Գրիգոր Նարեկացու արձանը Վատիկանում

Տիեզերականը, որ խոսեց Աստծո հետ սրտանց, իսկ Աստված պատասխանեց նրան

322
(Թարմացված է 19:28 07.05.2019)
Ընդունված է համարել, որ մայիսի 7-ը սուրբ Գրիգոր Նարեկացու ծննդյան օրն է: Ճիշտն ասած` հետաքրքիր է, որ կոնկրետ ծննդյան օր է նշվում մի Մեծության կենսագրության մեջ, ում ծննդյան ու մահվան տարեթվերի (951-1003թթ.) հավաստիությունն էլ դեռ հետազոտման ու ճշգրտման կարիք ունի:

Արմեն Հակոբյան, Sputnik Արմենիա

Փոխարենը յուրաքանչյուրը, ով Նարեկացու «Մատյան ողբերգության» համամարդկային աղոթքին կամ թեկուզ «Տաղ Վարդավառին» առնչվել է, առանց հավելյալ հավաստումների ու ճշտումների գիտի, զգացել է, որ անվիճարկելի մեծություն է նա: Քաղաքակրթական բարձունք, ում գործերին ծանոթանալիս  նախաստեղծ, արարչական լույսին հպվելու երջանկությանը համադրելի զգացողություն կարող ես ունենալ, և ապաշխարելու, մեղքերից կամ չարից ձերբազատվելու, մաքրվելու անդիմադրելի մղում:

 Սուրբ Գրիգոր Նարեկացու հետ էր կապված օրերս մեր ներկայացրած հրապարակումը՝ 99-ամյա գիտնական, գրաբարի մասնագետ և թարգմանիչ Մարգարիտա Դարբինյան-Մելիքյանի մասին: Աստծո մատը խառն է, քանզի միայն այդ կերպ է հնարավոր բացատրել անհերքելի իրողությունը, որ մարդը նման պատկառելի տարիքում հանձն առնի Նարեկացու տեղերը գրաբարից ռուսերեն թարգմանելու գործը:

Մեր օրերին մոտիկ ժամանակներում Նարեկացու անվան հետ կապված հիշարժան մյուս իրադարձությունն, ինչ խոսք, Հռոմի Ֆրանցիսկոս պապի հայտարարությունն էր, որ ընդունելով բազմաթիվ եպիսկոպոսների և հավատացյալների խնդրանքը, Սուրբ Գրիգոր Նարեկացուն հռչակում է Տիեզերական եկեղեցու վարդապետ:

Հիշեցնենք, որ դա տեղի ունեցավ 2015 թվականի ապրիլի 12-ին, Վատիկանի Սուրբ Պետրոսի տաճարում, Հայոց Ցեղասպանության 100-րդ տարելիցին նվիրված սուրբ պատարագի ընթացքում:

Այն ժամանակ, նախքան Հռոմի պապի հայտարարությունը, Վատիկանի Սրբադասման դատավարությունների նախագահ, կարդինալ Անջելո Ամմատոն ընթերցեց բազմաթիվ եպիսկոպոսների խնդրանքը և սրբազան քահանայապետին խնդրեց Տիեզերական եկեղեցու վարդապետների շարքին դասել Սուրբ Գրիգոր Նարեկացուն. «Նա իր կյանքով և իր վարդապետությամբ քարոզել է գեղեցկության աստվածաբանությունը, նրա խոսքի գեղեցկությունն ու աստվածաբանական միտքը միշտ մեծապես գնահատվել են և՛ պարզ ժողովրդի, և՛ խորիմաց աստվածաբանների կողմից: Նրա տևական ժողովրդականությունը կապված է իր գլխավոր գլուխգործոցի՝ Մատյան ողբերգության հետ, որը ժողովուրդը պարզապես անվանում է Նարեկ և որը ավետարանից հետո հայ հավատացյալների մոտ ամենատարածված գրությունն է»,- ասաց կարդինալը:

«Vatican News»-ի «Յութուբում» զետեղած ամբողջական տեսանյութում, 18:40-ից 29:20-ի միջակայքում, պատկերված է հենց այդ արարողության Հռոմի Ֆրանցիսկոս պապի հայտարարությունը:

Իսկ մեզ մնում է ոչ միայն հպարտանալ, այլև խոնարհմամբ, համեստորեն ու ընկալման ձգտմամբ անդրադառնալ Նարեկացուն: Մեծության, որ ծննդյան ու մահվան ամսաթվեր ունի, իհարկե, բայց անմահացել է՝ անկասկած: Մեծություն, որ խոսեց Աստծո հետ սրտանց, մեր հոգու խորքից, ու Աստված պատասխանեց նրա շնորհով:

… Շուշանն շաղով լցեալ,

շող-շաղով և շար մարգարտով:

Ծաղկունքդ ամէն շաղ առին,

շաղն յամպէն, ամպն յարեգակնէն.

