Արցախի նախագահները ներկայացան դատական նիստին

Արցախի նախագահները Քոչարյանին կալանքից ազատելու համար 1 մլն դրամ գրավ են վճարել

716
Արցախի նախկին ու ներկա նախագահները Երևանի ընդհանուր իրավասության դատարանում հավաստեցին, որ պատրաստ են երաշխավորել Քոչարյանի պատշաճ վարքագիծն ազատության մեջ` անգամ քրեական պատասխանատվության սպառնալիքով։

ԵՐԵՎԱՆ, 16 մայիսի — Sputnik. Ռոբերտ Քոչարյանին կալանքից ազատելու մասին դատարանին երաշխավորություն ներկայացրած Արցախի նախկին ու ներկա նախագահները որպես անձնական երաշխիք վճարել են 500 000- ական դրամ։ Այս մասին Բակո Սահակյանի ու Արկադի Ղուկասյանի դատարան ներկայանալուց հետո հայտարարեց դատավոր Դավիթ Գրիգորյանը։

Դատավորն իրազեկեց, որ երաշխավորության անհրաժեշտության վերացման պարագայում այդ գումարը կվերադարձվի երաշխավորողներին, իսկ երաշխավորված անձի կողմից ապօրինի արարք թույլ տալու դեպքում կարող է առգրավվել ու փոխանցվել պետությանը։

Դավիթ Գրիգորյանը նաև զգուշացրեց, որ իրենց երաշխավորությամբ կալանքից ազատված Քոչարյանի անօրինական քայլերի դեպքում Արցախի նախագահները կարող են անգամ քրեական պատասխանատվության ենթարկվել։

«ՀՀ ՔՐ օր 316 հոդվածով դուք կարող եք ենթարկվել քրեական պատասխանատվության, եթե պատշաճ վարքագծի դրսևորման ձեր երաշխավորությունները չկատարվեն։ Եվ հիշյալ հոդվածը նախատեսում է մինչև 2 տարի ազատազրկում»,– ասաց դատավոր Գրիգորյանը։

Բոլոր նախազգուշացումներից հետո Արցախցի նախկին ու ներկա պաշտոնյաները վավերացրեցին դատարանին ներկայացրած իրենց երաշխավորագիրը։

Երաշխավորագրի վերաբերյալ որոշումը դատարանը կընդունի ավելի ուշ` խորհրդակցական սենյակում։ Իսկ որոշումը, ամենայն հավանականությամբ, կհրապարակվի դատական վաղվա նիստում։

Նշենք, որ Քոչարյանի կալանքի երկարացված ժամկետը լրանում է կիրակի օրը` մայիսի 19-ին։

Հիշեցնենք, քիչ առաջ Երևանի ընդհանուր իրավասության դատարան ներկայացան Արցախի նախկին ու ներկա նախագահները։ Դատավարությանը ներկա քաղաքացիները նախագահներին ծափողջույններով դիմավորեցին։

Президент Карабаха Бако Саакян приветствует Роберта Кочаряна в зале суда по делу 1 марта (16 мая 2019). Еревaн
© Sputnik / Aram Nersesyan ,
Արցախի նախագահները գրկախառնությամբ ողջունեցին Արցախի առաջին ու ՀՀ երկրորդ նախագահ, այժմ ամբաստանյալի կարգավիճակ ունեցող Ռոբերտ Քոչարյանին

Արցախի նախագահները գրկախառնությամբ ողջունեցին Արցախի առաջին ու ՀՀ երկրորդ նախագահ, այժմ ամբաստանյալի կարգավիճակ ունեցող Ռոբերտ Քոչարյանին։

Հիշեցնենք` մայիսի 14-ին ԼՂՀ նախկին եւ ներկա նախագահներ Բակո Սահակյանն ու Արկադի Ղուկասյանը ՀՀ երկրորդ նախագահ Ռոբերտ Քոչարյանին կալանքից ազատելու երաշխավորագիր էին ներկայացրել դատարան։ Մինչ այդ` գործի նախաքննության փուլում, Արցախի նախագահները նույնաբովանդակ միջնորդություն էին ներկայացրել նաև ՀՀ գլխավոր դատախազին։

Դատավոր Դավիթ Գրիգորյանը հայտնել էր, որ երաշխավորությունը ներկայացնելու համար երաշխավորները պարտադիր պետք է ներկայանան դատարան։

