Չկալովկա

Չկա ասֆալտ, չկա ներդրում. Չկալովկա գյուղի ապագան ՀՀ կառավարության ձեռքում է

686
(Թարմացված է 12:47 14.07.2019)
Գեղարքունիքի փոքրիկ գյուղն ապրում է ներդրումային ծրագրի սպասումով։ Ներդրողն էլ սպասում է իշխանության խոստացած ասֆալտին։

ԵՐԵՎԱՆ, 14 հուլիսի — Sputnik. Նելլի Դանիելյան. Գեղարքունիքի մարզի Չկալովկա գյուղը հատկապես շատ է գրավում ռուսաստանցի զբոսաշրջիկներին։

Գյուղապետ Վահրամ Կարապետյանի խոսքով` նրանք, ցուցատախտակի վրա կարդալով ռուսական հնչողությամբ ծանոթ անունը, հետաքրքրությամբ են մտնում գյուղ։ Բայց հայկական գյուղը զբոսաշրջիկների հետաքրքրությունը բավարարելու ոչ մի բան, բացի անունից, այս պահին չունի։

Глава администрации села Чкаловка Ваграм Карапетян
© Sputnik / Aram Nersesyan ,
Գյուղապետ Վահրամ Կարապետյանը

Ավելին` ինչպես գյուղապետն է ասում, առաջին հիասթափությունը զբոսաշրջիկն ապրում է Սևանի ասֆալտապատ ավտոմայրուղուց դեպի գյուղ թեքվելուց վայրկյաններ անց, երբ հայտնվում է անբարեկարգ, հողածածկ ու փոշոտ ճանապարհին։

Դա, ի դեպ, գյուղի ոչ միայն գլխավոր մուտքն է, այլև հիմնական ճանապարհը, որի վրա են գտնվում գյուղական ամբուլատորիան, գյուղապետարանն ու դպրոցը։

Գյուղի ճանապարհի ասֆալտապատման հարցով գյուղապետը դիմել է ՀՀ վարչապետին ու ստացել նրա դրական արձագանքը, բայց երբ գործը հասել է ոլորտային նախարարներին, նրանք տվել են շաբլոն պատճառաբանություն։

«Նախարարները փոխնախարարի մակարդակով գրություն ուղարկեցին, թե` գումար չունենք, գրունտային ճանապարհ սարքեք»,– պատմեց գյուղապետը։

Գյուղում ասֆալտապատ ճանապարհ ունենալը նաև գյուղի զարգացման կարևոր նախապայման է։ Բանն այն է, որ ռուսաստանաբնակ հայազգի մի գործարար անցյալ տարի, Սևան այցելելով, շատերի պես հետաքրքրվել էր ռուսական հնչողությամբ գյուղով։ Գործարարը, որի անունը գյուղապետն առայժմ չի ցանկանում բացահայտել, առաջարկել էր գյուղում 2 մլն դոլարի ներդրումային ծրագիր իրականացնել։

Дорога к озеру Севан в селе Чкаловка, Гегаркуник
© Sputnik / Aram Nersesyan ,
Չկալովկա գյուղը

«Ծրագիրն ինչ է իրենից ներկայացնում. մենք զբոսաշրջիկներին բերում էինք գյուղ, գյուղից կվադրոցիկլներով կամ ձիերով տանում էինք 4-5 կմ հեռավորության վրա գտնվող լեռների ստորոտի քարանձավներ։ Այդ քարանձավներում նույնիսկ մտադիր էինք ամռանը խաշ մատուցել, քանի որ այնտեղ միշտ շատ սառն է։ Արևի տակ տաքացած ջրով շիշը քարանձավում մի քանի րոպեում այնպես է սառչում, կարծես սառնարանից հանված լինի։ Քարանձավներից հետո զբոսաշրջիկը կարող էր զիպլայնով միանգամից տեղափոխվել Սևանի ափ»,– պատմեց գյուղապետը։

Զբոսաշրջային ծրագրերի իրականացմանն ու զարգացմանը զուգահեռ Վահրամ Կարապետյանը պլանավորում էր իրականացնել նաև էկո և ագրոտուրիզմի նախագծեր` զբոսաշրջիկներին ծանոթացնել գյուղական կյանքին, հնարավորություն տալ գիշերելու գյուղական հյուրատներում։

