Նիկոլ Փաշինյան

Վարչապետը շնորհակալություն հայտնեց նախարարներին

36
(Թարմացված է 12:32 10.05.2019)
Կառավարության կառուցվածքի փոփոխությունը չպիտի խանգարի կառավարության աշխատանքին։ Փաշինյանը շնորհակալություն հայտնեց նախկին ու ներկա գործընկերներին։

ԵՐԵՎԱՆ, 10 մայիսի — Sputnik. Կառավարության նիստն այսօր մեկնարկեց վարչապետ Նիկոլ Փաշինյանի շնորհակալությամբ։ Վարչապետը կառավարության մեկամյա գործունեության կապակցությամբ շնորհակալություն հայտնեց կառավարության ներկա ու արդեն նախկին անդամներին։

Փաշինյանը հիշեցրեց, որ հաշվետու ասուլիսում հանրությանը հաշվետվություն է տվել` ներկայացնելով իր 1 տարվա գործունեության ընթացքում կատարված 100 փաստ։

«Մենք պետք է հաշվետվողականության այս տարբերակն ընտրենք, ու բոլորս 100 փաստ ունենանք մեր մեկամյա գործունեության վերաբերյալ»,– ասաց Փաշինյանը` հավելելով, որ կառավարությունը չպիտի սպասի մինչև դեկտեմբեր կատարած աշխատանքն ամփոփելու համար, այլ պետք է հաշվետու լինի ամենօրյա աշխատանքով։

«Տեղյակ եք, որ խորհրդարանն ընդունել է Կառավարության կառուցվածքի մասին օրենքը, և մենք պետք է նաև հընթացս կառավարության կառուցվածքի փոփոխությունները կյանքի կոչենք։ Բայց դա որևէ կերպ չպիտի նվազեցնի մեր աշխատանքի տեմպը։ Մեր առօրյա աշխատանքի մեջ որևէ բան չպիտի փոխվի»,– ասաց վարչապետը։

Իսկ ամենակարևոր խնդիրը կառավարության աշխատանքում, ըստ Փաշինյանի, բյուջեի ծախսային մասին ապահովումն է, այս տարվա եկամուտների 62 մլրդ դրամ հավելյալ մուտքը գերզանցելն ու ճիշտ ծախսեր պլանավորելը։ Այս աշխատանքների համակարգումը վարչապետը հանձնարարեց փոխվարչապետ Տիգրան Ավինյանին։

36
թեգերը:
ՀՀ կառավարություն, Նիկոլ Փաշինյան
Ըստ թեմայի
Նիկոլ Փաշինյանն աշխատանքի է գնում հակահեղափոխական հեծանիվով. տեսանյութ
Ի՞նչ տպավորություն է ստացել Արցախից Նիկոլ Փաշինյանը. վարչապետը փակագծեր է բացում
Երևանցիները նոր այգի ունեն. բացմանը ներկա էր Նիկոլ Փաշինյանը