Ապրիլյան պատերազմ

Ապրիլյան պատերազմի հանգամանքները կքննարկվեն փակ դռների հետևում

40
(Թարմացված է 16:49 04.06.2019)
Խորհրդարանում մեկնարկել է ապրիլյան պատերազմի հանգամանքներն ուսումնասիրող ԱԺ քննիչ հանձնաժողովի առաջին նիստը։

ԵՐԵՎԱՆ, 4 հունիսի — Sputnik. Քիչ առաջ ԱԺ–ում մեկնարկեց ապրիլյան պատերազմի հանգամանքներն ուսումնասիրող ԱԺ քննիչ հանձնաժողովի առաջին նիստը։ Նիստը, որին ներկա են հանձնաժողովի 8 անդամ, վարում է հանձնաժողովի նախագահ, Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։

Դռնփակ նիստից առաջ Անդրանիկ Քոչարյանը լրագրողներին տեղեկացրեց, որ հանձնաժողովի նիստերն այսուհետ ևս հիմնականում անցկացվելու են փակ դռների հետևում։ Դրանց ավարտին լրագրողներին կտրամադրվի տեղեկություն` քննարկված հարցերի մասին։

Ինչ վերաբերում է այսօրվա նիստին, Քոչարյանն ասաց, որ քննիչ հանձնաժողովը հիմնականում հստակեցնելու է քննարկվելիք հարցերի շրջանակը, օրակարգը և աշխատակարգը:

Հիշեցնենք` մայիսի 31–ին Ազգային ժողովի նախագահ Արարատ Միրզոյանը հայտարարել էր 2016 թվականի ապրիլյան քառօրյա պատերազմի հանգամանքների ուսումնասիրության քննիչ հանձնաժողով ստեղծելու մասին:

Ազգային ժողովի կանոնակարգի համաձայն՝ քննիչ հանձնաժողովը պետք է ղեկավարի Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:

Մայիսի 20-ին ՀՀ վարչապետ Նիկոլ Փաշինյանը դատաիրավական համակարգի վերաբերյալ ընդարձակ ելույթում նշել էր, որ հասունացել է 2016 թվականի ապրիլյան պատերազմի հանգամանքներն ուսումնասիրող Ազգային ժողովի քննիչ հանձնաժողով ստեղծելու և մեզ բոլորիս հուզող մի շարք հարցերի պատասխանները ստանալու ժամանակը:

40
թեգերը:
ԱԺ, Հայաստան, Ապրիլյան քառօրյա պատերազմ
Ըստ թեմայի
Ապրիլյան քառօրյան. տեսանյութ՝ առանց մեկնաբանությունների
«Եթե մահանամ, իմացիր, որ միշտ սիրել եմ քեզ». ապրիլյան պատերազմն ու անպատասխան նամակը
Բաց նամակ ՀՀ վարչապետ Նիկոլ Փաշինյանին` ապրիլյան պատերազմի հերոս Հրանտ Սարկիսովից
Նախկինում երազելով էի ապրում. զրույց` ապրիլյան քառօրյայի մասնակից Սաշա Գալստյանի մոր հետ
Ապրիլյան պատերազմի 23 զոհերի գործերը կքննարկվեն եվրոպական դատարանում. Արցախի ՄԻՊ