Մայիսի 15-ին դատական հերթական նիստում Քոչարյանի պաշտպանները հայտնեցին, որ Արցախի նախագահները պատրաստակամություն են հայտնել ներկայանալու դատարան` մինչև աշխատանքային ընթացիկ շաբաթվա ավարտը` մայիսի 16-ին կամ 17-ին։

716
թեգերը:
Ռոբերտ Քոչարյան, Բակո Սահակյան, Արցախ, Հայաստան
թեմա:
Ռոբերտ Քոչարյանի գործը (443)
Ըստ թեմայի
Հնարավոր է` Քոչարյանի երաշխավորագիրը Սահակյանը քննարկել է Փաշինյանի հետ. փորձագետ
«Արցախի ՊԲ-ից նույնիսկ մեկ մարդ չի բերվել Հայաստան». Քոչարյանը ելույթ ունեցավ դատարանում
Բակո Սահակյանն ու Արկադի Ղուկասյանը դատարանում են. լուսանկարներ
ԶՈւ գլխավոր շտաբի պետն ընդունել է ՌԴ դեսպանին

Համագործակցություն պաշտպանության ոլորտում․ ԶՈւ գլխավոր շտաբի պետն ընդունել է ՌԴ դեսպանին

18
(Թարմացված է 19:07 13.07.2020)
Օնիկ Գասպարյանի և Սերգեյ Կոպիրկինի հանդիպման ժամանակ քննարկվել են նաև ռազմական և ռազմատեխնիկական համագործակցության հետագա պլանները։

ԵՐԵՎԱՆ, 13 հուլիսի- Sputnik. ՀՀ պաշտպանության նախարարությունը տեղեկացնում է, որ հուլիսի 13-ին ՀՀ զինված ուժերի գլխավոր շտաբի պետ, գեներալ-լեյտենանտ Օնիկ Գասպարյանն ընդունել է ՀՀ-ում ՌԴ արտակարգ և լիազոր դեսպան Սերգեյ Կոպիրկինին և դեսպանության ռազմական և ռազմաօդային կցորդ, գնդապետ Անդրեյ Գրիշչուկին:

«Հանդիպման ընթացքում անդրադարձ է կատարվել պաշտպանության ոլորտում հայ-ռուսական երկկողմ համագործակցությանն առնչվող հարցերին»,–նշված է հաղորդագրության մեջ։

Օնիկ Գասպարյանի և Սերգեյ Կոպիրկինի հանդիպման ժամանակ քննարկվել են նաև ռազմական և ռազմատեխնիկական համագործակցության հետագա պլաններն ու զարգացման վերաբերյալ այլ հարցեր։

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք:

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ տալով` հետ շպրտվել:

ՀԱՊԿ-ը պետք է արձագանքի ՀՀ և Ադրբեջանի սահմանին տեղի ունեցած միջադեպին․ դեսպան Տողանյան

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

Իրավիճակի մասին այսօր ՀՀ արտգործնախարար Զոհրաբ Մնացականյանն ու ՌԴ ԱԳ նախարար Սերգեյ Լավրովը զրուցել էին հեռախոսով։

18
թեգերը:
Սերգեյ Կոպիրկին, Օնիկ Գասպարյան, Հայաստան, Ռուսաստան
Ըստ թեմայի
Հայ-ադրբեջանական սահմանի իրավիճակի վերաբերյալ ՀԱՊԿ արտահերթ նիստը հետաձգվել է․ ինչու
Հայերի կոտրած էջերն են կիրառում․ ինչպես են սուտ լուրերը տարածվում համացանցում
Հայ-ադրբեջանական լարվածություն. Լավրովը Թուրքիայի՞ն է սաստել
ԱԹՍ

Հայկական ԶՈւ-ի կողմից խոցված ադրբեջանական ԱԹՍ-ներից մեկի լուսանկարը համացանցում է հայտնվել

59
(Թարմացված է 18:43 13.07.2020)
Հայկական զինված ուժերն այս 2 օրվա ընթացքում հակառակորդի մի քանի ԱԹՍ են խոցել, այդ թվում նաև՝ կամիկաձե։

