Ռոբերտ Քոչարյան

Ռոբերտ Քոչարյանի գործով ՍԴ ուղարկված դիմումը նախնական ուսումնասիրության փուլում է

136
(Թարմացված է 12:09 23.05.2019)
Քոչարյանի գործով ՍԴ ուղարկված դիմումի նախնական ուսումնասիրությունն իրականացվում է Սահմանադրական դատարանի աշխատակարգով սահմանված կարգով։

ԵՐԵՎԱՆ, 23 մայիսի — Sputnik. ՀՀ երկրորդ նախագահ Ռոբերտ Քոչարյանի և մյուսների գործով դիմումը, որն ուղարկել է Երևան քաղաքի ընդհանուր իրավասության դատարանը, Սահմանադրական դատարանը ստացել է մայիսի 20-ին, օրվա երկրորդ կեսին։ Այս մասին նշված է Սահմանադրական դատարանի Facebook սոցիալական կայքի պաշտոնական էջում։

«Դիմումը գտնվում է նախնական ուսումնասիրության փուլում։ Դիմումի նախնական ուսումնասիրությունն իրականացվում է Սահմանադրական դատարանի աշխատակարգով սահմանված կարգով և ժամկետներում»,– նշված է ՍԴ–ի հայտարարության մեջ։

Հիշեցնենք, որ մայիսի 20–ին ՀՀ երկրորդ նախագահ Ռոբերտ Քոչարյանի, ՀՀ նախկին փոխվարչապետ Արմեն Գևորգյանի, Պաշտպանության նախկին նախարար Սեյրան Օհանյանի և ՀԱՊԿ նախկին գլխավոր քարտուղար Յուրի Խաչատուրովի վերաբերյալ գործի վարույթը դատարանի որոշմամբ կասեցվել է և ուղարկվել Սահմանադրական դատարան:

Երևանի ընդհանուր իրավասությունների Ավան և Նոր Նորք վարչական շրջանների դատարանը՝ դատավոր Դավիթ Գրիգորյանի նախագահությամբ, մարտի 18-ին որոշեց ՀՀ երկրորդ նախագահ Ռոբերտ Քոչարյանին անձնական երաշխավորությամբ ազատ արձակել։

Մայիսի 14-ին ԼՂՀ նախկին և ներկա նախագահներ Բակո Սահակյանն ու Արկադի Ղուկասյանը ՀՀ երկրորդ նախագահ Ռոբերտ Քոչարյանին կալանքից ազատելու երաշխավորագիր էին ներկայացրել դատարան։ Մինչ այդ, գործի նախաքննության փուլում, Արցախի նախագահները նույնաբովանդակ միջնորդություն էին ներկայացրել նաև ՀՀ գլխավոր դատախազին։

Դատավոր Դավիթ Գրիգորյանը հայտնել էր, որ երաշխավորությունը ներկայացնելու համար երաշխավորները պարտադիր պետք է ներկայանան դատարան։

Մայիսի 16-ին նախագահները ներկայացել էին դատարան ու հաստատել իրենց երաշխավորագիրը` որպես անձնական երաշխիք վճարելով 500 000-ական դրամ։

Դատավարությունը մեկնարկել է մայիսի 13-ին։

136
թեգերը:
«Մարտի 1–ի» գործով դատավարություն, Ռոբերտ Քոչարյան, Հայաստան
Ըստ թեմայի
Արտահոսք չի եղել. Ռոբերտ Քոչարյանի պաշտպանական խումբը հայտարարություն է տարածել
Ռոբերտ Քոչարյանի փաստաբանը մեկնաբանում է քրգործը ՍԴ ուղարկելու դատարանի որոշումը
Քոչարյանի և մյուսների գործը Սահմանադրական դատարանին փոխանցելը կոնկրետ նպատակ ունի.Այվազյան
Ռոբերտ Քոչարյանը կարևոր ռեսուրս է ստացել, որն օգտագործելու է Նիկոլ Փաշինյանի դեմ. Բադալյան