«Զվարթնոց» օդանավակայան

Պուտինի հրամանից հետո Հայաստանը պատրաստ է Վրաստանի փոխարեն հավելյալ չվերթեր ընդունել ՌԴ–ից

6874
(Թարմացված է 21:42 22.06.2019)
«Աերոֆլոտն» իր ուղևորներին առաջարկում է Վրաստանի մայրաքաղաքի ուղղությամբ չվերթերը փակելուց հետո օգտվել Երևանի և Վլադիկավկազի օդանավակայաններից։

ԵՐԵՎԱՆ, 22 հունիսի – Sputnik. Հայկական օդանավակայանները պատրաստ են լրացուցիչ չվերթեր ընդունել Ռուսաստանից Վրաստանի ուղղությամբ չվերթերի չեղարկումից հետո։ Sputnik Արմենիային այս մասին հայտնեց «Զվարթնոց» օդանավակայանի մամուլի քարտուղար Սաթենիկ Հովհաննիսյանը։

Ռուսական «Աերոֆլոտ» ավիաընկերությունը հունիսի 22-ին հայտարարել է, որ Վրաստանի հետ ավիահաղորդակցության արգելքի ժամանակահատվածում ուղևորներին որպես այլընտրանք առաջարկում է մեկնել Երևան և Վլադիկավկազ։

«Զվարթնոցը» պատրաստ է լրացուցիչ չվերթեր ընդունել Ռուսաստանից», – ասաց Հովհաննիսյանը։

Sputnik Արմենիան կապ հաստատեց նաև Հայաստանի քաղավիացիայի գլխավոր վարչության հետ։ Հարցին, թե արդյոք ընկերությունը դիմել է չվերթերի քանակն ավելացնելու հայցով, մեզ չկարողացան պատասխանել, քանի որ այսօր աշխատանքային օր չէ։ Միաժամանակ հայտնեցին, որ «Աերոֆլոտն» օրական 6 չվերթ է իրականացնում Երևանի ուղղությամբ։

«Աերոֆլոտի» հայաստանյան ներկայացուցչության հետ դեռ չի հաջողվել կապ հաստատել։

Երեկ` հունիսի 21-ին, ՌԴ նախագահ Վլադիմիր Պուտինն ազգային անվտանգությունն ապահովելու մասին հրամանագիր էր ստորագրել, որի համաձայն` հունիսի 8-ից ռուսական ավիաընկերություններին արգելվում է Ռուսաստանից Վրաստան չվերթեր իրականացնել։

Հունիսի 20-ին Թբիլիսիում ընդդիմադիրները բողոքի ցույց էին կազմակերպել այն բանից հետո, երբ նույն օրն առավոտյան Վրաստանի խորհրդարանի խոսնակի աթոռին էր հայտնվել ՌԴ պետդումայի պատգամավոր, Կոմկուսի անդամ Սերգեյ Գավրիլովը։ Նա Թբիլիսի էր մեկնել Ուղղափառության միջխորհրդարանական վեհաժողովի 26–րդ նստաշրջանի մասնակցելու համար, բայց միջոցառումը տապալվել էր։ Ընդդիմությունը Վրաստանի իշխանությանը մեղադրել էր «հայրենիքին դավաճանելու» մեջ։ Թբիլիսիում ընդդիմության ցույցն անկարգությունների էր վերածվել, ինչի հետևանքով հարյուրավոր մարդիկ էին տուժել։

Անկարգություններ Թբիլիսիում. ո՞ր դեպքում վրացական իշխանությանը կհաջողվի «չխորտակվել»

6874
թեգերը:
չվերթ, Ռուսաստան, Վրաստանի Հանրապետություն, Հայաստան

ԵԱՏՄ երկրների կառավարությունների ղեկավարները կհավաքվեն Մինսկում. հանդիպման օրը հայտնի է

4
ԵԱՏՄ կառավարությունների բոլոր  ղեկավարները կժամանեն Մինսկ, թե ոչ՝ դեռ հայտնի չէ, սակայն նիստի օրակարգը բավական հագեցած է:

ԵՐԵՎԱՆ, 15 հուլիսի – Sputnik. Եվրասիական տնտեսական հանձնաժողովը հաստատել է Մինսկում հուլիսի 17-ին Եվրասիական միջկառավարական խորհրդի անցկացումն առկա ձևաչափով։ Տեղեկությունը հայտնում է Հանձնաժողովի մամուլի ծառայությունը։

