Արմեն Սարգսյանը Գյումրիում

Ինչո՞ւ գյումրեցին չընդունեց Արմեն Սարգսյանի՝ նախագահ դառնալու առաջարկը

1818
ՀՀ նախագահը հերթական անգամ մեկնել է Գյումրի, այցելել նախկին վարչապետ Կարեն Կարապետյանի ընտանիքին պատկանող ռեստորան, բացատրել, թե ինչու է իտալացիներին հրավիրել Գյումրի ու խնդրել է իրեն չհարցնել` ինչպես է իրեն զգում Գյումրիում։

Արմենուհի Մխոյան, Sputnik.

Հայ-իտալական գործարար համաժողովի շրջանակում Իտալիայի տարբեր կազմակերպությունների ներկայացուցիչները հունիսի 11-ին Գյումրիում էին: Ավելի ուշ պատվիրակությանը միացավ ՀՀ նախագահը՝ հյուրերի հետ շրջայց կատարելով Գյումրու պատմական հատվածում՝ ևս մեկ անգամ հիանալով քաղաքով։ Իտալացիներին ու Արմեն Սարգսյանին այդ հաճույքից հետ չպահեցին քաղաքի վերանորոգվող փողոցների անհարմարություններն ու փոշին:

Նախագահը հյուրերի հետ այցելեց նաև նախկին վարչապետ Կարեն Կարապետյանի ընտանիքին պատկանող, ինչպես գյումրեցիներն են ասում՝ Գյումրվա ձեռագրով ու իտալական շնչով վերանորոգված «Ֆլորենս Գյումրի» ռեստորան, որը ևս գտնվում է Գյումրու Կումայրի արգելոց-թանգարանի տարածքում:

Президент Армении Армен Саркисян с итальянской делегацией, во главе с послом Винченцо Дель Монако в ресторане Венеция (11 июня 2019). Гюмри
© Sputnik / Armenuhi Mkhoyan
Արմեն Սարգսյանը Գյումրիում

Մինչ նախաձեռնության մասին խոսելը, Արմեն Սարգսյանից հետաքրքրվեցինք՝ ինչպե՞ս է իրեն զգում:

«Ինձ այդ հարցը մի տվեք: Լենինականից ու տպավորություններից մի հարցրեք, դա նույն բանն է՝ ես ձեզ հարցնեմ»,– պատասխանեց նա:

Լրագրողների հետ զրույցում նախագահը տեղեկացրեց, որ ամիսներ առաջ լինելով Իտալիայում` հանդիպել է Իտալիայի շինարարների ու ճարտարապետների միության անդամների հետ, որը հսկայական կազմակերպություն է, միլիարդավոր դոլարների շինարարություն է անում, ու որոշել է նրանց հրավիրել մեր երկիր։ Այցի գաղափարը, ըստ նախագահի, այն է, որ Գյումրու մի մասը վերանորոգվի, Գյումրին նորից կյանքով լցվի ու ընդհանրապես իտալացիներին կապեն Գյումրու հետ։

«Սա լայն նախաձեռնություն է, որը մի կարևոր նպատակ ունի՝ վերադարձնել կյանքը Գյումրուն, պաշտպանել Գյումրու մշակութային ժառանգությունը և վերակենդանացնել, որպեսզի մեր հայրենակիցներն ու օտարերկրյա զբոսաշրջիկները շատ այցելեն: Այդ առումով կապը Գյումրու հետ շատ կարևոր է: Ինչո՞ւ իտալացիները։ Մի պարզ պատճառով, որովհետև նրանք մշակութային հսկա ժառանգություն ունեն և գիտեն պահպանել ու գնահատել մշակույթը։ Ուզում ենք, որ Գյումրին դառնա մշակութային կենտրոն»,- ասաց ՀՀ նախագահը։

Նա նշեց` սա առաջին ճանաչողական այցն է, որին կհետևեն աշխատանքային այցերը, ինչի վկայությունն են իտալական պատվիրակության ներկայացուցիչների տպավորությունները:

ՀՀ նախագահն ավելացրեց, որ այս քայլերն արվում են նաև այն գյումրեցիներին ոգևորելու համար, որոնք ճակատագրի բերումով հիմա Գյումրիում չեն:

«Սպասելով ոչ մի բան դուրս չի գա, պետք է աշխատենք: Ես իմ տեղում եմ աշխատում, պետք է նաև ոգևորենք հանրությանը, նաև այն գյումրեցուն, որն այսօր Գյումրիում չէ, որ գա, ապրի, իսկ եթե չի գալիս, թող գա ու վերանորոգի։ Սա բոլորին է վերաբերում, նաև օտարներին: Գյումրին մոռացված գանձ է»,- շեշտեց ՀՀ նախագահը։

