Բորտուղեկցողներ

«Արմենիան» փոքր, բայց հաստատուն քայլեր է անում. ընկերությունը կապ է հաստատել 5 երկրի հետ

106
(Թարմացված է 11:24 15.07.2019)
«Արմենիա» ավիաընկերությունը պատրաստվում է հանդիսավորությամբ դիմավորել իր 25–հազարերորդ ուղևորին և նոր ուղղություններ բացելու բանակցություններ է վարում։

ԵՐԵՎԱՆ, 15 հուլիսի — Sputnik, Լաուրա Սարգսյան. Հայկական ծիրան, լավաշ, զարմանալի մթնոլորտ և հիանալի մարդիկ. ահա թե ինչի համար է Հայաստանը սիրել իսրայելցի ռեժիսոր Էրեզ Դանը։ Նա մեր երկիր է այցելում երկրորդ անգամ։ Հինգ տարի առաջ ստիպված է եղել տարանցիկ ճանապարհով հասնել Հայաստան, իսկ այս անգամ արդեն Թել Ավիվ–Երևան ուղիղ չվերթով, «Արմենիա» ավիաընկերության օդանավով։

Հիանալի լավաշ և անմահական ծիրան

Դանի հետ ծանոթացանք ավիաընկերության տոնական միջոցառման ժամանակ. «Արմենիան» այս տարվա հուլիսի 12–ին նշեց առաջին չվերթի գործակման 3-ամյակը։ Ընկերությունը հիմնվել է 2015 թ–ին։

«Թռիչքը հարմարավետ էր, ամեն ինչ հիանալի անցավ և գլխավորը` արագ։ Ինձ հատկապես դուր եկավ ուտելիքը, որը մատուցեցին թռիչքի ժամանակ», – լրագրողների հետ զրույցում ասաց Դանը։

Նա խոստովանեց, որ հայաստանյան երկրորդ այցի ժամանակ տեսնում է երկրում կատարված մեծ փոփոխությունները։ Դանը վստահ է, որ Հայաստանն իսրայելցիների համար հանգստի լավ վայր կարող է դառնալ, քանի որ այստեղ ամեն ինչ դրական է` մարդիկ, մթնոլորտը, շատ համեղ և էժան ուտելիքը։ Ամենագլխավորը` հիմա կա ուղիղ ավիահաղորդակցություն։

«Ինձ հատկապես դուր են գալիս ձեր հիանալի լավաշը և ծիրանը։ Ծիրանը հիասքանչ է», – ասում է Դանը։

Նա վստահ է, որ ուղիղ չվերթերի շնորհիվ իսրայելցիներն ավելի հաճախ կսկսեն այցելել պատմությամբ և տեսարժան վայրերով հարուստ Հայաստան։

Կյանքը զրոյից

Ավիաընկերությունն առանցքային դեր է խաղացել Հռիփսիմե Հովհաննիսյանի կյանքում։ Դեռ վերջերս նա թարգմանիչ էր աշխատում, իսկ հիմա բորտուղեկցող է ավիաընկերությունում։ Եվ միանգամից սիրահարվել է իր նոր մասնագիտությանը։

«Ես զրոյից եմ սկսել։ Անցել եմ քասթինգը, դասընթացները, սովորել այն ամենը, ինչ անհրաժեշտ է», – լրագրողների հետ զրույցում ասաց Հռիփսիմեն։

Նա խոստովանեց, որ եթե Հայաստանում սեփական ավիաընկերությունը չհայտնվեր, այդպես էլ կզբաղվեր թարգմանություններով։ Բայց հիմա գոհ է իր նոր և պատասխանատու աշխատանքից։

Սկսել են շաբաթական մեկ չվերթից

«Արմենիա» ավիաընկերության գլխավոր տնօրեն Ռոբերտ Օգանեսյանը դրական է գնահատում ընկերության գոյության տարիներին կատարված աշխատանքը։ Նա վստահ է, որ այս երեք տարում ավիաընկերությունը բարեհաջող է կատարել իր առջև դրված խնդիրները։

