Նարակոչիներ. արխիվային լուսանկար

Զինվորների սննդակարգում մրգի և բանջարեղենի տեսականին կավելանա. ի՞նչ փոփոխություններ կլինեն

146
Եթե մինչ այժմ զորքի պարենավորման գործընթացն իրականացվում էր Զինված ուժերի միջոցով, ապա հիմա նաև մասնավոր գործընկերներ կունենանք։

ԵՐԵՎԱՆ, 28 հունիսի — Sputnik. Այս տարի ՀՀ զինված ուժերի զինծառայողների սննդակարգը զգալիորեն կփոխվի, նրանց սննդակարգում կավելանա մրգի ու բանջարեղենի տեսականին։ Այս մասին Sputnik Արմենիայի հետ զրույցում նշեց ՀՀ պաշտպանության նախարարի մամուլի խոսնակ Արծրուն Հովհաննիսյանը։

«Այս տարի զորքի սնման կարգն է փոխվելու. եթե մինչ այժմ զորքի պարենավորման գործընթացն իրականացվում էր Զինված ուժերի միջոցով, ապա հիմա նաև մասնավոր գործընկերներ կունենանք։ Սա մեզ թույլ կտա զգալիորեն արդյունավետ ծախսել մեր միջոցներն ու սննդակարգում ավելացնել ավելի կարևոր բաներ` մրգեր, բանջարեղեն և ոչ միայն»,–ասաց նա։

Անդրադառնալով զինվորներին տնից ուղարկվող սննդին` Հովհաննիսյանը նշեց, որ իրականում այնպես չէ, որ ՊՆ–ն արգելում է դա, սակայն խիստ վերահսկվում է այդ գործընթացը, մանավանդ` ամռան ամիսներին սնունդն ավելի արագ է փչանում։

Նրա խոսքով` բանն այն է, որ ՊՆ–ն զորքի սննդակարգի իր պայմաններն ունի` անվտանգության կանոններ, կալորիականություն, պահպանման ժամկետներ։ Այսինքն` շատ հաճախ նույն ընկերությունը ՊՆ–ի համար ավելի բարձր կալորիականությամբ է պահածոներ պատրաստում և տրամադրում, քան` քաղաքացիական շուկայում հայտնվածներն են։

Ժամկետային զինծառայողներին հանել առաջնագծից. Հայաստանն ավելացնում է պայմանագրայինների թիվը

Հիշեցնենք, որ կառավարության փետրվարի 21–ի նիստի ժամանակ որոշեց փոփոխություն մտցնել Զինված ուժերի պարենավորման գործընթացում․ եթե մինչև հիմա գործընթացը իրականացվում էր Զինված ուժերի միջոցով, ապա որոշման նախագծով առաջարկվում է գործընթացում ներգրավել մասնավոր գործընկերոջ: Ծրագիրը, ի դեպ, փորձնական է։

146
թեգերը:
Զինվոր, Արծրուն Հովհաննիսյան, ՀՀ Պաշտպանության նախարարություն (ՊՆ), Հայաստան
Ըստ թեմայի
Զինծառայողների հիմնադրամը կփոխհատուցի նաև 2008-2014թթ. ընթացքում գրանցված դեպքերի համար
Երևանաբնակ զինծառայողների ծնողները մեկնել են սահմանամերձ զորամասեր
Զինծառայողների աշխատավարձը կբարձրանա. նախագիծն ընդունվեց