Տիգրան Ավինյան

Աշխատիր Հայաստան. Կառավարությունը որոշել է կրճատել գործազրկությունը

591
Փոխվարչապետը հայտարարեց նոր ծրագրի մեկնարկի մասին։ Թվային ցուցանիշներն ու ակնկալվող արդյունքները դեռ մշակված չեն։

ԵՐԵՎԱՆ, 16 մայիսի — Sputnik. Հայաստանում մեկնարկել է «Աշխատիր Հայաստան» ծրագիրը։ Այս մասին այսօր կառավարության նիստում հայտարարեց նիստը վարող փոխվարչապետ Տիգրան Ավինյանը։ Նրա խոսքով` ծրագիրն ուղղված է գործազրկության կրճատմանը, քանի որ պաշտոնական տվյալներով, նոր մեթոդաբանությամբ Հայաստանում գործազրկության մակարդակը 20 տոկոս է։

«Ծրագիրը հենված է 3 հիմնասյուների վրա. առաջինը` մարդկային կապիտալի զարգացումն է, երկրորդը` զբաղվածության խթանումը և երրորդը` ինստիտուցիոնալ բարեփոխումներն են»,– ասաց Ավինյանը` հավելելով, որ այս միջոցառումների համար սահմանվելու են կոնկրետ թիրախներ, ակնկալվող արդյունքներ ու ժամանակացույց։

Ծրագրի իրականացման համար փոխվարչապետը գերատեսչությունների ղեկավարներին հանձնարարեց սեղմ ժամկետներում մշակել ու ներկայացնել վերոհիշյալ ցուցանիշները։

591
թեգերը:
Տիգրան Ավինյան, ՀՀ կառավարություն, Հայաստան
Ըստ թեմայի
Մենք որևէ բան չենք պատրաստվել թաքցնել. Ջանջուղազյանը` 10 հազար «կրճատումների» մասին
Կառավարությունը գերանդին չի վերցնի ու հնձի. Փաշինյանը խոսեց սպասվող կրճատումների մասին
«Գազպրոմ Արմենիայում» զանգվածային կրճատումների մասին խոսք չկա. փոխվարչապետ
Врачи скорой помощи перед зданием медицинского центра Сурб Григор Лусаворич (2 апреля 2020). Еревaн

Մենք դիակն առանց անփութության ենք փոխանցել շտապօգնությանը. «Սուրբ Գրիգոր Լուսավորիչ» ԲԿ

1
(Թարմացված է 22:29 02.07.2020)
ԲԿ-ի մամուլի խոսնակն անդրադարձել է նաև բուժքրոջ կողմից մահացածից գումար գողանալու լուրերին։

ԵՐԵՎԱն, 2 հուլիսի - Sputnik. «Սուրբ Գրիգոր Լուսավորիչ» բժշկական կենտրոնի մամուլի խոսնակ Ծովինար Խաչատրյանը գրառում է արել Facebook-ում՝ նշելով, որ կենտրոնը մեղավորություն չունի օրեր առաջ կորոնավիրուսի հետևանքով մահացած Սոնիկ Կարապետյանի դիակի անհետացման հարցում։ 

««Սուրբ Գրիգոր Լուսավորիչ» բժշկական կենտրոնը Սոնիկ Կարապետյանի դիակը սահմանված կարգով, առանց որևէ անփութության փոխանցել է Շտապօգնության ծառայության համապատասխան բրիգադին։ Այս հարցում բուժկենտրոնը որևէ թերացում չի ունեցել», - գրել է Խաչատրյանը։

Կնոջ դիակը այսօր գտնվել է արդեն թաղված, նրան թաղել են Նոր Հաճնում, արտաշիրիմում է իրականացվելու։

ԲԿ-ի մամուլի խոսնակն անդրադարձել է նաև բուժքրոջ կողմից՝ մահացածից գումար գողանալու լուրերին։ Իր խոսքով՝ կենտրոնն արդեն դիմել է իրավապահներին։

«Այսօր օրենսդրության սահմանած կարգով նշվածի վերաբերյալ հարուցվել է կարգապահական պատասխանատվության ենթարկելու վարույթ։ Ենթադրյալ անձը, ինչպես նշում է մահացածի թոռնուհին, բուժքույր չէ, այլ կրտսեր բուժաշխատող՝ մայրապետ։ Բոլոր հանգամանքները պարզելու և հաստատավելու դեպքում վերջինս կենթարկվի կարգապահական պատասխանատվության, ընդհուպ կհեռացվի աշխատանքից։ Վարույթի վերջնական արդյունքների վերաբերյալ մահացածի հարազատները կտեղեկացվեն», - գրել է խոսնակը։

Հիշեցնենք` Նաիրա Զոհրաբյանը երեկ Facebook սոցցանցի իր էջում ահազանգել էր, որ կորել է գյումրեցի Մարիամ Մալխասյանի տատիկի՝ Սոնիկ Կարապետյանի դին, հարազատները քանի օր է` փնտրում են ու չեն գտնում։

Եթե կարիք լինի, ԴՆԹ փորձաքննություն կարվի. Թորոսյանի խոսնակը` կորած դիակի մասին

1
Արարատ Միրզոյան. արխիվային լուսանկար

Կորոնավիրուսի դեմ պայքարը քննելու` ԲՀԿ-ի և ԼՀԿ-ի առաջարկն «Իմ քայլը» կքննարկի սեպտեմբերին

1
(Թարմացված է 22:21 02.07.2020)
Ընդդիմությունն առաջարկում էր կորոնավիրուսի քննիչ հանձնաժողով ստեղծել, որը կունենա 12 անդամ և կգործի կես տարի:

ԵՐԵՎԱն, 2 հուլիսի - Sputnik. Կորոնավիրուսի դեմ պայքարը քննելու ԱԺ ընդդիմադիր «Բարգավաճ Հայաստան» և «Լուսավոր Հայաստան» խմբակցությունների առաջարկը իշխանական «Իմ քայլը» կքննարկի սեպտեմբերին։ Այս մասին տեղեկացնում է ԱԺ մամուլի ծառայությունը՝ հղում տալով նախագահ Արարատ Միրզոյանին։

«Կորոնավիրուսի քննիչ հանձնաժողովի անդամների թիվը սահմանող նախագիծը կքննարկվի Ազգային ժողովի 2020թ.–ի սեպտեմբեր ամսվա առաջին հերթական նիստում», - ասվում է ԱԺ նախագահ Արարատ Միրզոյանի հայտարարության մեջ:

Նշենք, որ համաձայն կանոնակարգի՝ ԱԺ-ում նոր հանձնաժողով կարող է ստեղծել պատգամավորների ընդհանուր թվի առնվազն մեկ քառորդի պահանջով․ այդ թվաքանակն ընդդիմադիր խմբակցություններն ապահովել են։

Հանձնաժողովը քննելու է նոր կորոնավիրուսի (COVID 19) տարածումը կանխելու, այդ վիրուսի դեմ պայքարի, համավարակի հետևանքների մեղմման կամ վերացման ուղղությամբ Հայաստանի Հանրապետության կառավարության և պարետատան իրականացրած միջոցառումների արդյունավետությունը, ինչպես նաև արտակարգ դրության ժամանակահատվածում Մարդու իրավունքների և հիմնարար ազատությունների սահմանափակումների արդյունավետությունն ու իրավաչափությունը։

Կորոնավիրուսի դեմ պատվաստանյութ լինելու է, բայց Հայաստանին կարող է չհասնել. Թորոսյան

1
թեմա:
Կորոնավիրուսը Հայաստանում և Արցախում