  • Armenia ավիաընկերության 3-ամյակը
    Armenia ավիաընկերության 3-ամյակը
    © Sputnik / Aram Nersesyan ,
  • Armenia ավիաընկերության 3-ամյակը
    Armenia ավիաընկերության 3-ամյակը
    © Sputnik / Aram Nersesyan ,
  • Armenia ավիաընկերության 3-ամյակը
    Armenia ավիաընկերության 3-ամյակը
    © Sputnik / Aram Nersesyan ,
1 / 3
© Sputnik / Aram Nersesyan ,
Armenia ավիաընկերության 3-ամյակը

«Մենք կարողացանք հայրենիք վերադարձնել չորս ավագ օդաչուի, վերապատրաստել ենք անձնակազմի հինգ անձնակազմ (հրամանատար և երկրորդ օդաչու), զրոյից վերապատրաստել 30 բորտուղեկցորդուհու», – հավաքվածներին պատմեց Օգանեսյանը։

Նա հիշեց, թե ինչպես 2016 թ–ին ավիաընկերությունը սկսել է իր աշխատանքը շաբաթական մեկ չվերթից։ Օդանավերը մեկնել են Երևան–Մինվոդի–Երևան ուղղությամբ։ Հիմա շաբաթական իրականացնում են 22 չվերթ։ Եվ դա այն դեպքում, որ ընկերությունը համեմատաբար փոքր կոլեկտիվ ունի. 58 մարդ։

Հաջողության գաղտնիքը

Ավիաընկերության արտաքին կապերի փոխտնօրեն Կարինե Կարապետյանը լրագրողների հետ զրույցում խոստովանեց, որ ավիաընկերության հաջողության գաղտնիքը փոքր, բայց հաստատուն քայլերով առաջ գնալն է։

«Ներկա պահին բանակցություններ ենք վարում Ուֆայի, Կազանի, Ռոստովի օդանավակայանների հետ և մտադիր ենք չվերթեր իրականացնել ռուսական այս քաղաքներ ուղղությամբ», – պատմեց Կարապետյանը։

Նրա խոսքով` հատկապես Ռոստովում հետաքրքրված են հայկական ավիաընկերության հետ համագործակցությամբ։ Միաժամանակ առաջիկայում սակագնային քաղաքականությունը չի վերանայվի. ավիաընկերությունն ամեն ինչ անում է, որ ուղևորներին մատչելի տոմսեր առաջարկի։

«Տոմսերի գների աճի պատճառներից մեկը կարող են լինել ռուսական օդանավակայաններում ավիանավիգացիոն սպասարկման վճարները։ Բայց մեր կառավարությունն արդեն բանակցություններ է վարում ռուս գործընկերների հետ` բոլոր ավիաընկերության համար իրավահավասար պայմաններ ստեղծելու համար», – ասաց Կարապետյանը։

Բացի դրանից, ավիաընկերությունն այսօր Հայաստանի խոշոր հարկատուների ցանկում է։ Երեք տարում պետական գանձարան է վճարել 1,5 միլիարդ դրամ։

Կարապետյանը նշեց, որ այս տարի ուղևորների աճը 30 տոկոսով շատ է 2018 թ–ի ցուցանիշից։ «Արմենիայում» սպասում են, որ Մոսկվա կանոնավոր չվերթեր բացելու հաշվին առաջիկայում ավելի մեծ ուղևորահոսք կլինի։

2016 թվականին հայկական շուկա մտած «Արմենիա» ավիաընկերության ինքնաթիռները կանոնավոր չվերթեր են իրականացնում դեպի Վորոնեժ, Մինվոդի, Թել Ավիվ, Բեյրութ, Լիոն, ինչպես նաև մի շարք չարտերային չվերթեր դեպի Քուվեյթ, Հռոդոս և այլն: Armenia–ի ավիապարկը համալրված է երկու ինքնաթիռով` Boeing 737-500 և Boeing 737-700։

Armenia ավիաընկերությունը նոր հրամանատար ունի. օդաչուն թողել է ԱՄԷ–ն և վերադարձել հայրենիք

106
թեգերը:
ինքնաթիռ, Հայաստան
Ըստ թեմայի
Միջադեպ երկնքում. ինչպես Սուրեն Հարությունյանը թույլ չտվեց խոցել իր ուղղաթիռը
Եթե ոչ օդաչու, ապա թող գոնե ավիաընկերության սեփականատեր. երբ «հիվանդանում» ես երկնքով

