Новобранцы в республиканском сборном пункте в первый день зимнего призыва (8 января 2019). Еревaн

Մտավոր հետամնացության դրսևորումներով նորակոչիկները բանակ չեն զորակոչվի

84
(Թարմացված է 12:45 16.07.2019)
Պաշտպանության նախարարությունն անդրադարձել է զինծառայող Յուրի Բրոյանի դեպքին, ով հոգեկան առողջական խնդիրներով զորակոչվել էր բանակ ու այնտեղ նոր խնդիրներ ձեռք բերել։

ԵՐԵՎԱՆ, 16 հուլիսի — Sputnik. ՀՀ ՊՆ-ը հետևողական է, որպեսզի առողջական որևէ խնդիր ունեցող քաղաքացի չզորակոչվի ԶՈւ-եր, իսկ զինծառայողները, որոնք ունեն առողջական խնդիրներ ծառայությունից վերադառնան առողջացած: Իր Facebook-ի էջում գրել է ՀՀ ՊՆ մամուլի քարտուղար Արծրուն Հովհաննիսյանը` անդրադառնալով 19-ամյա զինծառայող Յուրի Բրոյանի դեպքին, որի մասին մամուլը տևական ժամանակ ահազանգում էր։

«ՀՀ ՊՆ-ն կողմից ՀՀ Վարչապետի աշխատակազմ է ներկայացվել ՀՀ Կառավարության 12.04.2018թ. 404 որոշման մեջ փոփոխություններ կատարելու նախագիծ, որի համաձայն խմբագրվում է զինվորական ծառայության հետ առնչությունը որոշող հիվանդությունների ցանկի առաջին հոդվածը: Դրանով առաջարկվում է մտավոր հետամնացության բոլոր դրսևորումներով ուղեկցվող հիվանդությունը սահմանել ոչ պիտանի զինվորական ծառայության համար»,– հայտնում է Հովհաննիսյանը։

Մինչև նշված փոփոխությունների ընդունումը, Արծրուն Հովհաննիսյանի պարզաբանմամբ, ՀՀ ՊՆ-ը իրավասու չէ կատարել այնպիսի գործողություններ, որոնք սահմանված չեն օրենքով կամ համապատասխան հարաբերությունները սահմանող այլ նորմատիվ իրավական ակտերով:

Հիշեցնենք՝ մամուլի հրապարակումների համաձայն, Բրոյանն ունի ժառանգաբար փոխանցվող հոգեկան առողջության խնդիր, և 2018թ.–ին ծառայության ընթացքում ծեծի է ենթարկվել հրամանատարի կողմից ՝ տեղափոխվելով հոգեկան առողջության կենտրոն:

Դեպքին ս.թ. հունվարին անդրադարձել էր նաև նախարար Դավիթ Տոնոյանը` չհերքելով, որ նման զինծառայողների հետ կապված դժվարություններ ունեն։

Նրանք ոչ ծառայում են, ոչ էլ ինչ-որ առաջընթաց է ապահովվում ծառայության առումով: «Կողմնակից չեմ մեծ սահմանափակումներով երիտասարդներին զորակոչելուն»,- ասել էր նախարարը` միաժամանակ հիշեցնելով, որ գործող օրենսդրությամբ Բրոյանը ճանաչվել է ծառայության համար պիտանի։

84
թեգերը:
հոգեբուժարան, Բանակ, Արծրուն Հովհաննիսյան, Զինվոր, Հայաստան
Ըստ թեմայի
Առաջին 120 զորակոչիկները «Ես եմ» ծրագրին մասնակցելու հայտ են ներկայացրել
Զորակոչիկների ավտոբուսը սահմանված կարգով ուղեկցվել է. Ոստիկանության պարզաբանումը
Զորակոչիկների ծնողները հայտնվել են մեղադրյալի աթոռին. «Ժողովուրդ»