Ամուլսար

Ամուլսարի ոսկու հանք տանող ճանապարհը փակ է. Lydian–ը դիմում է ոստիկանությանը

66
Ցուցարարները նախկինի նման հրաժարվում են ազատել հանք տանող ճանապարհը։ Lydian–ն այդ մասին հիշեցնում է ոստիկանությանը։

ԵՐԵՎԱՆ, 4 հունիսի — Sputnik. Ամուլսարի ոսկու հանք տանող ճանապարհը փակ է մնում։ Բնապահպանական ակտիվիստներն արդեն մի քանի ամիս շարունակում են նստացույցը հանք տանող մատույցներում։

Նրանց աջակցություն հայտնելու հայտարարությամբ հանդես է եկել Համահայկական բնապահպանական ճակատը։

«Մենք ահազանգ ենք ստացել Ամուլսարի պաշտպաններից այն մասին, որ ոստիկանությունը կոչ է անում բացել հանք տանող ճանապարհները, որպեսզի Lydian–ն ինչ-որ աշխատանքներ կատարի վնասը գնահատելու ուղղությամբ», – ասվում է հայտարարությունում։

Lydian–ի մամուլի ծառայությունից նշել են, որ տվյալ պահին հանքում աշխատանքներ չեն տարվում։

«Ճանապարհները շարունակում են փակ մնալ։ Հանքի ճանապարհն ազատելը ոստիկանության գործն է»,– նշել են ընկերությունից։

Ամուլսարի ոսկու հանքը պաշարների առումով Հայաստանի երկրորդ հանքավայրն է։ Հանքավայրը շահագործելու համար արտոնագիր է ստացել Հայաստանում Lydian International դուստր ընկերություն` GeoTeam-ը, որը ավելի ուշ վերանվանվել է Lydian Armenia-ի։ Ամուլսարի լեռնագագաթը գտնվում է Վայոց Ձորի և Սյունիքի մարզերի սահմանագլխին՝ Ջերմուկ քաղաքից 10 կմ հեռավորության վրա:

Հանքավայրի շինարարության պաշտոնական մեկնարկը տրվել է 2016թ-ի օգոստոսի 19-ին: Ամուլսարը Հայաստանում այս պահին ամենախոշոր միջազգային ներդրումն է: Այն իրականացվել է Միջազգային ֆինանսական կորպորացիան (IFC) և Վերակառուցման ու զարգացման եվրոպական բանկի չափանիշներին համապատասխան, բնապահպանական և սոցիալական ազդեցությունների գնահատմամբ: Հանքի շահագործումը Հայաստանում իշխանափոխությունից հետո դադարեցվել է, հարուցվել է նաև քրեական գործ` չարաշահումների և բնապահպանական օրենսդրության խախտումների փաստով։ Կառավարության հրավերով հանքի տարածքում նախատեսվում է նոր միջազգային բնապահպանական փորձաքննություն իրականացնել։ ՀՀ վարչապետի պաշտոնակատար Նիկոլ Փաշինյանը հայտարարել է, որ հանքը չի շահագործվի, քանի դեռ փորձաքննությունը դրական եզրակացություն չի տվել։

 

66
թեգերը:
Բողոքի ակցիա, ՀՀ Ոստիկանություն, Հայաստան
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (78)
Ըստ թեմայի
Միջազգային դատարանից մենք չենք վախենում. Փաշինյանը խոսեց «Լիդիանի» մասին
Որոշում` հօգուտ «Լիդիանի». ըստ դրա ոստիկանությունը տարածքից պետք է հեռացնի ցուցարարներին