ԵՐԵՎԱՆ, 27 հունիսի – Sputnik. Մալթայի արտաքին գործերի և առևտրի խթանման նախարար Կարմելո Աբելան վստահեցնում է, որ Մալթան պատրաստ է օժանդակել Հայաստան–Մալթա վիզաների դյուրացման գործընթացում։ Այս մասին Աբելան ասաց ՀՀ արտգործնախարար Զոհրաբ Մնացականյանի հետ համատեղ մամուլի ասուլիսի ժամանակ։
Վիզայի ազատականացում, ԼՂ խնդիր, ԵՄ աջակցություն. Մնացականյանը հանդիպել է Մոգերինիին
«Մալթան երկիր է, որը զբոսաշրջիկների որոշակի ծավալ է գրավում, և մենք գոհ ենք այդ ծավալներից։ Գիտեմ, որ ԵՄ արտաքին հարցերով բարձր ներկայացուցիչ Ֆեդերիկա Մոգերինին հանդիպել է ՀՀ վարչապետ Նիկոլ Փաշինյանի հետ, ու նրանք քննարկել են վիզաների ազատականացման մեկնարկի հարցը։ Մենք այդ քննարկումներին պատրաստ ենք օժանդակել»,–ասաց նա։
Աբելայի խոսքով` ՀՀ-Ե վիզաների ազատականացման համար մի շարք գործոններ պետք է հաշվի առնել՝ ռեադմիսիայի համաձայնագիրը, Մալթայից ապաստան հայցողների ծավալը և մի շարք հարցեր։
Նա նշեց նաև, որ հաջորդ տարի երկու երկրների միջև ուղիղ չվերթ հաստատելու նպատակ կա։
ՀՀ քաղաքացիները Չինաստան կմեկնեն առանց վիզայի. համաձայնագիրը ստորագրվեց