Այս ամենը ռուսաստանաբնակ գործարարի հետ ծրագրել էին մեկնարկել արդեն 2019-ի գարնանը։ Բայց 2 մլն դոլարանոց ներդրումն ու դրա հետ կապված մնացած հույսերն այդպես էլ մնացին անկատար, քանի որ գյուղն այդպես էլ չունեցավ նոր, բարեկարգ ճանապարհ, որի արժեքն ի դեպ, գյուղապետի խոսքով, 45 մլն դրամ է։

Չկա ասֆալտ, չկա ներդրում։

Գյուղապետը, սակայն հույսը չի կորցնում և ձեռքերը ծալած չի սպասում կառավարության բարեհոգությանը։ Մինչ այդ նա սեփական բյուջեի ներածի չափով փորձում է որոշ հետաքրքրություն ստեղծել  այս տարի գյուղ այցելող զբոսաշրջիկների համար։

Ներդրողների դափնին կկանաչի՞. Տավուշում դեղի հումքի և համեմունքի արտադրություն կհիմնեն

Անբարեկարգ ճանապարհին կից արդեն կառուցվել է փոքրիկ հրապարակ` նստարաններով ու շատրվանով, որի բացումը նախատեսված է առաջիկա օրերին։ Իսկ գյուղի անունն արդարացնելու համար գյուղապետը հայ քանդակագործ վարպետին պատվիրել է քանդակել Չկալովի հուշարձանը` լեգենդար ինքնաթիռի ֆոնին։

Село Чкаловка, Гегаркуник
© Sputnik / Aram Nersesyan ,
Չկալովկա գյուղը

Չկալովկան Գեղարքունիքի մարզի Երևան–Մարտունի ավտոճանապարհին ու Սևանա լճին  ամենամոտ գյուղերից մեկն է։ 20-րդ դարի սկզբում հիմնադրված բնակավայրը նախապես կոչվել է ռուս Ալեքսանդր 1-ին ցարի անունով` Ալեքսանդրովկա։ Իսկ Հայրենական Մեծ պատերազմից հետո` 1946թ.–ին, վերանավանվել է Չկալովկա` Խորհրդային միության հերոս օդաչու Վալերի Չկալովի պատվին։

Գյուղից 2 կմ արևելք կա 10-12–րդ դարերի խաչքարերով գերեզմանոց։

Ինչո՞ւ են նվազել ներդրումները, և ի՞նչ կտա կառավարության ներդրումային քաղաքականությունը

686
թեգերը:
ՀՀ կառավարություն, Ռուսաստան, գործարար, Ներդրում, Գյուղ, Սևանա լիճ, Սևան, Հայաստան
Ըստ թեմայի
«Մեզ չեն կոտրի». ինչպես է ապրում Ադրբեջանին սահմանակից հայկական գյուղը. լուսանկարներ
Իր օրենքներով ապրող բազմազավակ ընտանիքների գյուղը. ՍՕՍ-ում գերիշխում է սերը
Զիփլայնի հույսով ապրող լեռնային գյուղը. Սևաբերդում վախենում են երեխաներ ունենալ
Արցախ

Հայաստան–Արցախ մուտքի սահմանափակումները մեղմացվել են. ովքեր ու ինչպես կարող են մեկնել ԼՂ

4
(Թարմացված է 17:21 13.08.2020)
Արցախի Հանրապետության քաղաքացիություն չունեցող անձինք, այդ թվում  նաև ՀՀ քաղաքացիները օգոստոսի 12-ից սկսած Արցախ այցելելու համար այլևս ստիպված չեն լինի պարետից թույլտվություն ստանալ։

ԵՐԵՎԱՆ, 13 օգոստոսի - Sputnik. Հայաստանի կողմից Արցախի հետ սահմանը փակ չէ։ Sputnik Արմենիայի հետ զրույցում հայտնեց վարչապետի մամուլի քարտուղար Մանե Գևորգյանը` մեկնաբանելով սահմանների բացման մասին ՀՀ պարետ, փոխվարչապետ Տիգրան Ավինյանի` օգոստոսի 12-ի հայտարարությունը։

