Ռոբերտ Քոչարյան. արխիվային լուսանկար

Արցախի նախագահները կներկայանան դատարան

296
Քոչարյանին կալանքից ազատելու հարցով երաշխավորություն ներկայացրած Արցախի նախկին ու ներկա նախագահները դատարանից խնդրել են իրենց ժամանակ տալ Արցախից Երևան գալու։

ԵՐԵՎԱՆ, 15 մայիսի — Sputnik. Արցախի նախկին նախագահ Արկադի Ղուկասյանն ու գործող նախագահ Բակո Սահակյանը կներկայանան դատարան։ Այսօր Մարտի 1-ի գործով դատական նիստի ժամանակ դատարանում հայտարարեց Ռոբերտ Քոչարյանի փաստաբան Հովհաննես Խուդոյանը։

Նա խնդրեց ժամանակ տալ, Արցախի նախագահներին՝ դատարան ներկայանալու ուրբաթ օրը` մայիսի 17-ին, օրվա երկրորդ կեսին։

«Կխնդրեի դատարանը դիտարկեր նաև նախագահների մասնակցության հնարավորությունը տեսակապի միջոցով` հաշվի առնելով նրանց կարգավիճակը, իրավունքների ու պարտականությունների կատարման առումով»,– ասաց փաստաբանը։

Նախագահող դատավոր Դավիթ Գրիգորյանը նշեց, որ օրենքը նախատեսում է, որ անձը պետք է դատարանում ներկա լինի և զգուշացրեց, որ Ռոբերտ Քոչարյանի նկատմամբ երկարացված կալանքի ժամկետը լրանում է կիրակի օրը։

«Իսկ շաբաթ և կիրակի օրերին դատական նիստի կազմակերպումը քիչ հավանական է։ Չեմ բացառում, բայց հնարավոր է, որ անհնար լինի այդ օրերին պարոն Քոչարյանի դատական նիստին մասնակցությունն ապահովելը։ Կճշտենք, բայց ամեն դեպքում պետք է հաշվի առնել նաև այն հանգամանքը, որ դատարանը պետք է նաև ժամանակ ունենա դատական ակտի կայացման համար»,– ասաց դատավորը։

Դավիթ Գրիգորյանն առաջարկեց, որ Արցախի նախագահները հնարավորության դեպքում դատարան ներկայանան ամենաուշը հինգշաբթի օրը` մայիսի 16-ին։

Հիշեցնենք` մայիսի 14-ին ԼՂՀ նախկին եւ ներկա նախագահներ Բակո Սահակյանն ու Արկադի Ղուկասյանը ՀՀ երկրորդ նախագահ Ռոբերտ Քոչարյանին կալանքից ազատելու երաշխավորագիր էին ներկայացրել դատարան։ Մինչ այդ` գործի նախաքննության փուլում, Արցախի նախագահները նույնաբովանդակ միջնորդություն էին ներկայացրել նաև ՀՀ գլխավոր դատախազին։

296
թեգերը:
Բակո Սահակյան, Ռոբերտ Քոչարյան, Արցախ, Հայաստան
թեմա:
Ռոբերտ Քոչարյան (450)
Ըստ թեմայի
Դատախազությունը միջնորդել է Ռոբերտ Քոչարյանի գործը քննել դռնփակ. փաստաբան
Սերժ Սարգսյանի և Փաշինյանի խորհրդականի ցուցմունքից հատվածներ հրապարակվեց. Մարտի 1–ի գործը
Труп младенца в канале

Փրկարարները Հրազդան գետից դուրս են բերել 14-ամյա պատանու դին

17
Սևանից ժամանած հատուկ ջրասուզակը մի քանի ժամ կատարում էր որոնողական աշխատանքներ՝ տղայի դին հայտնաբերելու ուղղությամբ:

ԵՐԵՎԱՆ, 9 օգոստոսի - Sputnik. ՀՀ արտակարգ իրավիճակների նախարարությունը տեղեկացնում է, որ փրկարարները Հրազդան գետից դուրս են բերել 14-ամյա պատանու դի։ Մահացախը 15-ամյա Մհեր Ե․-ն է։

Ավելի վաղ հայտնել էինք, որ օգոստոսի 9-ին, ժամը 15։16-ին Ճգնաժամային կառավարման ազգային կենտրոն ահազանգ էր ստացել, որ Հրազդան քաղաքի Կոճոռ թաղամասի մոտակայքում գտնվող ջրատարը պատանի է ընկել։

Սևանից ժամանած հատուկ ջրասուզակը մի քանի ժամ կատարում էր որոնողական աշխատանքներ՝ տղայի դին հայտնաբերելու ուղղությամբ:

17
թեգերը:
Դիակ, ՀՀ արտակարգ իրավիճակների նախարարություն (ԱԻՆ), փրկարար, ջրահեղձ, Հրազդան, Սևան
թեմա:
Վթար, պատահար, սպանություն, գողություն
Տաթևիկ Ռևազյան, արխիվային լուսանկար

