Յուրի Խաչատուրով

Սեյրան Օհանյանն ու Յուրի Խաչատուրովը կազատվե՞ն մեղադրանքից. ՍԴ որոշման հնարավոր արդյունքը

1037
(Թարմացված է 09:46 29.05.2019)
Նախկին նախարարն ու ՀՀ զինված ուժերի գլխավոր շտաբի նախկին պետը կարող են ազատվել մեղադրանքից, իսկ Ռոբերտ Քոչարյանի ու Արմեն Գևորգյանի մեղադրանք էլ կարող է կրճատվել։ Sputnik Արմենիան պարզել է, թե ինչ իրավական հետևանքներ կարող է ունենալ Մարտի 1-ի գործով Սահմանադրական դատարանի հնարավոր որոշումը։

ԵՐԵՎԱՆ, 29 մայիսի — Sputnik. ՀՀ երկրորդ նախագահ Ռոբերտ Քոչարյանի խափանման միջոցի հարցը Վերաքննիչ դատարանը կարող է լսել` չսպասելով Սահմանադրական դատարանի որոշմանը, Սահմանադրական դատարանն էլ կարող է քննել Մարտի 1-ի գործով դատավոր Դավիթ Գրիգորյանի ներկայացրած հայցը` չսպասելով Վերաքննիչ դատարանի վճռին։ Sputnik Արմենիայի հետ զրույցում այս մասին ասաց սահմանադրագետ Վարդան Այվազյանը` մեկնաբանելով Ռոբերտ Քոչարյանի ու Մարտի 1-ի գործով մյուս ամբաստանյալների հարցով ստեղծված դատաիրավական իրավիճակը։

Մայիսի 20–ին ՀՀ երկրորդ նախագահ Ռոբերտ Քոչարյանի, ՀՀ նախկին փոխվարչապետ Արմեն Գևորգյանի, Պաշտպանության նախկին նախարար Սեյրան Օհանյանի և ՀՀ զինված ուժերի գլխավոր շտաբի նախկին պետ Յուրի Խաչատուրովի վերաբերյալ քրեական գործի վարույթը դատարանի որոշմամբ կասեցվել էր և ուղարկվել Սահմանադրական դատարան:

Ավելի ուշ ՍԴ–ն հայտարարեց, որ գործող օրենքով իրավասու է անհրաժեշտության դեպքում վերադարձնել գործի նյութերը`դրանք Վերաքննիչ դատարան ներկայացնելու համար։

«Սահմանադրական դատարան դիմել են` իմանալու համար` առաջադրված մեղադրանքի համապատասխան հոդվածը սահմանադրական է, թե հակասահմանադրական, իսկ վերաքննիչ բողոքը խափանման միջոցի հետ է կապված։ Այսինքն` մեկը մյուսին չի խանգարում» ,– ասաց Այվազյանը։

Ինչ վերաբերում է Սահմանադրական դատարանի որոշման հնարավոր հետևանքներին, սահմանադրագետը նշեց, որ այն կարող է բավական լուրջ ազդեցություն ունենալ գործի հետագա ընթացքի վրա։

«Եթե Սահմանադրական դատարանը որոշեց, որ նշված հոդվածը Սահմանադրությանը համապատասխանում է, գործի քննությունը կընթանա այնպես, ինչպես այս պահի դրությամբ կա։ Եթե որոշեց, որ չի համապատասխանում, ուժը կորցրած է ճանաչում և մեղադրանքն այդ մասով բոլորի վրայից հանվում է»,– ասաց նա։

Հաշվի առնելով այն փաստը, որ վիճարկելի 300.1 հոդվածով այս պահին մեղադրվում են մարտի 1-ի գործով բոլոր 4 ամբաստանյալները, եթե ՍԴ–ն որոշի, որ այն չի համապատասխանում Սահմանադրությանը, Սեյրան Օհանյանն ու Յուրի Խաչատուրովը այդ հիմքով կազատվեն մեղադրանքից։ Իսկ Ռոբերտ Քոչարյանի ու Արմեն Գևորգյանի մեղադրանքը կկրճատվի, քանի որ նրանց, բացի 300.1 հոդվածից, նաև այլ հոդվածներով է մեղադրանք առաջադրված։

