Իտալացիների պատվիրակությունը Գյումրիում

Լուրջ նպատակներով ու մեծ պատվիրակությամբ. Գյումրին հյուրընկալել է իտալացիներին

649
(Թարմացված է 07:21 12.06.2019)
Հայաստանում Իտալիայի դեսպանը խոստովանել է, որ Գյումրին իր երկրորդ նստավայրն է համարում։

ԵՐԵՎԱՆ, 11 հունիսի – Sputnik, Արմենուհի Մխոյան. Հայաստանում անցկացվող հայ-իտալական բիզնես համաժողովի պատվիրակությունը՝ Հայաստանում Իտալիայի արտակարգ և լիազոր դեսպան պարոն Վինչենցո Դել Մոնակոյի գլխավորությամբ, հունիսի 11-ին Գյումրիում են։

Գյումրի ժամանած հյուրերին ողջունեց Շիրակի մարզպետ Տիգրան Պետրոսյանը։

«Ուրախ ենք, որ ֆորումի աշխատանքային երկրորդ օրն անցկացվում է Գյումրիում: Ուրախ եմ այն մեծ հնարավորության համար, որ այսօր մենք ունենք աշխարհում հայտնի իտալական շատ կազմակերպությունների ներկայացուցիչների հետ անմիջական աշխատանքային հանդիպում ունենալ ու անցկացնել տարբեր քննարկումներ»,-նշեց Շիրակի մարզպետ Տիգրան Պետրոսյանը:

Ներկաներին գյումրեցիների անունից ողջունեց նաև Գյումրու քաղաքապետ Սամվել Բալասանյանը` հույս հայտնելով, որ պաշտոնական հանդիպումից հետո նախատեսվող շրջայցի ընթացքում հյուրերը կծանոթանան քաղաքի ամբողջ ներուժին։

Делегация армяно-итальянского конгресса, во главе с послом Италии в Армении Винченцо Дель Монако посетила Гюмри (11 июня 2019). Ширак
© Sputnik / Armenuhi Mkhoyan
Հայ-իտալական բիզնես համաժողովը Գյումրիում

«Բարով եք եկել Գյումրի: Այսօր դուք հնարավորություն ունեք ծանոթանալու Գյումրու պոտենցիալին: Ցանկացած նախաձեռնություն ու ծրագիր, որը կիրականացվի Գյումրիում, կստանա մարզային ու քաղաքային կառույցների աջակցությունը»:

Հայաստանում Իտալիայի արտակարգ և լիազոր դեսպան պարոն Վինչենցո Դել Մոնակոն չթաքցրեց իր վերաբերմունքը Գյումրու նկատմամբ։

«Հատուկ վերաբերմունք ունեմ Գյումրու նկատմամբ ու Գյումրին համարում եմ իմ երկրորդ նստավայրը Երևանից հետո: Սա այն քաղաքն է, որը շատ նման է իտալական քաղաքներին: Սա մի քաղաք է, որն ունի փառահեղ անցյալ և շատ բան է արել ու անում Հայաստանի համար: Գյումրին իր պատմության ընթացքում տեսել է մի շարք դժվարություններ, բայց այդ դժվարությունները չեն կարողացել խեղաթյուրել քաղաքի դեմքն ու դրական էներգիան: Այսօր այստեղ ենք լուրջ առաքելությամբ ու մեծ պատվիրակությամբ։ Հուսանք` այսօր քաղաքին ծանոթանալուց հետո շատերի համար կրկին Գյումրի վերադառնալու առիթ կլինի»,- նշեց դեսպանը:

Պաշտոնական հանդիպման ընթացքում առաջիկայում հնարավոր համագործակցության մասին խոսեցին նաև Իտալիայի առևտրաարդյունաբերական պալատի ղեկավարը, իտալական ANCE ասոցիացիայի և արտաքին գործերի նախարարության ներկայացուցիչները:

Делегация армяно-итальянского конгресса, во главе с послом Италии в Армении Винченцо Дель Монако посетила Гюмри (11 июня 2019). Ширак
© Sputnik / Armenuhi Mkhoyan
Հայ-իտալական բիզնես համաժողովը Գյումրիում

Օրվա ընթացքում պատվիրակության անդամները կունենան աշխատանքային տարբեր հանդիպումներ ու քննարկումներ և շրջայց Գյումրիով:

Հայ-իտալական բիզնես ֆորումը նվիրված է տրանսպորտի, էներգետիկայի, միջավայրի, շինարարության, խելացի քաղաքների և վերականգնման ոլորտների ենթակառուցվածքներին: Միջոցառումը կազմակերպել է ՀՀ վարչապետի աշխատակազմը, Հայաստանում Իտալիայի դեսպանությունը, ICE-ի (Իտալական Առևտրի Գործակալության) Տեխնոլոգիաների, արդյունաբերության, էներգետիկայի և միջավայրի Մոսկվայի գրասենյակը, ինչպես նաև ANCE (Իտալիայի Շինարարների ազգային ասոցիացիա), OICE (Ինժեներիայի, ճարտարապետության, տեխնիկական-տնտեսական խորհրդատվական կազմակերպությունների ասոցիացիա), Anie (էլեկտրական արտադրող ընկերությունների իտալական ասոցիացիա) և GdP Գրուպի Simest-ը:

649
թեգերը:
Գյումրի, Հայաստան
Ըստ թեմայի
Գյումրիում ռուսական միջոցներով կվերանորոգեն փոստի պատմական շենքը
Ռոմանտիկ է, բայց Դոն Կիխոտը չէ. ինչը ստիպեց հայ գործարարին Ժնևը փոխարինել Գյումրիով
«Երգող» բաժակն ի՞նչ մեղեդի կհուշի արաբ դիվանագետին. ԱՄԷ նոր դեսպանը Գյումրիում էր
Գյումրին պատրաստվում է շատ զբոսաշրջիկներ ընդունել.սեզոնին ընդառաջ Շիրակն անվտանգ է լինելու
Ֆլեշմոբ Գյումրիում. երթի մասնակիցները Ֆրանկոֆոն երկրների նկարներով բաճկոններ էին հագել