«Մեր կողմից փակ չէ Արցախի հետ սահմանը։ Հայաստանն Արցախ մուտքի որևէ սահմանափակում չի դնում։ Դա կարգավորվում է Արցախի իշխանությունների որոշմամբ»,– ասաց նա։

Հիշեցնենք` ՀՀ փոխվարչապետ, պարետ Տիգրան Ավինյանը՝ ԱԺ–ում ներկայացնելով Հայաստանում արտակարգ դրության ժամկետը երկարացնելու մասին որոշումը, նշեց, որ Իրանի ու Վրաստանի հետ ցամաքային սահմաններին դեռևս պահպանվում է սահմանափակումների նույն ռեժիմը։ Արցախի սահմանի վերաբացման վերաբերյալ Ավինյանը որևէ հայտարարություն չարեց։

Փոխարենը՝ խնդրին այսօր լուծում է տվել Արցախի պարետ, տարածքային կառավարման և զարգացման նախարար Ժիրայր Միրզոյանը։

Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»

Պարետի որոշմամբ՝ Արցախի Հանրապետության քաղաքացիություն չունեցող անձինք, այդ թվում նաև ՀՀ քաղաքացիները, օգոստոսի 12-ից սկսած Արցախ այցելելու համար այլևս ստիպված չեն լինի պարետից թույլտվություն ստանալ, միայն թե սահմանին պետք է ներկայացնեն վերջին 3 օրվա ընթացքում կատարված ՊՇՌ թեստի բացասական պատասխանը։

Թեստավորման պարտադիր պահանջը չի տարածվի միայն մինչև 6 տարեկան երեխաների վրա։

Ինչ վերաբերում է Արցախի Հանրապետության քաղաքացիներին՝ նրանք Արցախից Հայաստան կարող են մուտք գործել միայն պարետի թույլտվությամբ, իսկ Հայաստանից Արցախ վերադառնալիս արդեն ստիպված կլինեն թեստավորվել ու իրենց հետ ունենալ թեստի բացասական պատասխանը։

Հիշեցնենք` Արցախի նախագահի որոշմամբ, Արցախում հայտարարված արտակարգ իրավիճակի ժամկետն այսօր երկարացվել է ևս մեկ ամսով` մինչև սեպտեմբերի 11-ը՝ ժամը 22:00-ն։

Հայաստանում ևս օգոստոսի 12-ին կառավարությունը որոշեց արտակարգ դրության ռեժիմը երկարացնել մինչև սեպտեմբերի 11–ը, 17։ 00–ն։

4
թեգերը:
թեստ, կորոնավիրուս, Հայաստան, Արցախ
թեմա:
Կորոնավիրուսը Հայաստանում և Արցախում
Ըստ թեմայի
Արցախում կորոնավիրուսով վարակվելու նոր դեպքեր են հաստատվել
Արցախում ևս ավելանում է կորոնավիրուսով վարակվածների թիվը. նոր տվյալներ
Արցախում կորոնավիրուսի ևս մեկ դեպք է հաստատվել. վարակվածը հիվանդանոցի աշխատակից է
Արցախում կորոնավիրուսի 5 նոր դեպք է հաստատվել
Հետիոտնային անցում

Ինչպես է ոստիկանության աշխատակիցը վրաերթի ենթարկել տղային. ՔԿ–ն` Ստեփանավանի դեպքի մասին

8
(Թարմացված է 17:10 13.08.2020)
Դեպքը տեղի է ունեցել Ստեփանավանի դպրոցներից մեկի մոտակայքում, ոստիկանության աշխատակիցը վրաերթի է ենթարկել ընկերոջ մեքենայով։

ԵՐԵՎԱՆ, 13 օգոստոսի – Sputnik. Ոստիկանության աշխատակիցը Ստեփանավանում հետիոտնին վրաերթի է ենթարկել, երբ ցանկացել է շրջադարձ կատարել։ Տեղեկությունը Sputnik Արմենիային հայտնեցին Քննչական կոմիտեից։

Ավելի վաղ տեղեկացրել էինք, որ ոստիկանության աշխատակիցը ոչ սթափ վիճակում վրաերթի է ենթարկել մի երիտասարդի։