«Սահմանադրության մեջ հստակ գրված է, որ եթե հանցագործության կատարման պահին նման հոդված չի եղել, չեն կարող նման մեղադրանքով մեղադրել։ Սահմանադրական դատարանն իր որոշման մեջ ամենայն հավանականությամբ սրան ևս կանդրադառնա», – ասաց Այվազյանը։

Նշենք, որ նախաքննության արդյունքում Ռոբերտ Քոչարյանին մեղադրանք էր առաջադրվել Քրեական օրենսգրքի 300.1-րդ հոդվածի 1-ին մասով` ՀՀ սահմանադրական կարգը տապալելու և 311-րդ հոդվածի 4-րդ մասի 2-րդ մասով` առանձնապես խոշոր չափերով կաշառք ստանալու մեջ:

Արմեն Գևորգյանը մեղադրվում է Քրեական օրենսգրքի 38-300.1-րդ հոդվածի 1-ին մասով, 311-րդ հոդվածի 4-րդ մասի 2-րդ կետով` ՀՀ սահմանադրական կարգը տապալելուն օժանդակելու, առանձնապես խոշոր չափերով կաշառք ստանալու և հանցավոր ճանապարհով ստացված գույքն օրինականացնելու մեջ։

Սեյրան Օհանյանն ու Յուրի Խաչատուրովը մեղադրվում են միայն 300.1 հոդվածի 1-ին մասով` ՀՀ սահմանադրական կարգը տապալելու համար:

Քրեական օրենսգրքի 300.1 հոդվածը (սահմանադրական կարգի տապալում)ընդունվել է 2008թ–ի մարտի 1-ի իրադարձություններից շուրջ 1 տարի անց` 2009թ–ի մարտի 18-ին Քրեական օրենսգրքում կատարված լրացումների ու փոփոխությունների արդյունքում։

1037
թեգերը:
Սահմանադրական դատարան, «Մարտի 1–ի» գործով դատավարություն, Յուրի Խաչատուրով, Հայաստան
թեմա:
«Մարտի 1»-ի գործը (265)
Ըստ թեմայի
Քոչարյանի և մյուսների գործը Սահմանադրական դատարանին փոխանցելը կոնկրետ նպատակ ունի.Այվազյան
Ռոբերտ Քոչարյանի գործով ՍԴ ուղարկված դիմումը նախնական ուսումնասիրության փուլում է
Ռոբերտ Քոչարյանի կալանքի հարցը կարող է քննվել առանց ՍԴ որոշման
Վտանգը որոշողն իրենք են. Օսիպյանը Քոչարյանի դատավորի` ոստիկաններով շրջելու մասին
ՍԴ–ն խուսափո՞ւմ է Քոչարյանի գործով մանրամասներ տրամադրել
Շուշիի Ղազանչեցոց եկեղեցին ադրբեջանական հրթիռակոծությունից հետո

ՅՈՒՆԵՍԿՕ-ն կօգնի՞ փրկել Ադրբեջանի վերահսկողության տակ գտնվող հայկական հուշարձանները

91
(Թարմացված է 23:33 05.12.2020)
Արցախի մշակութային և կրոնական ժառանգության հուշարձաններին շարունակում է ոչնչացման վտանգ սպառնալ, հատկապես նրանց, որոնք մնացել են Ադրբեջանի վերահսկողության տակ գտնվող տարածքներում։

ԵՐԵՎԱՆ, 5 դեկտեմբերի – Sputnik. Արցախի մշակութային և կրոնական ժառանգությունը ոչնչացումից և պղծումից կարելի է փրկել միմիայն հատուկ ստեղծված խմբի կողմից մշտական վերահսկողության և մոնիթորինգի դեպքում։ Այդպիսի համոզմունք է հայտնել կրթության, գիտության, մշակույթի և սպորտի փոխնախարար Նարինե Խաչատուրյանը։

