Արմեն Սարգսյանն ու Վլադիմիր Պուտինը

Ինչ է խոսել Արմեն Սարգսյանը Վլադիմիր Պուտինի հետ

116
(Թարմացված է 12:48 03.07.2019)
ՀՀ նախագահի մամուլի ծառայության տարածած տեսանյութում երևում է, թե ինչպես են ՀՀ նախագահ Արմեն Սարգսյանն ու ՌԴ նախագահ Վլադիմիր Պուտինը զրուցում:

ԵՐԵՎԱՆ, 3 հուլիսի — Sputnik. ՀՀ նախագահ Արմեն Սարգսյանն անդրադարձել է Մինսկում Եվրոպական երկրորդ խաղերի փակման արարողության ժամանակ իր և ՌԴ նախագահ Վլադիմիր Պուտինի զրույցին: «Արմենպրեսը» հայտնում է, որ նա այդ մասին խոսել է Մինսկից վերադառնալու ընթացքում` պատասխանելով լրագրողների հարցերին։

«Ի՞նչ կարող էին խոսել երկու նախագահները Մինսկում՝ Եվրոպական երկրորդ խաղերի փակման ժամանակ: Ամեն ինչից՝ մի քիչ, մի քիչ»,- ասել է Սարգսյանը։

ՀՀ նախագահի աշխատակազմի տեղեկատվության և հասարակայնության հետ կապերի վարչության տարածած տեսանյութում երևում է, թե ինչպես են ՀՀ նախագահ Արմեն Սարգսյանն ու ՌԴ նախագահ Վլադիմիր Պուտինը զրուցում:

Արմեն Սարգսյանը Պուտինի ու Լուկաշենկոյի հետ լուսանկար է հրապարակել

Հիշեցնենք, որ եվրոպական երկրորդ խաղերի փակման արարողությունը կայացել է հունիսի 30-ին։ Մինսկում Հայաստանի թիմը հանդես է եկել 37 մարզիկով ու 11 մեդալ նվաճել` 5 ոսկե, 3 արծաթե ու 3 բրոնզե: Ոսկե մեդալակիրներ են դարձել սամբիստ Տիգրան Կիրակոսյանը (52 կգ), հունահռոմեական ոճի ըմբիշ Արթուր Ալեքսանյանը (97 կգ), բռնցքամարտիկներ Արթուր Հովհաննիսյանն (49 կգ) ու Հովհաննես Բաչկովը (64 կգ), մարմնամարզիկ Արթուր Դավթյանը: Արծաթե մեդալակիրները բաժին են հասել սամբիստ Դավիթ Գրիգորյանին (82 կգ), ըմբիշ Կարապետ Չալյանին (77 կգ) ու մարմնամարզիկ Վահագն Դավթյանին: Բրոնզե մեդալակիրներն էլ սամբիստ Արսեն Ղազարյանը (74 կգ), բռնցքամարտիկներ Կարեն Տոնականյանն (60 կգ) ու Գոռ Ներսիսյանն (81 կգ) են:

 

116
թեգերը:
Վլադիմիր Պուտին, Արմեն Սարգսյան, Ռուսաստան, Հայաստան
Ըստ թեմայի
Արմեն Սարգսյանն այցելել է Փարիզի միջազգային ավիացիոն ցուցահանդես
Արմեն Սարգսյանը երկու նոր դեսպանի նշանակման հրամանագիր է ստորագրել
Արմեն Սարգսյանը մրցանակի է արժանացել
Արմեն Սարգսյանը պարգևատրել է դատախազության երկու պաշտոնյայի