Նիստին կմասնակցեն ԵԱՏՄ երկրների կառավարությունների ղեկավարները, այն կնախագահի Բելառուսի վարչապետ Ռոման Գոլովչենկոն։

Օրակարգում են առևտրի ոլորտներում եվրասիական ինտեգրման, ներքին շուկայի գործունեության, մրցակցության, արդյունաբերության, տեխնիկական կարգավորման հարցերը, ինչպես նաև  միության երկրներում կորոնավիրուսի և այլ վարակիչ հիվանդությունների տարածման կանխարգելմանն ուղված համալիր միջոցառումների ծրագիրը։

Նախատեսվում է քննարկել ԵԱՏՄ երկրների համագործակցության միջպետական ծրագրի նախագիծը` տիեզերական և աշխարհատեղեկատվական ծառայությունների տրամադրման ոլորտում` Երկրի հեռակա ուսումնասիրման հիման վրա։

ԵՏՀ–ից տեղեկացնում են նաև, որ նախատեսվում է ուսումնասիրել նաև ԵԱՏՄ ագրոարդյունաբերական զարգացման և միության արդյունաբերականացման քարտեզները։ Երկու նախագծերն էլ նախատեսում են իրականացվող խոշոր նախագծերի մասին տեղեկությունների հավաքագրում, ինչը թույլ կտա միության գործընկերներին զարգացման և ներդրումային ծրագրերի ազգային պլանների ձևավորման ժամանակ բացառել կրկնությունը, հաշվի առնել զարգացման միտումները, ինչպես նաև արդյունավետ կիրառել միմյանց բանիմացությունը։

4
թեմա:
Հայաստան և ԵԱՏՄ
Ինքնաթիռ

Ինչ թռիչքներն են նախատեսված առաջիկա օրերին

5
(Թարմացված է 13:50 15.07.2020)
Քաղաքացիական ավիացիայի կոմիտեն տեղեկացնում է, որ հուլիսի 16-ին և 17-ին կրիրականացվեն մի քանի թռիչքներ։

ԵՐԵՎԱՆ, 15 հուլիսի– Sputnik. ՀՀ Քաղաքացիական ավիացիայի կոմիտեն տեղեկացնում է, որ հուլիսի 16-ին կիրականացվի Մինսկ-Երևան֊Մինսկ չվերթը։
«Մինսկ-Երևան֊Մինսկ չվերթը կիրականացվի Belavia ընկերության կողմից (ժամանում 02:45, մեկնում 03։35):

Բացի այդ, նույն օրը կիրականացվի Լոս Անջելես֊Երևան֊Բոստոն չվերթը Icelandair ավիաընկերության կողմից (ժամանում 11։50, մեկնում ս. թ. հուլիսի 17֊ին 08։50) և Մոսկվա-Երևան չվերթը Red Wings ավիաընկերության կողմից (ժամանում 21:40)»,-նշված է ընկերության Facebook սոցցանցի էջում։

Առաջիկա օրերին ևս մեկ թռիչք է նախատեսված՝ հուլիսի 17-ին կիրականացվի Կիև-Երևան-Կիև չվերթը SKYUP ավիաընկերության կողմից (ժամանում դեպի Երևան 03:20, Երևանից մեկնում ժամը 04:20):

Հիշեցնենք, որ պարետի նոր որոշմամբ՝ Հայաստան վերադարձող քաղաքացիներն այլևս չեն մեկուսացվում հյուրանոցներում. նրանց ինքնամեկուսացման պահանջ է ներկայացվում։ Այսինքն՝ արտերկրից ժամանած ՀՀ քաղաքացիները և ՀՀ տարածք մուտք գործելու իրավունք ստացած օտարերկրյա քաղաքացիները հունիսի 23-ից պարտավորվում են ինքնուրույն կազմակերպել իրենց տեղափոխումն օդանավակայանից և ցամաքային սահմանային անցակետերից դեպի նախանշված ինքնամեկուսացման վայրեր:

Աննախադեպ. իրականացվել է Լոս Անջելես-Երևան առաջին հատուկ չվերթը

5
թեգերը:
չվերթ, Կիև, Մինսկ, Երևան-Մոսկվա, Երևան, թռիչք