Ռոբերտ Քոչարյան

Քոչարյանի և մյուսների գործը Սահմանադրական դատարանին փոխանցելը կոնկրետ նպատակ ունի.Այվազյան

468
Սահմանադրական իրավունքի ոլորտի փորձագետը նկարագրել է ՀՀ երկրորդ նախագահ Ռոբերտ Քոչարյանի գործով ՍԴ որոշումների հավանական սցենարը։

ԵՐԵՎԱՆ, 21 մայիսի — Sputnik. ՀՀ նախկին նախագահ Ռոբերտ Քոչարյանի և մի շարք այլ նախկին պաշտոնյաների դեմ հարուցած քրեական գործը Սահմանադրական դատարանին փոխանցելը կոնկրետ նպատակ ունի։ Այս մասին այսօր հրավիրված մամուլի ասուլիսի ժամանակ ասաց սահմանադրական իրավունքի փորձագետ Վարդան Այվազյանը։

Մայիսի 20-ին հայտնի դարձավ, որ առաջին ատյանի դատարանը կասեցրել է մարտի 1-ի գործով վարույթը, որով անցնում է ՀՀ 2–րդ նախագահ Քոչարյանը, ՀՀ պաշտպանության նախկին նախարար Սեյրան Օհանյանը, ԳՇ նախկին պետ Յուրի Խաչատուրովն ու նախկին փոխվարչապետ Արմեն Գևորգյանը և այն ուղարկել Սահմանադրական դատարան։ ՍԴ–ում գործի ուսումնասիրությունը կարող է մոտ երկու ամիս տևել։

Այվազյանը հակված չէ ընդհանուր իրավասության դատարանի որոշումը խորամանկ մանևրում համարել։ Նրա խոսքով` ՔՕ 300.1 հոդվածը (սահմանադրական կարգի տապալում), որով մեղադրվում են Քոչարյանն ու մյուսները (Գևորգյանից բացի), շատ լղոզված է։ Եվ դատարանն այս դեպքում ՍԴ–ի օգնությամբ ուզում է պարզել անորոշ ձևակերպումները։

Իրավաբանը հայտարարեց, որ եթե ՍԴ–ն հակասահմանադրական ճանաչի ՔՕ վերոնշյալ հոդվածը, իսկ նման հավանականություն կա, ապա նախկին նախագահի դեմ հարուցած քրգործը` սահմանադրական կարգի տապալման մասով կդադարեցվի։ Իսկ եթե ՍԴ–ն տվյալ հոդվածը Մայր օրենքին համապատասխան համարի, ապա առաջին ատյանի դատարանի համար ամեն ինչ ավելի հեշտ կլինի։

468
թեգերը:
«Մարտի 1–ի» գործով դատավարություն, Ռոբերտ Քոչարյան, Հայաստան
թեմա:
Ռոբերտ Քոչարյանի գործը (331)
Ըստ թեմայի
Գասպարին պառկել է Վճռաբեկ դատարանի առջև. օրվա ընթացքում Քոչարյանի տան առջև էլ կպառկի
Արտահոսք չի եղել. Ռոբերտ Քոչարյանի պաշտպանական խումբը հայտարարություն է տարածել
Ռոբերտ Քոչարյանի փաստաբանը մեկնաբանում է քրգործը ՍԴ ուղարկելու դատարանի որոշումը