ԵՐԵՎԱՆ, 13 հուլիսի – Sputnik. Համացանցում է հայտնվել հայկական ԶՈւ-ի կողմից հայ-ադրբեջանական սահմանի Տավուշի հատվածում խոցված ադրբեջանական անօդաչու թռչող սարքերից մեկի լուսանկարը։ Banak.info մասնագիտացված կայքի նախնական տվյալներով՝ սարքը Thunder-B տեսակի անօդաչու թռչող սարք է։

Ինչպես արդեն տեղեկացրել էինք, հայկական զինված ուժերն այս 2 օրվա ընթացքում հակառակորդի մի քանի ԱԹՍ են խոցել, այդ թվում նաև՝ կամիկաձե։

Сбитый азербаджанский беспилотник
© Photo : banak.info
Հայկական ԶՈւ-ի կողմից հայ-ադրբեջանական սահմանի Տավուշի հատվածում խոցված ադրբեջանական անօդաչու թռչող սարքերից մեկը

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրք:
Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

ՀԱՊԿ-ը պետք է արձագանքի ՀՀ և Ադրբեջանի սահմանին տեղի ունեցած միջադեպին․ դեսպան Տողանյան

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

Հայկական կողմն ունի 5 վիրավոր, ադրբեջանական կողմը` չորս զոհ։

59
թեգերը:
անօդաչու, հայ-ադրբեջանական, Տավուշ, Ադրբեջան
Ըստ թեմայի
Հայ-ադրբեջանական սահմանի իրավիճակի վերաբերյալ ՀԱՊԿ արտահերթ նիստը հետաձգվել է․ ինչու
Հայերի կոտրած էջերն են կիրառում․ ինչպես են սուտ լուրերը տարածվում համացանցում
Հայ-ադրբեջանական լարվածություն. Լավրովը Թուրքիայի՞ն է սաստել
Полицейские в Азербайджане

Ձերբակալվել է Ադրբեջանի ՊՆ նախկին ղեկավարը

0
Գազիևին մեղադրել են սոցցանցերում «նպատակաուղղված ապատեղեկատվություն տարածելու», ինչպես նաև «զանգվածային անկարգություններ կազմակերպելու» մեջ։

ԵՐԵՎԱՆ, 13 հուլիսի –Sputnik. Ադրբեջանի պետական անվտանգության ծառայությունը պաշտպանության նախկին նախարար Ռահիմ Գազիևին ձերբակալել է սադրանքների և պետության դեմ կոչերի մեղադրանքով։ Տեղեկությունը հայտնում է ՌԻԱ Նովոստին` հղում անելով Ադրբեջանի պետական անվտանգության ծառայությանը։

Հաղորդագրության մեջ նշվում է, որ հուլիսի 12-ին և 13-ին պաշտպանության նախկին նախարար Ռահիմ Գազիևը, «սոցցանցերում նպատակաուղղված տարածելով իրականությանը չհամապատասխանող սադրիչ տեղեկություն, սկսել է երկրի պաշտպանունակությունը թուլացնող գործողությունների, ինչպես նաև զանգվածային անկարգությունների կազմակերպման և երկրի պետական մարմինների գրավման կոչեր անել քաղաքացիներին»։

«Ռահիմ Գազիևին ձերբակալել են Ադրբեջանի Քրեական օրենսգրքի 281 (կոչ պետության դեմ) և 282–րդ (սադրանք) հոդվածների հիման վրա», – ասվում է հաղորդագրության մեջ։

Ավելի վաղ Գազիևը հայտարարել էր, որ Ադրբեջանը միջադեպի ժամանակ 12 մարդ է կորցրել, թեև պաշտոնական Բաքուն հայտնում է 4 զոհի մասին։

Հուլիսի 12-ին արդբեջանական կողմը գնդակոծել էր հայկական դիրքերն ու փորձել գրոհել։ Հայկական կողմի պատասխան կրակի արդյունքում հակատակորդը, կորուստներ կրելով, վերադարձել էր իր դիրքեր։ Ադրբեջանի ԶՈւ–ն այսօր առավոտյան վերսկսել էր հայկական դիրքերի գնդակոծումը։

Ներկա պահին պաշտոնապես հայտնի է, որ Ադրբեջանը 4 զոհ և 4 վիրավոր ունի, հայկական կողմը` 5 վիրավոր։

0