Sputnik Արմենիայի թղթակցի հետ զրույցում Խաչատուրյանն ընդգծեց, որ մոնիթորինգի խմբում կարող են լինել ինչպես միջազգային կազմակերպությունների, մասնավորապես՝ ՅՈՒՆԵՍԿՕ-ի ներկայացուցիչներ, այնպես էլ ռուս խաղաղապահներ և Արցախի իշխանությունների ներկայացուցիչներ։ Այդ համատեքստում Խաչատուրյանը դրական է գնահատել ՅՈւՆԵՍԿՕ-ի պատվիրակության սպասվող այցն Արցախ։

Ավելի վաղ ՅՈւՆԵՍԿՕ-ի գլխավոր տնօրեն Օդրե Ազուլեն Ռուսաստանի արտգործնախարար Սերգեյ Լավրովի հետ հեռախոսազրույցի ընթացքում հայտարարել էր Արցախ առաքելություն ուղարկելու մտադրության մասին։ Ռուսաստանի արտաքին քաղաքական գերատեսչության պաշտոնական ներկայացուցիչ Մարիա Զախարովան իր հերթին նշել էր, որ Մոսկվան աջակցում է այդ որոշմանը:

«Առաքելության թվում կլինեն Ռուսաստանի, Ֆրանսիայի, ԱՄՆ-ի և «Կապույտ վահան» միջազգային կազմակերպության չորս ներկայացուցիչ։ Նրանց այցը նախատեսվում է 2020թ․-ի դեկտեմբերին – 2021թ․-ի հունվարին»,-ասաց Խաչատուրյանը։

Депутат НС от фракции Мой шаг Нарине Хачатурян на церемонии гашения марки к 150-летию Ованеса Туманяна (18 февраля 2019). Еревaн
© Sputnik / Aram Nersesyan
Նարինե Խաչատուրյան

Փոխնախարարի խոսքով՝ առաքելությունը վատ ժամանակ է գալիս, ձմռանը վայրեր կան, որոնք փաստացի անհասանելի են։ Առայժմ անհայտ է նաև՝ արդյոք Հայաստանի կամ Արցախի ներկայացուցիչներն ուղեկցելու են նրանց, թե ոչ։ Նա նշեց, որ նախարարությունը կազմել է մշակութային և կրոնական ժառանգության այն հուշարձանների ցուցակը, որոնց առաջին հերթին է վտանգ սպառնում։

Դրանք հիմնականում այն հուշարձաններն են, որոնք մնացել Ադրբեջանի ենթակայությանն անցած տարածքներում։ ՅՈւՆԵՍԿՕ-ն պետք է փոխանցի այդ ցուցակը Հայաստանի արտաքին գործերի նախարարությանը։

Ի՞նչ է առաջարկում ՌԴ–ն Ղարաբաղում մշակութային արժեքների պահպանման համար

Փոխնախարարն անհանգիստ է այն հուշարձանների համար, որոնք մնացել են Ադրբեջանի վերահսկողությանն անցած տարածքներում։ Այդ համատեքստում նա օրինակ բերեց Մարտակերտի շրջանի Թալիշ գյուղում վերջերս կատարված վանդալիզմը։ Խաչատուրյանն ընդգծեց, որ հայտնի չէ Հադրութի և Շուշիի թանգարանների ցուցանմուշների ճակատագիրը։

«Այս փուլում կարևոր է, որ առաքելությունը արձանագրի, թե ինչ վիճակում են հիմա հուշարձանները։ Ընդ որում՝ որոշ ժամանակ անց պետք է կրկնակի մոնիթորիգ անցկացնել»,-ասաց Խաչատուրյանը։