Կորոնավիրուսը Հայաստանում ևս 7 մարդու կյանք է խլել. մեծ մասը կանայք են

33
(Թարմացված է 11:24 06.06.2020)
ՀՀ առողջապահության նախարարությունը տվյալներ է ներկայացրել վերջին մեկ օրում կորոնավիրուսից մահացածների վերաբերյալ։ Նրանցից ամենաերիտասարդն ուղեկցող որևէ խրոնիկական հիվանդություն չի ունեցել։

ԵՐԵՎԱՆ, 6 հունիսի — Sputnik. Վերջին մեկ օրում Հայաստանում 7 մարդ է մահացել կորոնավիրուսից։ Տեղեկությունը հայտնում է ՀՀ առողջապահության նախարարության մամուլի ծառայությունը։

«Պացիենտները եղել են 70 (կին), 92 (կին), 82 (կին), 62 (տղամարդ), 82 (տղամարդ), 66 (տղամարդ), 56 (կին) տարեկան: Բացի վերջինից, մնացած բոլորն ունեցել են ուղեկցող խրոնիկական հիվանդություններ»,– նշված է հաղորդագրության մեջ։

Հիշեցնենք` այսօրվա դրությամբ Հայաստանում կորոնավիրուսով վարակվածների թիվը հասել է 12 364-ի։

Այս պահին Հայաստանում փաստացի բուժում է ստանում 8385 մարդ, կատարվել է 66674 թեստավորում, առողջացել են վարակվածներից 3720–ը։

Ընդհանուր առմամբ գրանցվել է 190 մահվան դեպք։

547 նոր դեպք` 1 օրում. Հայաստանում կորոնավիրուսով վարակվածների թիվը դարձել է 12 364

33
թեգերը:
Հայաստան, Մահ, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսից մահացածների տվյալների հրապարակման դեպքով քրեական գործ է հարուցվել
ՀՀ–ում կորոնավիրուսից մահացածներից մեկը 44 տարեկան կին է. նոր տվյալներ
Կորոնավիրուսից 33-ամյա պացիենտ է մահացել. ծանր վիճակում գտնվողների թիվն ավելացել է
Բուժաշխատողներ. արխիվային լուսանկար

547 նոր դեպք` 1 օրում. Հայաստանում կորոնավիրուսով վարակվածների թիվը դարձել է 12 364

323
(Թարմացված է 10:59 06.06.2020)
Հիվանդությունների կանխարգելման և վերահսկման ազգային կենտրոնը տվյալներ է հրապարակել Հայաստանում կորոնավիրուսային հիվանդության վերջին մեկ օրվա զարգացումների վերաբերյալ։ Վարակվածների թիվը շարունակում է մեծ թափով աճել։

ԵՐԵՎԱՆ, 6 հունիսի — Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 547–ով և դարձել 12 364։ Տեղեկությունը հայտնում է Հիվանդությունների կանխարգելման և վերահսկման ազգային կենտրոնը:

Կենտրոնի տվյալներով` այս պահին փաստացի բուժում է ստանում 8385 մարդ, կատարվել է 66674 թեստավորում, առողջացել են վարակվածներից 3720–ը։ Ընդհանուր առմամբ գրանցվել է 190 մահվան դեպք։

Հունիսի 5-ի տվյալներով՝ ՀՀ-ում կորոնավիրուսով վարակվածների թիվը 11 817 էր:

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Կավասակիի սինդրոմ` կորոնավիրուսով հիվանդ 4 տարեկան երեխայի մոտ. Թորոսյանը մտահոգ է

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հունիսի 4-ից արտակարգ դրության ընթացքում կիրառվող կարգավորումներում փոփոխություններ և լրացումներ են ուժի մեջ մտել։ Այսուհետ բոլոր հանրային բաց տարածքներում դիմակ կրելը պարտադիր է։ Հանրային բաց վայրերում դիմակ կարող են չկրել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան

323
թեգերը:
Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
ՀՀ–ում կորոնավիրուսով վարակված ավելի քան 1000 երեխա կա
«Կարծում ենք, որ կորոնավիրուսի գագաթնակետը կլինի հունիսի վերջին». Փաշինյան
«Գլորիա» կարի ֆաբրիկայի 135 աշխատակցի մոտ կորոնավիրուս է հայտնաբերվել. մարզպետ