Քրեական հեղինակություն

«Զոն նայողների» և «օրենքով գողերի» համար բարդ օրեր են սկսվելու. «Ժամանակ»

189
(Թարմացված է 10:23 13.06.2019)
«Ժամանակ» թերթն այսօրվա իր համարում անդրադարձել է քրեակատարողական հիմնարկներում տիրող իրավիճակին։

ԵՐԵՎԱՆ, 13 հունիսի — Sputnik. «Ժամանակ» թերթի տվյալներով`Հայաստանի իշխանություններն առաջիկայում խստացնելու են քրեակատարողական հիմնարկների վերահսկողությունը, իսկ այսպես կոչված՝ «զոն նայողների», «օրենքով գողերի» և քրեական հեղինակությունների համար բարդ օրեր են սկսվելու, քանի որ գործի է դրվել ՔԿԾ «ծանր հրետանին»։

«Օրեր առաջ Քրեակատարողական ծառայությունը հատուկ գործողություն է իրականացրել՝ «օրենքով գողերին» և «զոն նայողներին» տեղափոխելով ԱԱԾ-ի «պադվալ»՝ «Երևան-Կենտրոն» ՔԿՀ, իսկ բանտերում քրեական հեղինակություն համարվողների մեծ մասին՝ Գորիսի ՔԿՀ։ Հատուկ գործողությունը ղեկավարել է ՔԿԾ Հատուկ նշանակության բաժնի պետ, «Բոքս» մականունով հայտնի Լևոն Ավետիսյանը, որը քրեական շրջանակներում հայտնի է նաև «Կադիրով» մականունով»,–գրում է թերթը։

Հիշեցնենք, որ «Ժամանակը» ավելի վաղ հայտնել էր, որ իշխանությունը որոշել է «օրենքով գողերին» մեկուսացնել մյուս կալանավորներից, որպեսզի նրանք չկարողանան ազդեցություն ունենալ կալանավայրերի և կալանավորների վրա: Սա նշանակում է հրաժարում կալանավայրերի կառավարման խորհրդային մոդելից, որը գործում է նաև Ռուսաստանում, եւ որի դեմ, կարծես թե, փորձում են պայքարել նաեւ Ռուսաստանի իշխանությունները:

189
թեգերը:
Հայաստան
Ըստ թեմայի
Կրակահերթ Երևանում. քրեական հեղինակությունների թշնամանքի հետևանքը
Ոստիկանները խուզարկել են «օրենքով գողերի» և քրեական հեղինակությունների տները. տեսանյութ
Օսիպյանը Լոռու ոստիկաններին հրահանգեց ուշադիր լինել քրեական հեղինակությունների հանդեպ
Երևանի կենդանաբանական այգի

Երևանի կենդանաբանական այգին հունիսի 1-ին փակ կլինի

1
(Թարմացված է 15:14 29.05.2020)
Կենդանաբանական այգու ղեկավարությունը հաշվի է առել, որ Երեխաների պաշտպանության օրը հնարավոր է` մարդկանց մեծ հոսք լինի։

ԵՐԵՎԱՆ, 29 մայիսի – Sputnik. Անվտանգության նկատառումներից ելնելով՝ Երևանի կենդանաբանական այգին հունիսի 1-ին փակ կլինի։ Տեղեկությունը հայտնում է այգու մամուլի ծառայությունը։

«Մեզ համար ամենակարևորը մեր այցելուների առողջությունն է, և որոշումը կայացվել է՝ հաշվի առնելով այդ օրը այգի մարդկանց հնարավոր մեծ հոսքը։ Հայցում ենք ձեր ներողամտությունը»,– նշված է հաղորդագրության մեջ։

Հիշեցնենք` Երևանի կենդանաբանական այգին մայիսի 18-ից վերսկսել է աշխատանքը, բայց այգու տարածք հնարավոր է մտնել բացառապես անհատական պաշտպանության միջոցներով՝ դիմակով և ձեռնոցներով։

 

1
Ռոբերտ Քոչարյան

Մինչև համավարակի ավարտը Ռոբերտ Քոչարյանը կշարունակի մնալ հիվանդանոցում

42
(Թարմացված է 14:16 29.05.2020)
Դատարանի որոշմամբ՝ մինչև կորոնավիրուսի նոր տեսակի համավարակի ավարտը Ռոբերտ Քոչարյանը կշարունակի մնալ բժիշկների հսկողության տակ։

ԵՐԵՎԱՆ, 29 մայիսի - Sputnik. Մինչև համավարակի ավարտը ՀՀ երկրորդ նախագահ Ռոբերտ Քոչարյանը կմնա «Իզմիրլյան» ԲԿ-ում: Տեղեկությունը հայտնում է Քոչարյանի փաստաբանական թիմը։

«Վարչական դատարանը բավարարել է ՀՀ երկրորդ նախագահ Ռոբերտ Քոչարյանի պաշտպան Արամ Օրբելյանի հայցադիմումը։ Ըստ այդմ՝ մինչև կորոնավիրուսի նոր տեսակի համավարակի ավարտը Ռ․ Քոչարյանը կշարունակի մնալ «Իզմիրլյան» ԲԿ-ում»,- նշված է հաղորդագրության մեջ։

Նշենք, որ դատական նիստն ընթացել է դռնփակ ռեժիմով, քանի որ դատարանին ներկայացվել են բժշկական տեղեկություններ։

Հիշեցնենք՝ վերջին դատական նիստին՝ մայիսի 26-ին, Ռոբերտ Քոչարյանը չէր ներկայացել դատարան։ 

Դատավոր Աննա Դանիբեկյանը տեղեկացրել էր, որ «Իզմիրլյան» ԲԿ-ից ստացվել է տեղեկանք այն մասին, որ ՀՀ երկրորդ նախագահ Ռոբերտ Քոչարյանը, ելնելով առողջական վիճակից, գտնվում է ստացիոնար բուժման մեջ, հետևաբար չի կարող մասնակցել նիստին։

Ռոբերտ Քոչարյանի պաշտպանները հետ են վերցրել վերաքննիչ բողոքները

ՀՀ երկրորդ նախագահին մեղադրանք է առաջադրվել 2008 թ–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ 2018թ-ին Քոչարյանին երկու անգամ ձերբակալեցին: 2019 թվականի հունիսի վերջին նա ձերբակալվեց երրորդ անգամ: Երկրորդ նախագահին նաև կաշառք ստանալու մեղադրանք է առաջադրված։

Ռոբերտ Քոչարյանն ընդդեմ Նիկոլ Փաշինյանի. հայտնի է դատական նիստի օրը

42
թեգերը:
Դատարան, կորոնավիրուս, համավարակ, հիվանդանոց, Մեղադրանք, Ռոբերտ Քոչարյան
թեմա:
Ռոբերտ Քոչարյանի գործը
Ըստ թեմայի
Ռոբերտ Քոչարյանի անունից ծաղկեպսակ է դրվել Սարդարապատի հուշահամալիրում
Ռոբերտ Քոչարյանը եկավ դատարան. նախկին վարչապետները ևս կներկայանան
«Ոնց որ հանրակացարանում ապրեմ». Ռոբերտ Քոչարյանը պատմեց պահման պայմանների մասին
Ռոբերտ Քոչարյանը կմասնակցի նիստին. նրա որդին հերքել է վիրահատության մասին լուրերը