«Պարզվել է, որ 2020թ. օգոստոսի 12-ին՝ ժամը 23:00-ի սահմաններում, ՀՀ ոստիկանության Լոռու մարզային վարչության Ստեփանավանի բաժնի ՊՊԾ դասակի վարորդը, վարելով ընկերոջը պատկանող «Opel Astra» մակնիշի ավտոմեքենան, Ստեփանավան քաղաքի Աշոտաբերդ թաղամասի շենքերից մեկի մոտակայքում՝ խաչմերուկին, ցանկացել է շրջադարձ կատարել դեպի աջ, որի ընթացքում իր վարած ավտոմեքենայով վրաերթի է ենթարկել նշված խաչմերուկում՝ ճամփեզրին կանգնած քաղաքացուն, որը ստացած մարմնական վնասվածքներով տեղափոխվել է Ստեփանավանի բժշկական կենտրոն»,– նշված է ՔԿ–ի հաղորդագրության մեջ:

Ստեփանավան քաղաքի բնակիչը՝ ծնված 1999թ, բուժկենտրոն է տեղափոխվել աջ սրունքի զույգ ոսկրերի բազմաբեկոր բաց կոտրվածք ախտորոշմամբ։

Կատարվել են ճանապարհատրանսպորտային պատահարի դեպքի վայրի և տրանսպորտային միջոցի զննություններ, բացատրություններ են վերցվել, նշանակվել են դատաբժշկական փորձաքննություններ:

ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնում նախապատրաստվում են նյութեր:

Երևանում երիտասարդների «փարթին» ավարտվել է դանակահարությամբ

8
թեգերը:
ոստիկան, Վրաերթ, Ստեփանավան, Հայաստան
թեմա:
Վթար, պատահար, սպանություն, գողություն
Ըստ թեմայի
Հրաշք լինում է. ողբերգական ավտովթարից տուժած 3 ամսական փոքրիկը դուրս է գրվել հիվանդանոցից
Աշտարակում կամրջից 53-ամյա տղամարդ է նետվել
Երևան-Երասխ ավտոճանապարհին 5 մեքենա բախվել են իրար. կա տուժած
Акция протеста проходит на заводе БелАЗ в Жодино (13 августа 2020).

Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ

0
Գործարանների աշխատակիցները չթույլատրված ցույցեր են անցկացնում և պահանջներ ներկայացնում իշխանությանը։

ԵՐԵՎԱՆ, 13 օգոստոսի – Sputnik. Բելառուսական գործարանների աշխատակիցները բողոքի ակցիաներ են իրականացնում՝ պահանջելով ազգային գործադուլ սկսել։

Ինչպես հայտնում է Sputnik Բելառուսը, բողոքի ակցիա է ընթանում Ժոդինոյի ԲելԱԶ գործարանի մոտ։ Մարդիկ վանկարկում են․ «Համազգային գործադուլ ենք պահանջում»։

Գործարանի ղեկավարությունը հրաժարվում է ընդունել, որ աշխատակիցները գործադուլ են անում, նախընտրում են ցույցն անվանել «հանդիպում կոլեկտիվի հետ»։ Աշխատակիցները պահանջում են տեղական իշխանությունների հրաժարականը, նրանք ուզում են, որ քաղաքից հեռացնեն հատուկ նշանակության ջոկատները (ОМОН) և իրենց մարզադաշտ տրամադրեն հանրահավաքի համար:

Միաժամանակ Nexta Telegram-ալիքը հայտնում է, որ ցույց և գործադուլ է ընթանում նաև «ՄԱԶ» գործարանում։ Հրապարակված լուսանկարում երևում է, թե որքան մարդ է հավաքվել։

Ավելի վաղ տեղեկություն էր տարածվել, որ գործադուլներ են անցկացվում Մինսկի Կոզլովի անվան գործարանում, մարգարինի գործարանում, «Բելշին» անվադողերի արտադրության ձեռնարկությունում և «Ինտեգրալ» էլեկտրոնիկայի գործարանում։ Սակայն նրանց ղեկավարությունը հերքում է այդ լուրը։

0
թեգերը:
գործադուլ, գործարան, Մինսկ, Բելառուս