Մանվել Գրիգորյան

Վերաքննիչը քննում է Մանվել Գրիգորյանի խափանման միջոցի հարցով բողոքը

45
(Թարմացված է 10:54 11.06.2019)
Մանվել Գրիգորյանը ներկա չէ իր` խափանման միջոցի հարցով բողոքի քննությանը։

ԵՐԵՎԱՆ, 11 հունիսի — Sputnik. ՀՀ վերաքննիչ քրեական դատարանում մեկնարկել է գեներալ Մանվել Գրիգորյանի խափանման միջոցի հարցով վերաքննիչ բողոքի քննությունը:

Դատական նիստին Գրիգորյանը չի մասնակցում, քանի որ, ինչպես պաշտպանները հայտնեցին, նրա առողջական վիճակը չի ներում, չնայած Գրիգորյանն էլ է շահագրգռված մասնակցելու դրանց։

Պաշտպաններն առաջարկեցին խափանման միջոցը փոխարինել գրավով, իսկ գրավի չափը թող դատարանը որոշի։

Նրանք հայտնեցին, որ այսօր ժամը 12։00–ին նախատեսված է նաև Մանվել Գրիգորյանի և նույն գործով ամբաստանյալ նրա կնոջ` Նազիկ Ամիրյանի դեմ հարուցված քրեական գործով դատական հերթական նիստը։ Այդ նիստին նույնպես, ըստ պաշտպանների, Գրիգորյանը չի կարող մասնակցել։

Հիշեցնենք, որ օրերս Մանվել Գրիգորյանին «Նաիրի» ԲԿ-ից տեղափոխել էին «Դատապարտյալների հիվանդանոց» ` նրա կամքին հակառակ, ինչի հետ կապված էլ պաշտպանները հանցագործության մասին հաղորդում էին ներկայացրել ոստիկանություն։

Գրիգորյանի վիճակը «Դատապարտյալների հիվանդանոցում» կտրուկ վատացել էր, և նրան շտապօգնության մեքենայով տեղափոխել էին «Գրիգոր Լուսավորիչ» բժշկական կենտրոն։

45
թեգերը:
հիվանդանոց, Մանվել Գրիգորյան, Դատարան, Հայաստան
թեմա:
Մանվել Գրիգորյանի շուրջ ծավալված իրադարձությունները (208)
Ըստ թեմայի
Մանվել Գրիգորյանը գիշերը կոմայի մեջ է ընկել. մանրամասներ
Մարդու իրավունքների պաշտպանը Մանվել Գրիգորյանի հարցով նամակ է ուղղել նախարարին
ՄԻԵԴ-ը Մանվել Գրիգորյանի վերաբերյալ որոշում է կայացրել