` դրանց իրականացման ընթացքի ու արդյունքների մասին պարբերաբար տեղյակ պահելով վարչապետին։

Նշենք, որ շտաբի պետ նշանակվել է ԱԻ նախարար Ֆելիքս Ցոլակյանը։ Շտաբի անդամներ են նշանակվել առողջապահության, պաշտպանության ու շրջակա միջավայրի, տարածքային կառավարման ու ենթակառուցվածքների նախարարների տեղակալները, ոստիկանության, ԱԱԾ, քաղաքաշինության կոմիտեի անտառային կոմիտեի ղեկավարների տեղակալները։ Ըստ անհրաժեշտության շտաբի աշխատանքներին կարող են մասնակցել նաև մարզպետների, Երևանի քաղաքապետի տեղակալները, «Հայանտառ» ՊՈԱԿ–ի տնօրենը։

Ի դեպ, ճգնաժամային կառավարման նման խումբ կառավարությունում ստեղծվել էր դեռ 2010թ–ին` վարչապետ Տիգրան Սարգսյանի որոշմամբ։ Շտաբի կազմը, սակայն, թարմացման կարիք ուներ։ 9 տարի առաջ հաստատված անդամների ցանկում բացառապես նախկին պաշտոնյաների անուններ են։

Խոտի մեջ նետած ծխախոտի «ուժը», կամ ում շահերից է բխում անապատացված Հայաստանը

Հետաքրքրական է, որ Ճգնաժամային խմբի կազմը վարչապետ Փաշինյանը որոշեց թարմացնել հատկապես այն ժամանակ, երբ Հայաստանում պաշտոնապես հայտարարվեց բարձր կարգի հրդեհավտանգ իրավիճակի մասին։ Միաժամանակ չեն դադարում նաև Սևանա լճին սպառնացող բնապահպանական աղետի մասին մասնագետների ահազանգերը։

51
թեգերը:
ՀՀ արտակարգ իրավիճակների նախարարություն (ԱԻՆ), Ֆելիքս Ցոլակյան, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (1055)
Ըստ թեմայի
Կառավարության մասնաշենքում ռումբ կա՞. ԱԻՆ–ն ահազանգ է ստացել. լուսանկարներ
Ինչու են երևանյան վերելակներն ավելի հաճախ խափանվում. ԱԻՆ–ն ունի հարցի պատասխանը
ԱԻՆ–ը զգուշացնում է` բարձր կարգի հրդեհավտանգ իրավիճակ է. եղանակի տեսություն
Լիլիթ Մակունցը, Ալեքսանդր Սանդիկովն ու Սերգեյ Կոպիրկինը

ՍԴ շուրջ զարգացումներից մինչև ավիափոխադրումներ. ինչ են քննարկել պատգամավորները և Կոպիրկինը

2
(Թարմացված է 17:00 10.07.2020)
Լիլիթ Մակունցը ՌԴ դեսպանին է ներկայացրել Հայաստանում ընթացող ներքաղաքական զարգացումները:

ԵՐԵՎԱՆ, 10 հուլիսի - Sputnik. ՀՀ ԱԺ «Իմ քայլը» խմբակցության ղեկավար Լիլիթ Մակունցն ու իմքայլական պատգամավոր Ալեքսեյ Սանդիկովը հանդիպում են ունեցել ՀՀ-ում ՌԴ արտակարգ և լիազոր դեսպան Սերգեյ Կոպիրկինի հետ: Տեղեկությունը Facebook-ի իր էջում հայտնել է Լիլիթ Մակունցը:

«Քննարկել ենք հայ-ռուսական հարաբերությունների զարգացմանն առնչվող օրակարգային հարցեր։ Որպես «Իմ քայլը» խմբակցության ղեկավար՝ դեսպանին ներկայացրել եմ մեր երկրում ընթացող ներքին քաղաքական զարգացումները»,- գրել է նա։

Հանդիպման ընթացքում կողմերն անդրադարձել են իրականացվող օրենսդրական փոփոխություններին, մասնավորապես, «Տեսալսողական մեդիայի մասին» օրինագծով առաջարկվող կարգավորումներին, Սահմանադրական դատարանի շուրջ ծավալվող իրադարձություններին։

Երկկողմ հարաբերությունների առաջմղման համատեքստում կարևորվել է խորհրդարանական դիվանագիտության դերը՝ ընդգծելով հատկապես կորոնավիրուսի համավարակով պայմանավորված ստեղծված իրավիճակում ընթացիկ հարցերը խորհրդարանական դիվանագիտության ճանապարհով կարգավորելու հանգամանքը։ Առանձնակի ընդգծվել է համաճարակի դեմ պայքարում Հայաստանի և Ռուսաստանի համատեղ ջանքերի կարևորությունը։

Մտքեր են փոխանակվել այս օրերին կանոնավոր ավիափոխադրումների բացակայության պայմաններում ՀՀ և ՌԴ քաղաքացիների՝ իրենց երկրներ վերադարձի ապահովման ուղղությամբ իրականացվող քայլերի մասին։

2
Beeline

ՀԾԿՀ-ն ևս դեմ չէ Beeline-ի վաճառքին, բայց ժամանակ է տվել գործարքն իրականացնելու համար

8
(Թարմացված է 17:02 10.07.2020)
Հանձնաժողովի որոշման վավերականության ժամկետը վեց ամիս է: Դա նշանակում է, որ առք ու վաճառքի գործարքը երկու ընկերությունները պարտավոր են ավարտել կես տարվա ընթացքում:

ԵՐԵՎԱՆ, 10 հուլիսի — Sputnik. Հանրային ծառայություններ կարգավորող հանձնաժողովը քիչ առաջ հրավիրված արտահերթ նիստում հավանության արժանացրեց «ՎԵՈՆ Արմենիա» փակ բաժնետիրական ընկերության 2020 թվականի հունիսի 8-ի գրությունը, որով վերջինը խնդրել էր համաձայնություն տալ ընկերության բաժնետոմսերի 100 տոկոսի սեփականության իրավունքը «ԹԻՄ» սահմանափակ պատասխանատվությամբ ընկերությանը փոխանցելու առաջարկին:

Հանձնաժողովն իր համաձայնությունը հիմնավորեց ՀՀ բարձր տեխնոլոգիական արդյունաբերության նախարարության 2020 թվականի հուլիսի 8-ի և հուլիսի 9-ի գրություններով, որոնց համաձայն՝ նախարարությունը գործարքի վերաբերյալ առարկություններ չունի:

Նույն որոշմամբ ՀԾԿՀ-ը նաև համաձայնություն տվեց «Վեոն Արմենիայի» 100 տոկոս բաժնետոմսերը նորաստեղծ «ԹԻՄ» սահմանափակ պատասխանատվությամբ ընկերությանն օտարելուն:

Ընդ որում, հանձնաժողովի որոշման վավերականության ժամկետը վեց ամիս է: Դա նշանակում է, որ առք ու վաճառքի գործարքը երկու ընկերությունները պարտավոր են ավարտել կես տարվա ընթացքում:

Միաժամանակ «ԹԻՄ» ՍՊԸ-ն պետք է գործարքի կնքումից հետո երկշաբաթյա ժամկետում Հանրային ծառայությունները կարգավորող հանձնաժողով ներկայացնի գործարքի մասին հավաստող փաստաթղթերը։

Նշենք, որ այսօր հայտնի դարձավ, որ հուլիսի 9-ին առաջարկվող գործարքը ստացել էր նաև ՀՀ տնտեսական մրցակցության պաշտպանության պետական հանձնաժողովի (ՏՄՊՊՀ) թույլատվությունը:

Այս հանձնաժողովի որոշմամբ էլ «Թիմ» սահմանափակ պատասխանատվությամբ ընկերությունը պարտավորվել էր համակենտրոնացումը գործողության մեջ դնելուց հետո առնվազն վեց ամսվա ընթացքում աշխատակիցների զանգվածային ազատումներ (աշխատողների ընդհանուր թվի ավելի քան 10 տոկոսը) չիրականացնել:

Հիշեցնենք՝ հունիսի 8-ին Beeline ապրանքանիշի սեփականատեր «ՎԵՈՆ» ընկերության կենտրոնական գրասենյակը տեղեկություն էր տարածել, որ Ucom ընկերության նախկին մենեջերներ Հայկ և Ալեքսանդր Եսայան եղբայրները բանակցություններ են վարում «ՎԵՈՆ Արմենիա» ընկերությունը (Հայաստանում ներկայացված է Beeline ապրանքանիշով) գնելու համար։

Մի քանի ամիս առաջ Եսայան եղբայրները լքեցին Ucom–ը, հիմնադրեցին «Թիմ» ընկերությունն ու հայտ ներկայացրին Տնտեսական մրցակցության պաշտպանության պետական հանձնաժողով՝ «ՎԵՈՆ Արմենիան» գնելու հարցով:

Մինչ այդ, սակայն, «ՎԵՈՆ»-ն իր հայաստանյան ընկերության վաճառքի վերաբերյալ բանակցություններ էր վարում հենց Ucom ընկերության հետ, որն այն ժամանակ Եսայաններն էին ղեկավարում։

Հուլիսի 3-ին Beeline-ի աշխատակիցները նամակով դիմեցին ՀՀ վարչապետ Նիկոլ Փաշինյանին՝ խնդրելով թույլ չտալ գործարքի կայացումը՝ մտավախություն հայտնելով, որ այդ դեպքում իրենց կարող են զրկել աշխատանքից:

Beeline-ի մասնագետները, որ պղնձային ցանց են ապահովել, կկարողանան նոր ցանց կառուցել. Եսայան

Բանն այն է, որ Եսայանների հետ Ucom-ից հեռացել են ընկերության մի քանի հարյուր աշխատակիցներ, որոնք, Beeline-ի աշխատակիցների համոզմամբ, աշխատանքի են անցնելու ընկերությունում իրենց փոխարեն՝ իբրև իրենց ղեկավարներին հավատարիմ անձինք:

Նշենք, որ հայաստանյան «ՎԵՈՆ Արմենիա» ընկերությունում ներկա պահին աշխատում է շուրջ 1 800 մարդ: Հունիսի 9-ին հայտնի դարձավ, որ Եսայանների հիմնադրած ընկերությունը հեռուստառադիոծրագրերի հեռարձակման լիցենզիա է ստացել։

8
թեգերը:
Հայկ Եսայան, գործարք, Հանրային ծառայությունները կարգավորող հանձնաժողով (ՀԾԿՀ), Beeline Armenia
Ըստ թեմայի
Հայաստանի գործատուների միությանն անհանգստացրել է Ucom–ի հարցը
Ucom-ը բացահայտել է Beeline-ի գնման գաղտնիքները. ի՞նչ են պայմանավորվել Եսայանները
Ucom-ի ծառայությունները մասամբ վերականգնվել են. VivaCell-MTS-ում ևս խնդիրներ են առաջացել