ԵՐԵՎԱՆ, 25 մայիսի — Sputnik. Դատական համակարգից «Ժողովուրդ» օրաթերթին հասած տեղեկություններով` առաջիկայում դատավորների ժողով է հրավիրվելու, որտեղ չի բացառվում` դատավորները անվստահություն հայտնեն ԲԴԽ բոլոր անդամներին:
«Դատական համակարգում խոսակցություններ կան, որ խնդիրը կամ իրենց պայքարը միայն ԲԴԽ նախագահի դեմ չի եղել, ուստի եթե խոսքը վերաբերում է դատաիրավական ոլորտի կարգավորմանը, ապա ԲԴԽ բոլոր անդամներն էլ պետք է հրաժարականի դիմում ներկայացնեն»,– գրում է թերթը։
Իսկ թե ինչ զարգացումներ կստանա դատական համակարգում սկսված գործընթացն ու ինչ ճակատագրի կարժանանան ԲԴԽ մյուս անդամները, թերթը խորհուրդ է տալիս սպասել իրադարձությունների զարգացմանը։
Հիշեցնենք` երեկ` մայիսի 24-ին, հրաժարականի դիմում էր ներկայացրել ԲԴԽ նախագահ Գագիկ Հարությունյանը։ Ըստ օրենքի` նրան ժամանակավորապես փոխարինել է ԲԴԽ տարիքով ամենաավագ անդամը` արդարադատության նախկին նախարար Գևորգ Դանիելյանը։