ՀՀ նախագահը պարել է արտասահմանցի հյուրերի հետ. տեսանյութ
(Թարմացված է 13:01 10.06.2019)
Արմեն Սարգսյանն իր պարով զարմացրել է արտասահմանցի հյուրերին։ ԵՐԵՎԱՆ, 10 հունիսի — Sputnik. ՀՀ նախագահ Արմեն Սարգսյանը Դիլիջանում պարել է արտասահմանցիների հետ։
Facebook սոցիալական ցանցում տարածված տեսանյութում երևում է` ինչպես է նա մոտենում պարողներին ու ցուցադրում իր պարային հմտությունները։
Տեսանյութը համացանցում է հայտնվել Դիլիջանում կայացած «Մտքերի գագաթնաժողով» միջազգային համաժողովից հետո։
Յուրաքանչյուր տարի Ֆրանսիայի Շամոնի քաղաքում անցկացվող «Մտքերի գագաթնաժողովն» այս տարի առաջին անգամ անցկացվեց Հայաստանում։ Միջոցառումը Հայաստանում կազմակերպելու հարցում մեծ դերակատարություն է ունեցել Արմեն Սարգսյանը։
Գագաթնաժողովին մասնակցել է Ֆրանսիայի նախկին վարչապետ Դոմինիկ դը Վիլպենը, «Ռուսական երկաթուղիներ» ԲԲԸ նախկին ղեկավար Վլադիմիր Յակունինն ու հայտնի այլ անձինք։
ԿԽՄԿ-ն հերքում է գերիների փոխանակման մասին իմքայլական պատգամավորի հայտարարությունը
(Թարմացված է 17:06 25.11.2020)
Զառա Ամատունին Sputnik Արմենիայի հետ զրույցում հայտնել է` գերիների փոխանակման գործընթաց տեղի չի ունեցել։
ԵՐԵՎԱՆ, 25 նոյեմբերի - Sputnik. ԿԽՄԿ հայաստանյան գրասենյակը երեկ չի մասնակցել Հայաստանի և Ադրբեջանի միջև ռազմագերիների փոխանակման գործընթացին։ Sputnik Արմենիայի հետ զրույցում հայտնեց ԿԽՄԿ հայաստանյան գրասենյակի մամուլի պատասխանատու Զառա Ամատունին։
©
Sputnik / Asatur Yesayants
«Մինչ այսօր Կարմիր խաչի գործադրած ջանքերի շնորհիվ հայկական կողմին է փոխանցվել տարեց մի կին և մեկ քաղաքացու դի։ Գերիների փոխանակման այլ գործընթաց տեղի չի ունեցել»,–ասաց Ամատունին։
Նա նաև հերքեց «Իմ քայլի» պատգամավոր Նազելի Բաղդասարյանի` այսօր արված հայտարարությունը, թե երեկ գերիների փոխանակման գործընթաց է տեղի ունեցել։
Նշենք, որ տարածաշրջանում միայն Կարմիր խաչի միջազգային կոմիտեն է զբաղվում գերիների` հայրենիք վերադառնալու հարցերով։
Հիշեցնենք` լրագրողների հետ ճեպազրույցում իմքայլական պատգամավոր Նազելի Բաղդասարյանն այսօր ասել էր, որ նոյեմբերի 27-ին արդեն պետք է նշվի գերիների առաջին խմբի փոխանակման ժամկետը, 11 հոգու համար էլ տեղեկություններ սպասում են նոյեմբերի 30-ին: Նրա խոսքով` նախօրեին որոշ գերիների փոխանակում եղել է, սակայն թվեր հայտնել չի կարող:
Դիերի անարգանքի, գերիների խոշտանգման տեսանյութերն իրական են. ՄԻՊ–ը պատասխանել է Ադրբեջանին
Այս օրերին բողոքի ակցիաներ են տեղի ունենում տարբեր գերատեսչությունների առջև. անհետ կորածների և գերիների ծնողները պահանջում են, որպեսզի իրենց երեխաների մասին ինչ–որ լուր հայտնեն։