Նա ընդգծեց, որ միայն պատմամշակութային ժառանգության հուշարձաններին պարբերական այցելությունն ու դրանց վիճակի ստուգումը թույլ կտա խուսափել դրանց ոչնչացումից: Խաչատուրյանը կարծում է, որ հայկական մասունքների անվտանգության պահպանման կանոնավոր մոնիթորինգն առավել հեշտ կլինի իրականացնել տեղում գտնվողների համար։

Դա կարող է լինել հատուկ աշխատանքային խումբ՝ բաղկացած  ռուս խաղաղապահներից, տեղական իշխանությունների ներկայացուցիչներից։ Նա միջազգային կառույցներին կոչ է արել ավելի ակտիվ և ուշադիր լինել այդ հարցի նկատմամբ։

Արցախում  պատմամշակութային ժառանգության ավելի քան երեք հազար հուշարձան կա (ամրոցներ, վանքեր, խաչքարեր, տապանաքարեր)։ Դրանք բոլորը վաղուց արդեն գույքագրվել են և անձնագրեր ունեն։

91
թեգերը:
Կրթության, գիտության, մշակույթի և սպորտի նախարարություն (ԿԳՄՍ), ՅՈՒՆԵՍԿՕ, Հուշարձան, Արցախ
Ըստ թեմայի
Ղազանչեցոցը հրթիռակոծելը մշակութային զտման հերթական փորձն է. Տիգրան Համասյանի կոչը
Մշակութային զենքը՝ պատերազմի դեմ․ Երևանում, ի հեճուկս ամեն ինչի, մեկնարկեց «Ոսկե ծիրանը»
Ռուսաստանի մշակութային գործիչները դիմել են ՅՈւՆԵՍԿՕ-ին՝ Արցախի հուշարձանների խնդրով
ՄԻՊ Արման Թաթոյանն այցելել է Այրվածքաբանության ազգային կենտրոն

ՄԻՊ-ն այցելել է զինծառայողներին. նրանց վերքերը քիմիական զենքի կիրառման ապացույցներ են

117
(Թարմացված է 22:57 05.12.2020)
Բժիշկների եզրակացությամբ՝ զինծառայողների վնասվածքները, այտուցները (հատկապես վերին վերջույթներում) պահպանվում են տևական ժամանակ, այրվածքներից առաջացած վերքերը տեղ-տեղ խորն են, մոխրացած եզրերով, մերթընդմերթ՝ արյունահոսող, բուժմանը դժվար ենթարկվող:

ԵՐԵՎԱՆ, 5 դեկտեմբերի – Sputnik. ՀՀ Մարդու իրավունքների պաշտպան Արման Թաթոյանն իր անձնակազմի բժշկի ու իրավաբանների հետ այցելել է Այրվածքաբանության ազգային կենտրոնում գտնվող զինծառայողներին և նոր ապացույցներ ձեռք բերել ադրբեջանական զինված ուժերի կողմից Արցախում քիմիական տարրեր (հնարավոր է՝ սպիտակ ֆոսֆոր) պարունակող զանգվածային ոչնչացման զինատեսակի կիրառության վերաբերյալ:

Տեղեկությունը Թաթոյանը հայտնել է Facebook-ի իր էջում։

«Ուսումնասիրությունները կատարել ենք հատուկ սարքերի օգնությամբ: Արձանագրված փաստերը հիմնավոր են դարձնում այդ ենթադրությունը»,–գրել է նա։

Բժիշկների եզրակացությամբ՝ զինծառայողների վնասվածքները, այտուցները (հատկապես վերին վերջույթներում) պահպանվում են տևական ժամանակ, այրվածքներից առաջացած վերքերը տեղ-տեղ խորն են, մոխրացած եզրերով, մերթընդմերթ՝ արյունահոսող, բուժմանը դժվար ենթարկվող:

