ԵՐԵՎԱՆ, 8 մայիսի — Sputnik. Հայաստանում այսօր մարզպետները 400 000 դրամի կարիքն ունեն։ Այսօր մամուլի ասուլիսում, անդրադառնալով պետական մարմիններում պարգևավճարների մասին մամուլի հրապարակումներին, ասաց ՀՀ վարչապետ Նիկոլ Փաշինյանը։

© Sputnik / Armenuhi Mkhoyan

Հանրապետական կուսակցությունը կասեցնելը պոզով–պոչո՞վ է լինում. Փաշինյան

«Ասում են` մարզպետը ինքն իրեն 400 000 դրամ պարգևավճար է գրել։ Ոչ ոք չի ուրախանում, որ այսօր մարզպետ է գործում, որն այդ 400 000–ի կարիքը ռեալ ունի։ Պաշտոնյա է, բայց ունի այդ 400 000 դրամի կարիքը։ Վերջին անգամ ՀՀ–ում դուք ե՞րբ եք մարզպետ տեսել, որ 400 000 դրամի կարիք է ունեցել»,– ասաց Փաշինյանը։

Փաշինյանը հիշեցրեց նաև, որ մամուլում մեծ աղմուկ էր առաջացրել նաև ՊԵԿ աշխատակիցների ստացած բարձր պարգևավճարները։ Նա նշեց, որ այդ ժամանակ ինքը ՊԵԿ–ին պաշտպանել է պայմանով, որ կապահովվի բյուջեի եկամուտների աճը։ ՊԵԿ նախագահը խոստացել է ապահովել 40 մլրդ դրամի մուտքեր, փոխարենը Փաշինյանը 1.4 մլրդ դրամով ավելացրել է պարգևատրման ֆոնդը։

«Հիմա ես նայում եմ բյուջեին կատարման տվյալները, և հիշում եմ տարեվերջյան սկանդալի մասին, եթե մի փոքր թուլություն ցուցաբերեի և հաշվի առնեի էտ լայնածավալ հարձակումը ՊԵԿ-ի նկատմամբ և ես այնտեղ ավերվածություններ գործեի, մենք ոչ թե կունենայինք բյուջեի կատարման այսպիսի ցուցանիշներ, այլ հազիվ կկատարեինք բյուջեի ցուցանիշները, անգամ կթերակատարեինք դրանք: Հետո զարմանում ենք, որ 200 000 դրամ աշխատավարձ ստացող մաքսավորը կաշառք է վերցնում»,– ասաց Փաշինյանը։

Նրա խոսքով, եթե ՊԵԿ–ի հետ իրենց պայմանավորվածությունը չլիներ, Հայաստանն այսօր ճգնաժամային վիճակում կհայտնվեր` առնվազն բյուջեի կատարման մասով։

ԵՐԵՎԱՆ, 3 մարտի -Sputnik. ՌԴ ժամանող Հայաստանի քաղաքացիները խնդիրներ են ունեցել «Ճամփորդիր առանց COVID-19-ի» հավելվածը ներբեռնելու ժամանակ, այժմ հարցը լուծվում է ու տեխնիկական ասպեկտները շուտով կհարթվեն։ ՌԻԱ Նովոստիին տված հարցազրույցում տեղեկությունը հայտնել է սփյուռքի հարցերով գլխավոր հանձնակատար Զարեհ Սինանյանը:

© Sputnik / Aram Nersesyan

Ինչպես կանխել արտագաղթը, կամ իրավիճակի պատասխանը կգտնեք «Զվարթնոցում»

«Ճամփորդիր առանց COVID-19-ի» բջջային հավելվածը, որը ստեղծվել է համավարակի պայմաններում ԵԱՏՄ ներսում ինտեգրացիոն միավորման երկրների քաղաքացիների ազատ ու անվտանգ տեղաշարժի համար, գործարկվել է փետրվարին: Մարտի 1-ին ՌԴ կառավարությունը երկարաձգել է դրանով Ռուսաստան մուտք գործելու ժամկետը մինչև ապրիլի 1-ը։   

«Բայց տեխնիկական խնդիրներ կան։ Օրինակ` ես խնդիր ունեի՝ այն չի «նստել» հեռախոսիս վրա, ստիպված էի հենց այդ հավելվածի համար ուրիշ հեռախոս ճարել։ Հիմնականում խնդիրները Android օգտագործողների մոտ են: Մեր շատ հայրենակիցներ, որոնք համավարակի պատճառով չէին կարող մեկ տարվա ընթացքում մուտք գործել Ռուսաստան, հիմա ուզում են գալ, բայց նրանց մոտ նման խնդիրներ են առաջանում։ Բայց ինձ ասացին, որ դրանք ժամանակավոր տեխնիկական խնդիրներ են, ու ես վստահ եմ, որ դրանք շուտով կշտկվեն», - ասել է Սինանյանը։

«Զվարթնոցում» իրարանցում է. ովքեր և ինչ նպատակով են մեկնում Ռուսաստան. տեսանյութ

Նա ավելացրել է, որ հավելվածի գործարկումից հետո առաջին մի քանի օրերին շատերին կանգնեցրել են դեռ Երևանից մեկնելիս։

«Բայց հիմա իրավիճակը հարթվում է․․․Դրանք տեխնիկական խնդիրներ են», - ավելացել է սփյուռքի հարցերով գլխավոր հանձնակատարը։

Հիշեցնենք, որ հավելվածը գործարկվել է փետրվարի 1-ից։ Հայաստանի քաղաքացիներն իրավունք են ստացել Ռուսաստան մեկնել կորոնավիրուսային վարակի բացասական թեստի առկայության դեպքում: Սակայն ոմանք սկզբում բախվել են հավելվածի աշխատանքի խափանման հետ կապված մի շարք խնդիրների։ Արդյունքում նրանց արտաքսել են։

Թեստի պատասխանը համակարգը չի ճանաչել. «Զվարթնոցից» ՌԴ մեկնողները փաստի առաջ են կանգնել