Աստեղքդ ամէն շուրջ առին,

դէմ լուսնին գունդ-գունդ բոլորին:

Գունդ-գունդ խաչաձև գնդակ,

յօրինուած երկնից շուրջանակ:

322
թեգերը:
Հռոմի Սրբազան Քահանայապետ Ֆրանցիսկոս պապ, Հայաստան
Ըստ թեմայի
Նարեկացին հասանելի կդառնա երիտասարդներին
Նարեկացին դառնում է քրիստոնյա երկու համայնքների համերաշխության խորհրդանիշ
Մոտ 100–ամյա թարգմանչուհին թարգմանել է 1000–ամյա տաղերը. Նարեկացու տաղերն` արդեն ռուսերեն
Мобилизация в Карабахе

Զորահավաքի ենթակա անձի մոտ կորոնավիրուսի առկայության հավանականությունը վերստուգվելու է

0
Առողջապահության փոխնախարարը կորոնավիրուսային հիվանդության նմուշառում և լաբորատոր թեստավորում իրականացնող կազմակերպություններին հորդորում է զերծ մնալ իրավախախտ գործունեությունից:

ԵՐԵՎԱՆ, 31 հոկտեմբերի - Sputnik. ՀՀ առողջապահության նախարարի տեղակալ Արտյոմ Սմբատյանը տեղեկացնում է, որ զորահավաքի ենթակա անձի մոտ կորոնավիրուսային հիվանդության դրական պատասխանի դեպքում մեծ հավանականությամբ վերստուգվելու է։

«Վերստուգվելու է թե՛ անձի նմուշին համապատասխանությունը և թե՛ նմուշի ՊՇՌ թեստավորման պատասխանի իսկությունը»,–Facebook սոցցանցի իր էջում գրել է Սմբատյանը։

Նա հորդորել է կորոնավիրուսային հիվանդության նմուշառում և լաբորատոր թեստավորում իրականացնող կազմակերպություններին, համապատասխան ստորաբաժանումներին զերծ մնալ իրավախախտ գործունեությունից:

Ավելի վաղ ԱԱԾ-ն հայտնել էր, որ զորահավաքի ենթակա քաղաքացու հայրը դիմել է բժշկական կենտրոններից մեկն և հորդորել լաբորատորիայի աշխատակիցներին կեղծ եզրակացություն կազմել, որ իր որդին վարակվել է կորոնավիրուսով:

Դրա համար կազմվել են լաբորատոր թեստերի եզրակացություններ՝ ուրիշի անալիզների հիման վրա։ Հարուցվել է քրեական գործ, ձերբակալվել է զորահավաքի ենթակա քաղաքացին և բժշկական կենտրոնի աշխատակիցները:

0
Մարիա Զախարովա

Հայաստանի դիմումի հետ կապված մանրամասները լրացուցիչ քննարկվելու են․ Զախարովա

37
(Թարմացված է 13:43 31.10.2020)
ՌԴ ԱԳՆ-ն ավելի վաղ հայտնել էր, որ «պայմանագրի համաձայն` Ռուսաստանը Երևանին անհրաժեշտ օգնություն կցուցաբերի, եթե մարտերը տեղափոխվեն անմիջապես Հայաստանի տարածք։

ԵՐԵՎԱՆ, 31 հոկտեմբերի - Sputnik. Անվտանգության խորհրդատվություն ստանալու համար Հայաստանի՝ Ռուսաստանին դիմելու հետ կապված բոլոր մանրամասները, այդ թվում կոնկրետ ձևաչափերը, լրացուցիչ են քննարկվելու։ Տեղեկությունն այսօր հայտնել է ՌԴ ԱԳՆ պաշտոնական ներկայացուցիչ Մարիա Զախարովան։

Ավելի վաղ ՀՀ վարչապետ Նիկոլ Փաշինյանը դիմել էր ՌԴ-ին՝ անվտանգության ապահովման հարցում Հայաստանին աջակցելու շուրջ խորհրդատվություն սկսելու խնդրանքով։

Զախարովան հիշեցրել է, որ արտգործնախարարությունն արդեն իսկ հայտնել է, որ «պայմանագրի համաձայն` Ռուսաստանը Երևանին անհրաժեշտ օգնություն կցուցաբերի, եթե մարտերը տեղափոխվեն անմիջապես Հայաստանի տարածք»։

«Այդ դեպքում խոսքը ռուսական կողմի սկզբունքային դիրքորոշման մասին է։ Այն բարձրաձայնվել է Հայաստանի դիմումի հետ կապված։ Ամեն ինչ, ինչը կապված է կոնկրետ ձևաչափերի հետ, լրացուցիչ է քննարկվելու», - ասել է Զախարովան «Ռոսիա 24» հեռուստաալիքի եթերում, պատասխանելով հարցին՝ ինչ գործողություններ կարող են ձեռնարկվել զինված մարտական բախումների դեպքում։

Ավելի վաղ Մոսկվայում Հայաստանի դեսպան Վարդան Տողանյանն ասել էր, որ Հայաստանի դիմումը ռուսական կողմին նախատեսում է այդ թվում նաև հնարավոր ռազմական օգնություն, դրա ծավալները քննարկելու են խորհրդատվությունների ընթացքում։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

37
թեգերը:
Հայաստան, Արցախ, Մարիա Զախարովա, Ռուսաստան
թեմա:
Ադրբեջանական ագրեսիան Արցախում - 2020
Ըստ թեմայի
Ռուսաստանը շարունակում է Արցախում արյունահեղությունը դադարեցնելու ուղիներ փնտրել. Զախարովա
Ռուսաստանի համար Ղարաբաղում գրոհայինների առկայությունը լուրջ խնդիր է. Զախարովա
Զախարովան մանրամասներ է հայտնել Ղարաբաղի հարցով Ժնևում սպասվող հանդիպման մասին