Արյան մեջ նկատվում է կալցիումի և հեմոգլոբինի ցածր մակարդակ (հիպոկալցեմիա), դիտվում է լյարդի և փայծաղի չափերի մեծացում (հեպատոսպլենոմեգալիա): Ըստ մասնագետ բժիշկների՝ կիրառված զինատեսակներից արտանետված նյութերը շնչուղիներով օրգանիզմ ներթափանցելու դեպքում առաջանում է ներքին օրգանների ախտահարում, ինչը կարող է հանգեցնել առողջության երկարատև քայքայման, ընդհուպ՝ մահվան:

Ֆոսֆոր պարունակող զենքի կիրառման հետևանքով Արցախում 150 հա տարածք է վառվում

Ըստ բժիշկների՝ պատերազմի առաջին օրերից տարբեր աստիճանի այրվածքներ ստացած անձանց մեծ մասի մոտ դրանք տարբերվել են մինչ այդ իրենց պրակտիկայում հանդիպած դեպքերից:

«Այցի ընթացքում տեղի են ունեցել քննարկումներ բուժանձնակազմի հետ, առանձնազրույցներ վիրավորում ստացած զինծառայողների, ինչպես նաև նրանց ընտանիքների անդամների հետ: Այս արձանագրումները հնարավոր են եղել նաև Այրվածքաբանության ազգային կենտրոնի բուժանձնակազմի բարձր որակի պրոֆեսիոնալ նմուշառման ու բարեխիղճ փաստագրման շնորհիվ։ Կենտրոնի ղեկավար կազմի և բուժանձնակազմի հետ մեր համատեղ աշխատանքները կկրեն շարունակական բնույթ»,–նշված է հաղորդագրության մեջ:

Վերը նշված և բոլոր մյուս փաստերը Մարդու իրավունքների պաշտպանի աշխատակազմում ստացել են անհրաժեշտ իրավական ամրագրում, կկատարվեն լրացուցիչ մասնագիտական ուսումնասիրություններ ու ըստ արդյունքների՝ կձեռնարկվեն անհրաժեշտ քայլեր

Հիշեցնենք, որ Ադրբեջանն Արցախում ֆոսֆորային զինամթերք էր օգտագործել, այն կիրառելով անտառներում, բնակավայրերի մոտակայքում, որտեղ բազմաթիվ խաղաղ բնակիչներ են ապրում:

Ֆոսֆորային զենքը քիմիական այն զինատեսակներից է, որոնց կիրառությունն արգելված է միջազգային մարդասիրական օրենքներով։ Այն ոչնչացնում է ոչ միայն անտառները, օդը, ջուրը, կենդանական աշխարհն ու ողջ շրջակա կենսաբազմազանությունը, այլև շատ լուրջ բացասական ազդեցություն է ունենում մարդու առողջության համար։

Ադրբեջանը խաղաղ բնակչության դեմ ֆոսֆորային զինամթերք է կիրառում. Ստեփանակերտը հաստատեց

Սպիտակ ֆոսֆորից բռնկված հրդեհը գրեթե անհնար է մարել։ Անգամ մարելուց հետո այն ունակ է ինքնաբռնկվելու։ Ֆոսֆորն այրվելիս 2000-3000 աստիճան ջերմություն է առաջացնում, որից նույնիսկ մետաղն է հալվում։

Ադրբեջանա-թուրքական դաշինքի այս անմարդկային արարքի դիմաց Հայաստանն ու Արցախն ակնկալում են միջազգային կառույցների համարժեք պատասխանը։

117
թեգերը:
Ադրբեջան, Վիրավոր, զինծառայող, Արման Թաթոյան
թեմա:
Ադրբեջանական ագրեսիան Արցախում - 2020
Ըստ թեմայի
2 անգամ հայտնվել են շրջափակման մեջ, դուրս եկել առանց կորուստների՝ տանելով նաև վիրավորներին
Ադրբեջանի ՊՆ–ն հայտնել է իր զոհերի, վիրավորների, գերի ընկածների ու անհետ կորածների թիվը
Նա չէր հավատում, որ Ջաբրայիլի մարտից հետո կյանք կա. վիրավոր Սեյրանը նոր հրաշքի է սպասում