Դավիթ Գրիգորյան

Ինչու է Ռոբերտ Քոչարյանի գործով դատավորը ոստիկանների ուղեկցությամբ շրջում

274
(Թարմացված է 17:56 23.05.2019)
Ոստիկանությունը Գրիգորյանի անվտանգությունն ապահովում է դատական դեպարտամենտից ստացված գրության հիման վրա։

ԵՐԵՎԱՆ, 23 մայիսի — Sputnik. ՀՀ երկրորդ նախագահ Ռոբերտ Քոչարյանի գործով դատավոր Դավիթ Գրիգորյանի անվտանգությունն ապահովում են ոստիկանության ծառայողները։ Այս մասին Sputnik Արմենիայի հետ զրույցում ասաց ոստիկանության մամուլի խոսնակ Էդգար Ջանոյանը։

«Դատական դեպարտամենտից ստացված գրության հիման վրա` ոստիկանությունն ապահովում է Երևան քաղաքի ընդհանուր իրավասության դատարանի դատավոր Դավիթ Գրիգորյանի անվտանգությունը»,–հայտնեց նա։

Armtimes.com-ն ավելի վաղ հայտնել էր, որ Ռոբերտ Քոչարյանի գործով դատավորը ոստիկանների ուղեկցությամբ է շրջում։

Հիշեցնենք, որ Երևանի ընդհանուր իրավասությունների Ավան և Նոր Նորք վարչական շրջանների դատարանը՝ դատավոր Դավիթ Գրիգորյանի նախագահությամբ, մարտի 18-ին որոշեց ՀՀ երկրորդ նախագահ Ռոբերտ Քոչարյանին անձնական երաշխավորությամբ ազատ արձակել։

Մայիսի 14-ին ԼՂՀ նախկին և ներկա նախագահներ Բակո Սահակյանն ու Արկադի Ղուկասյանը ՀՀ երկրորդ նախագահ Ռոբերտ Քոչարյանին կալանքից ազատելու երաշխավորագիր էին ներկայացրել դատարան։ Մինչ այդ, գործի նախաքննության փուլում, Արցախի նախագահները նույնաբովանդակ միջնորդություն էին ներկայացրել նաև ՀՀ գլխավոր դատախազին։

Դատավոր Դավիթ Գրիգորյանը հայտնել էր, որ երաշխավորությունը ներկայացնելու համար երաշխավորները պարտադիր պետք է ներկայանան դատարան։

Մայիսի 16-ին նախագահները ներկայացել էին դատարան ու հաստատել իրենց երաշխավորագիրը` որպես անձնական երաշխիք վճարելով 500 000-ական դրամ։

Մինչ այդ Երևանի ընդհանուր իրավասության դատարանի Նոր Նորք–Ավան համայնքների նստավայրում մի քանի օր անընդմեջ ընթանում էր Մարտի 1-ի գործով դատավարությունը։

Մարտի 1-ի գործով ամբաստանյալները 4-ն են` ՀՀ երկրորդ նախագահ Ռոբերտ Քոչարյանը, պաշտպանության նախկին նախարար Սեյրան Օհանյանը, Զինված ուժերի գլխավոր շտաբի նախկին պետ Յուրի Խաչատուրովը, 2008-ին Հայաստանի նախագահի աշխատակազմի ղեկավար, Անվտանգության խորհրդի քարտուղար Արմեն Գևորգյանը։

274
թեգերը:
ՀՀ Ոստիկանություն, Ռոբերտ Քոչարյան, Հայաստան
Ըստ թեմայի
Ռոբերտ Քոչարյանի և մյուսների գործով վարույթը կասեցվել է և ուղարկվել Սահմանադրական դատարան
Անձամբ Գորիկ Հակոբյանն է ինձ ասել, որ զենք է կիրառվել, նռնակներ կան. Ռոբերտ Քոչարյան
Ես 0038 հրամանը չեմ տեսել. Քոչարյան
Ռոբերտ Քոչարյանի փաստաբանը մեկնաբանում է քրգործը ՍԴ ուղարկելու դատարանի որոշումը
Քոչարյանի և մյուսների գործը Սահմանադրական դատարանին փոխանցելը կոնկրետ նպատակ ունի.Այվազյան
Ռոբերտ Քոչարյանը կարևոր ռեսուրս է ստացել, որն օգտագործելու է Նիկոլ Փաշինյանի դեմ. Բադալյան