Ավելի ուշ, պատվիրակության անդամներն ու նախագահն մասնակցեցին «Ստիլ» պատկերասրահում կազմակերպված «Իտալիա. (ԱՆ) տեսանելի պատմվածքներ» ցուցադրությանը: Հետաքրքիր դեպք տեղի ունեցավ պատվիրակության և նախագահի՝ պատկերասրահ տանող ճանապարհին. մի գյումրեցի հեռվից տեսավ ու ճանաչեց փողոցներում շրջող նախագահին ու ողջունեց նրան:

Прохожий в Гюмри, поговоривший с президентом Арменом Саркисяном (11 июня 2019). Гюмри
© Sputnik / Armenuhi Mkhoyan
Գյումրեցի տղամարդը ողջունեց ՀՀ նախագահին

Նախագահը հարցրեց. «Ո՞նց եք»: «Շատ լավ,- հպարտությամբ պատասխանեց գյումրեցին ու ավելացրեց,–Ձեզ չենք խաբում, ճիշտ ենք ասում»:

Լսելով դա` նախագահն առաջարկեց. «Որ շատ լավ եք, փոխվե՞նք տեղերով: Արի, դու նախագահ դառի»: «Չէ,– հնչեց գյումրեցի տղամարդու պատասխանը,– ես ըդքան բարձր մակարդակ չունիմ»:

Президент Армении Армен Саркисян с итальянской делегацией, во главе с послом Винченцо Дель Монако во время прогулки по городу (11 июня 2019). Гюмри
© Sputnik / Armenuhi Mkhoyan
Արմեն Սարգսյանը խոսում է գյումրեցի տղամարդու հետ
1818
թեգերը:
Գյումրի, Արմեն Սարգսյան, Հայաստան
Ըստ թեմայի
Ոչ որպես նախագահ, բայց նվերով. ինչու՞ է Արմեն Սարգսյանը մեկնել Գյումրի
Հայաստանը հետաքրքրել է իտալական ասոցիացիային. Սարգսյանն առաջարկել է դիտարկել Գյումրին
Գյումրին զարգացնել սեփական օրինակով. Արմեն Սարգսյանը տիկնոջ հետ երկօրյա այցով Շիրակում էր
Արմեն Սարգսյանը կնոջ հետ հոյակապ երեկո է անցկացրել Գյումրիում
Ես տուն եմ եկել. նախագահ Սարգսյանը հերթական անգամ այցելել է Գյումրի
Ֆելիկս Ցոլակյան

Նախարարը հանձնարարել է պատրաստ լինել Տավուշի բնակավայրերից բնակչության տարհանմանը

73
(Թարմացված է 18:56 14.07.2020)
Փրկարարները պետք է հասանելի լինեն յուրաքանչյուր բնակչի, անհրաժեշտության դեպքում օգնեն պարենի ձեռքբերման և այլ հարցերով՝ ելնելով բնակիչների անվտանգությունից:

ԵՐԵՎԱՆ, 14 հուլիսի - Sputnik. Հուլիսի 14-ին Արտակարգ իրավիճակների նախարար Ֆելիքս Ցոլակյանը խորհրդակցություն է անցկացրել, որին մասնակցել է նաև Տավուշի մարզային փրկարարական վարչության պետ փ/ծ գնդապետ Փիրումյանը: Նա ներկայացրել է սահմանում տիրող իրավիճակը և ձեռնարկվող առաջնահերթ միջոցառումները:

Նախարար Ցոլակյանը հանձնարարել է բոլոր գործողությունները համաձայնեցնել տեղի զինված ուժերի ղեկավար կազմի հետ, առավելագույն ինտենսիվությամբ նախապատրաստվել, ըստ անհրաժեշտության, բնակչության պատսպարման աշխատանքներին:

«Անհրաժեշտ է հասանելի լինել յուրաքանչյուր բնակչին, կապի և հեռահաղորդացության միջոցներով աշխատել մեր քաղաքացիների հետ, նույնիսկ, եթե պետք է՝ օգնել պարենի ձեռքբերման և այլ հարցերով՝ ելնելով բնակիչների անվտանգությունից»,-ասել է նախարարը:

Արցախի ՊԲ–ն նոր հաղորդագրություն է տարածել սահմանին տիրող իրավիճակի մասին

Խորհրդակցության ընթացքում անդրադարձ է եղել նաև հուլիսի 13-ին Շիրակի մարզում տեղացած աննախադեպ ծավալի անձրևներին: Մարզային փրկարարական վարչության պետ փ/ծ գնդապետ Գյոզալյանը հայտնել է, որ հնարավոր բոլոր միջոցներով իրականացվում են ջրահեռացման աշխատանքներ, տարհանվել են հարյուրավոր տրանսպորտային միջոցներ, բացվել են դիտահորեր, փրկվել տասնյակ տներ: Վիճակը կառավարելի է:

Նախարարը մտահոգիչ է համարել նաև 2020 թվականի առաջին կիսամյակի ընթացքում գրանցված ջրահեղձումների թիվը և հանձնարարել է խստացնել հսկողությունը Սևանի ափամերձ և այլ ջրային տարածքներում:

73
թեգերը:
Տավուշ, ՀՀ արտակարգ իրավիճակների նախարարություն (ԱԻՆ), Ֆելիքս Ցոլակյան
Ըստ թեմայի
Սու-30-ներն օդ են բարձրացել, բայց Ադրբեջանի գործողությունների հետ կապ չունեն. ՀՀ ՊՆ
Ինչպես է հայկական ԶՈւ–ն ոչնչացնում ադրբեջանական հենակետերը. ՊՆ–ն տեսանյութ է հրապարակել
ՀԱՊԿ-ը կոչ է անում անհապաղ դադարեցնել հրաձգությունը հայ-ադրբեջանական սահմանին
Հայկական ԶՈւ-ն ադրբեջանական հերթական ԱԹՍ-ն է խոցել
«Տավուշ տեքստիլի» արտադրամաս

Ադրբեջանը 120 մմ ականանետներից կրակել է «Տավուշ տեքստիլի» ուղղությամբ

117
(Թարմացված է 18:43 14.07.2020)
Արդեն շուրջ 3 ժամ է, ինչ ադրբեջանական ԶՈւ-ն Բերդի ուղղությամբ այլևս չի կրակում, քանի որ հայկական ԶՈւ-ն լռեցրել է պատասխան կրակահերթով։

ԵՐԵՎԱՆ, 14 հուլիսի – Sputnik. Հակառակորդն այսօր առավոտյան կրակել է սահմանամերձ Բերդում գտնվող «Տավուշ տեքստիլ» գործարանի ուղղությամբ։ Sputnik Արմենիայի հետ զրույցում «Տավուշ տեքստիլ» գործարանի տնօրեն Միքայել Եզեկյանը հայտնեց՝ կրակոցները հնչել են առավոտյան 11։30-ի սահմանում։

«Չորս կրակոց է հնչել գործարանի ուղղությամբ՝ 120 մմ-անոց ականանետներից։ Փառք Աստծո, որևէ մեկը չի տուժել, գործարանն էլ նյութական վնաս չի կրել»,-ասաց Եզեկյանը։

Նա հայտնեց, որ կրակոցների պահին գործարանում եղել է ինքն ու ադմինիստրատիվ որոշ աշխատողներ։ Երեկ երեկոյան անվտանգության նկատառումներից ելնելով՝ որոշվել է ժամանակավոր կանգնեցնել գործարանի աշխատանքը, և աշխատակիցներին տուն են ուղարկել։

Եզեկյանի խոսքով՝ արդեն շուրջ 3 ժամ է, ինչ ադրբեջանական ԶՈւ-ն Բերդի ուղղությամբ այլևս չի կրակում, քանի որ հայկական ԶՈւ-ն լռեցրել է պատասխան կրակահերթով։

Եզեկյանը հայտնեց նաև, որ հուլիսի 12-ի լուսադեմին` ժամը 3-ին, կրակոցներ են հնչել գործարանի՝ Չորաթանի մասնաճյուղի ուղղությամբ։

Հիշեցնենք, որ հուլիսի 12–ին, ժամը 12:30-ի սահմաններում Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Ադրբեջանի պաշտպանության նախարարի տեղակալ Քերիմ Վելիևն այսօր հայտնել է, որ հայ-ադրբեջանական սահմանին մարտական գործողությունների հետևանքով սպանվել են գեներալ-մայոր Փոլադ Հաշիմովը և գնդապետ Իլգար Միրզեևը։ ԱՊԱ գործակալությունն էլ տեղեկացրել են, որ սպանվել են նաև մայոր Ահմեդով Նամիգ Խաժանօղլուն, մայոր Նովրուզով Անար Գյուլվերդիօղլուն, ենթասպա Զեյնալլա Իլգար Այազօղլուն, ենթասպա Բաբաև Յաշար Վասիֆօղլուն, գերժամանակակից ծառայության զինծառայող, զինվոր Մուստաֆազադե Էլչին Արիֆօղլուն:

Հայաստանը չորս զոհ ունի` հակառակորդի կրակոցից մահացել են մայոր Գարուշ Վեմիրի Համբարձումյանը և կապիտան Սոս Փայլակի Էլբակյանը, ժամկետային զինծառայողներ, կրտսեր սերժանտներ Սմբատ Գևորգի Գաբրելյանն ու Գրիշա Վահանի Մաթևոսյանը։

 

117
թեգերը:
կրակոց, Ադրբեջան, Տավուշ, Հայաստան
Ըստ թեմայի
Սու-30-ներն օդ են բարձրացել, բայց Ադրբեջանի գործողությունների հետ կապ չունեն. ՀՀ ՊՆ
ՀԱՊԿ-ը կոչ է անում անհապաղ դադարեցնել հրաձգությունը հայ-ադրբեջանական սահմանին
Հայկական ԶՈւ-ն ադրբեջանական հերթական ԱԹՍ-ն է խոցել
Ադրբեջանն իր բնակչությանը շրջապատել է հրետանային մարտկոցներով՝ դարձնելով թիրախ. լուսանկար