«Ինչ լուրջ ա»․ Տաթևիկ Ռևազյանը դստրիկի հետ նոր լուսանկար է հրապարակել

30
(Թարմացված է 20:12 09.08.2020)
Փոքրիկը լույս աշխարհ է եկել մայիսի 19–ին՝ Դանիայում, որտեղ և ապրում է Ռևազյանի ընտանիքը։

ԵՐԵՎԱՆ, 9 օգոստոսի - Sputnik. ՀՀ քաղաքացիական ավիացիայի կոմիտեի նախագահ Տաթևիկ Ռևազյանը Facebook-ի իր էջում դստեր` Մոնթեայի հետ նոր լուսանկար է հրապարակել։

Մայրիկն ու բալիկը լողափին են, Տաթևիկը լայն ժպտում է, իսկ փոքրիկը կիսադժգոհ դեմք է ընդունել։ Նրա հագին գեղեցիկ վարդագույն շորիկ է և արևապաշտպան գլխարկ։

«Ինչ լուրջ ա», «սիրուններ», «շատ սիրուն բալիկ է, Տաթևիկ ջան, առողջ մեծանա»,- գրել են Ռևազյանի հետևորդները։

Հիշեցնենք՝ մայիսի 19–ին հայտնի դարձավ, որ ծնվել է Տաթևիկ Ռևազյանի առաջնեկը` դստրիկը։ Նա լույս աշխարհ է եկել Դանիայում, որտեղ և ապրում է Ռևազյանի ընտանիքը։

30
թեգերը:
Դանիա, Սևան, Լուսանկար, դուստր, Տաթևիկ Ռևազյան
Ըստ թեմայի
Մոնթեան ու մայրիկը. Տաթևիկ Ռևազյանը՝ դստերը կրծքով կերակրելու մասին
Տաթևիկ Ռևազյանը պարզաբանումներ է ներկայացրել Նիկոլ Փաշինյանին
Տաթևիկ Ռևազյանի վերաբերյալ գրառումն ուղարկվել է ոստիկանություն
Տաթևիկ Ռևազյանը նորածին դստեր լուսանկարն է հրապարակել. նա արդեն մեկ ամսական է

Արի զբոսնենք Հայաստանով. Հովք գյուղ՝ տեղում թխած հաց, արկածներ, ճանապարհ դեպի սարեր, լճեր

0
(Թարմացված է 20:51 09.08.2020)
Sputnik Արմենիայի նկարահանող խումբն ուղևորվել է Տավուշի մարզի Հովք գյուղ։ Ամբողջ ճանապարհին մեզ ուղեկցում էր Մհեր անունով մի երիտասարդ, որի հայրը տարիներ առաջ հիմնել է Քարի լիճը։

Գյուղում տների միջև հեռավորությունը բավականին մեծ է։ Ըստ պաշտոնական տվյալների՝ այստեղ մոտ 400 մարդ է բնակվում։ Օրվա կեսն անցկացրինք Գասպարյան Աշոտին՝ միակ հային փնտրելով, որ փախստական չէ ու մինչև 1988 թվականը ադրբեջանցիների հետ բնակվել է Հովք գյուղում, նրանց հետ հարևանություն ու ընկերություն արել։

Երկար փնտրտուքից հետո պարզեցինք, որ Աշոտը սարի վրա խոտ է հնձում։ Ճանապարհին՝ մինչև Աշոտին հասնելը, 6 կմ հաղթահարեցինք և հասցրինք տեսնել, թե որքան գեղեցիկ բնություն ունի Հովք գյուղը։

Տեսանք լճերը՝ բնական ու արհեստական, և նույնիսկ լսեցինք հետաքրքիր պատմություններ։

Հայաստանի թաքնված գեղեցկությունը. Ակնասարի դժվարին վերելքը հաղթահարված է

Ապա հաց պատրաստեցինք, մտանք Հովք գյուղի միակ ջերմոցը։

Պարզվում է, որ բանջարեղենն այնքան արագ է սպառվում գյուղում, որ նույնիսկ չեն հասցնում մոտակա գյուղեր բնակիչներին։ Վերջում էլ մեր հանգիստը:

0
թեգերը:
հայ, ադրբեջանցի, լիճ, Հաց, Հայաստան
Ըստ թեմայի
Հայաստանի թաքնված գեղեցկությունը. Արագածի փեշերից թափվող հուշարձանը
Թաքնված «միլիոնատերեր» և դեմպինգ․ ինչո՞վ է ապրում Հայաստանի ծաղկի շուկան. լուսանկարներ
Հայաստանի թաքնված գեղեցկությունը. Ակնասարի դժվարին վերելքը հաղթահարված է
Լիլիթը բացահայտում է Հայաստանի թաքնված գանձերը. բլոգերի առօրյան ու արկածները