Հավելենք, որ արցախյան պատերազմի ժամանակ հայկական կողմի գերիների ու անհետ կորածների թվի մասին պաշտոնական տվյալներ չկան։
Նոյեմբերի 20-ի տվյալներով՝ Արցախի ՊԲ-ն հրապարակել է 1678 զոհվածների անուններ։
Հացադուլին է միացել նաև զոհված զինծառայողի մայրը․ Գեղամ Մանուկյան
(Թարմացված է 16:45 25.11.2020)
Կնոջը համոզել են հրաժարվել հացադուլ անելու որոշումից, բայց նա մտադրությունը չի փոխել։ ԵՐԵՎԱՆ, 25 նոյեմբերի – Sputnik. ՀՅԴ անդամ, «Երկիր մեդիա» հեռուստաընկերության լրատվական և հասարակական-քաղաքական հաղորդումների տնօրեն Գեղամ Մանուկյանը, որը ՀՀ կառավարության շենքի մոտ հացադուլ է անում ՀՀ վարչապետ Նիկոլ Փաշինյանի հրաժարականի պահանջով, հայտնում է, որ հացադուլին միանալու որոշում է կայացրել նաև 2008-ին զոհված զինծառայողի մայր Անահիտ Կիրակոսյանը։
«Ցավով տեղեկացնում եմ, որ հակառակ մեր բոլոր հորդորներին, հացադուլին միանալու որոշում է կայացրել նաեւ 2008 թվականին զոհված Անդրանիկ Կիրակոսյանի մայրը՝ Անահիտ Կիրակոսյանը։ Նա անդրդվելի էր։ Միայն պայմանավորվեցինք, որ կգիշերի տանը»,- Facebook–ի իր էջում գրել է Մանուկյանը։
Հիշեցնենք, որ Գեղամ Մանուկյանն ու ՀՅԴ անդամ Գարիկ Ավետիսյանը հացադուլ էին հայտարարել նոյեմբերի 23-ին։ Նոյեմբերի 24-ին հայտնի դարձավ, որ նրանց է միացել ՍԴ նախկին անդամ Կիմ Բալայանը։
Մեկ օրում ավելի քան երկու հազար մարդ է Ղարաբաղ վերադարձել․ ՌԴ ՊՆ
(Թարմացված է 17:26 25.11.2020)
Ռուսաստանի պաշտպանության նախարարության ներկայացուցիչը խոսել է փախստականների վերադարձի ու հրադադարի պահպանման մասին։ԵՐԵՎԱՆ, 25 նոյեմբերի – Sputnik. ՌԴ պաշտպանության նախարարության ներկայացուցիչ, գեներալ-մայոր Իգոր Կոնաշենկովն այսօր հայտնել է, որ մեկ օրում ավելի քան երկու հազար մարդ Ղարաբաղ է վերադարձել։
Նրա խոսքով՝ ընդհանուր առմամբ խաղաղապահներին աջակցությամբ ավելի քան 15 հազար մարդ է բնակության վայր վերադարձել։
«Փախստականները Հայաստանի տարածքից Լեռնային Ղարաբաղ են վերադարձել ռուս խաղաղապահների աջակցությամբ։ Ընդհանուր առմամբ ավելի քան 15 հազար մարդ է վերադարձել», - ասել է նա։
Կոնաշենկովը խոսել է նաև հրադադարի ռեժիմի պահպանման մասին։
«Խաղաղապահ ուժերի ռուսական զորախումբը շարունակում է կատարել իր առջև դրված խնդիրները։ Ռուս խաղաղապահները իրավիճակի շուրջօրյա մոնիտորինգ են իրականացնում 23 դիտակետում ու վերահսկում հրադադարի ռեժիմի պահպանումը պատասխանատվության հյուսիսային ու հարավային գոտիներում։ Հրադադարի ռեժիմը պահպանվում է շփման գծի ողջ երկայնքով», - ասել է նա։
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմ ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
թեգերը: