ԵՐԵՎԱՆ, 3 հունիսի — Sputnik. Հայաստանի խորհրդարանն այսօր երկրորդ և վերջնական ընթերցմամբ հավանություն տվեց «Ձերբակալված և կալանավորված անձանց մասին» օրենքում և Քրեադատավարական օրենսգրքում փոփոխություններին, որոնք դատապարտյալների համար կարճաժամկետ արձակուրդների հնարավորություն են ենթադրում։
Չխուզարկվող խցեր և արտոնյալ դատապարտյալներ չկան, «զոն նայողը» փող չի հավաքում. Զեյնալյան
Փոփոխությունների համաձայն` դատապարտյալին մի քրեակատարողական հաստատությունից մյուսը տեղափոխելիս պետք է հաշվի առնել մերձավոր հարազատների հետ նրա շփումներն ապահովելու հնարավորությունը։
Կալանավորված անձանց պետք է տրվի երկարատև տեսակցությունների հնարավորություն:
Նախատեսվում է նաև վերացնել այն օրենսդրական սահմանափակումը, համաձայն որի կարճատև մեկնման իրավունք չեն կարող ունենալ այն դատապարտյալները, որոնք մեղադրվում են ծանր հանցագործություն կատարելու համար: Երեխային մանկատանը կամ ազգականի մոտ տեղավորելու նպատակով կարճաժամկետ մեկնում կտրամադրվի այն բոլոր դեպքերում, երբ դատապարտյալի երեխան հայտնվել է կյանքի դժվարին պայմաններում:
Հայաստանի ՔԿՀ-ներում գերծանրաբեռնվածության խնդիր չկա. 1 մահճակալ, 1 դատապարտյալ
Նախագծով նախատեսվում է նաև նույնականացման քարտ տրամադրել կալանավորված և ձերբակալված անձանց: ՔԿՀ-ներում դատապարտյալներն այդ հնարավորությունը ունեին, իսկ ձերբակալված ու կալանավորված անձինք` ոչ
Բացի այդ, կալանավորվածները դատապարտյալներին հավասար կարող են ստանալ ID քարտեր։
Անձնական օգտագործման պարագաներ ստանալու համար դատապարտյալները կարող են օգտագործել նվազագույն աշխատավարձի 60–ապատիկի չափով գումար, ոչ թե 30–ապատիկի, ինչպես հիմա։
Եվս մեկ փոփոխությամբ առաջարկվում է ցմահ բանտարկյալներին մեկուսացած չպահել մյուս բանտարկյալներից։ Փոփոխությունները թույլ կտան ավելի ինտենսիվ շփում ապահովել մյուս բանտարկյալների հետ։
Փոփոխությունների փաթեթը պատրաստվել է Մարդու իրավունքների պաշտպանության գրասենյակի հետ։
