Роберт Кочарян на заседании армяно-российского Лазаревского клуба (30 ноября 2018). Еревaн

Հրապարակվել է Մարտի 1-ի գործով Քոչարյանի ու մյուսների մեղադրական եզրակացությունը

287
Մարտի 1-ի գործով մեղադրանքներից բացի նույն վարույթում դատարան են ներկայացվել նաև գործարար Սիլվա Համբարձումյանի ցուցմունքով հարուցված կաշառքի մեղադրանքները։

ԵՐԵՎԱՆ, 30 ապրիլի — Sputnik. Դատական տեղեկատվական համակարգի datalex.am կայքում հրապարակվել է մարտի 1-ի գործով Ռոբերտ Քոչարյանի, Սեյրան Օհանյանի, Յուրի Խաչատուրովի, Արմեն Գևորգյանի մեղադրական եզրակացությունը։

Դրա համաձայն` ՀՀ երկրորդ նախագահ Ռոբերտ Քոչարյանին մեղադրանք է առաջադրվել այն բանի համար, որ նա 1998թ․-ի ապրիլի 9-ից մինչև 2008 թվականի ապրիլի 9-ը զբաղեցնելով ՀՀ նախագահի պաշտոնը, տապալել է ՀՀ սահմանադրական կարգը։

Քոչարյանը մեղադրվում է նաև իր պաշտոնեական դիրքն օգտագործելով գործարար Սիլվա Համբարձումյանի ղեկավարած «Թի Էս Էս Սի Արմենիա» ՍՊԸ–ին տրամադրված ընդերքն օգտակար հանածոների շահագործման նպատակով ուսումնասիրության հատուկ լիցենզիաներով ընկերության 100 տոկոս բաժնեմասը ՀՀ-ում ոչ ռեզիդենտ ընկերությանը վաճառելու գործարքին չխոչընդոտելու համար։ Նաև 2008 թվականի փետրվարին և մայիսին Սամվել Մայրապետյանի օժանդակությամբ նրանից ստացել է առանձնապես խոշոր չափերով՝ 927․000․000 ՀՀ դրամին համարժեք 3․000․000 ԱՄՆ դոլար կաշառք։

ՀՀ պաշտպանության նախկին նախարար Սեյրան Օհանյանին և պաշտպանության նախարարի նախկին տեղակալ-Երևանի կայազորի նախկին պետ Յուրի Խաչատուրովին մեղադրանք է առաջադրվել 2008–ին այլ անձանց հետ հանցակցությամբ, ՀՀ սահմանադրական կարգը տապալելու համար։

ՀՀ Նախագահի աշխատակազմի նախկին ղեկավար, Ազգային անվտանգության խորհրդի նախկին քարտուղար Արմեն Գևորգյանին մեղադրանք է առաջադրվել այն բանի համար, որ նա, 2006 թվականի փետրվարից մինչև 2008 թվականի ապրիլի 21-ը զբաղեցնելով նշված պաշտոնները, օգտագործելով իր պաշտոնեական դիրքը, խոչընդոտներ վերացնելու և ցուցումներ տալու եղանակով օժանդակել է ՀՀ Նախագահ Ռոբերտ Քոչարյանին՝ ՀՀ սահմանադրական կարգը տապալելու մեջ։

Բացի այդ, Արմեն Գևորգյանը, հանդիսանալով պետական մարմնում մշտապես կազմակերպչական-տնօրինչական գործառույթներ իրականացնող պաշտոնատար անձ, «Թի Էս Էս Սի Արմենիա» ՍՊԸ տնօրեն Սիլվա Համբարձումյանի օգտին գործողություններ կատարելուն նպաստելու համար 2008թ․–ի ապրիլին Սամվել Մայրապետյանի օժանդակությամբ նրանից ստացել է առանձնապես խոշոր չափերով՝ 309․000․000 ՀՀ դրամին համարժեք 1․000․000 ԱՄՆ դոլար կաշառք։ Ապա` թաքցնելով ու խեղաթյուրելով նշված գումարի իրական բնույթն ու ծագումը՝ օրինականացրել է առանձնապես հանցավոր ճանապարհով ստացված եկամուտները։

Քրեական գործն ընդունվել է դատարանի վարույթ, բայց նիստի օրն առայժմ նշանակված չէ։

Գործը մակագրվել է Երևանի ընդհանուր իրավասության դատարանի դատավոր Վարդան Գրիգորյանին։

Նշենք` մինչ այդ տեղեկություններ էին տարածվել, որ դատավորները հրաժարվում են այս գործն ընդունել։ Այդ մասին տեղեկություններն ապրիլի 29-ի ասուլիսում չհերքեց նաև ՀՀ արդարադատության նախարար Արտակ Զեյնալյանը` նշելով, որ դատավորների վարքագծի վերջնական գնահատականը կարող է տալ միայն բարձրագույն դատական խորհուրդը։

287
թեգերը:
«Մարտի 1–ի» գործով դատավարություն, Ռոբերտ Քոչարյան, Հայաստան
թեմա:
Ռոբերտ Քոչարյանի գործը (443)
Ըստ թեմայի
Ռոբերտ Քոչարյանը հանգիստ տարավ դատարանի որոշումը. պաշտպանները կբողոքարկեն այն
Ռոբերտ Քոչարյանը հանդիպել է իր թոռնիկի հետ. ՀՔԾ պարզաբանում է և մանրամասներ ներկայացնում
Ռոբերտ Քոչարյանը զբոսնում է թոռնիկի հետ. տեսանյութ
Фотографии обломков беспилотника, сбитого подразделениями ПВО Армии обороны

Հայկական ԶՈւ-ի կողմից խոցված ադրբեջանական ԱԹՍ-ներից մեկի լուսանկարը համացանցում է հայտնվել

3
(Թարմացված է 18:40 13.07.2020)
Հայկական զինված ուժերն այս 2 օրվա ընթացքում հակառակորդի մի քանի ԱԹՍ են խոցել, այդ թվում նաև՝ կամիկաձե։

ԵՐԵՎԱՆ, 13 հուլիսի – Sputnik. Համացանցում է հայտնվել հայկական ԶՈւ-ի կողմից հայ-ադրբեջանական սահմանի Տավուշի հատվածում խոցված ադրբեջանական անօդաչու թռչող սարքերից մեկի լուսանկարը։ Banak.info մասնագիտացված կայքի նախնական տվյալներով՝ սարքը Thunder-B տեսակի անօդաչու թռչող սարք է։

Ինչպես արդեն տեղեկացրել էինք, հայկական զինված ուժերն այս 2 օրվա ընթացքում հակառակորդի մի քանի ԱԹՍ են խոցել, այդ թվում նաև՝ կամիկաձե։

Сбитый азербаджанский беспилотник
© Photo : banak.info
Сбитый азербаджанский беспилотник

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրք:
Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

Հայկական կողմն ունի 5 վիրավոր, ադրբեջանական կողմը` չորս զոհ։

 

 

3
թեգերը:
անօդաչու, հայ-ադրբեջանական, Տավուշ, Ադրբեջան
Արխիվային լուսանկար

Ինչ բացառություններ կան ինքնամեկուսացման կարգում, և ինչու ընդդիմությունը դժգոհ մնաց

17
(Թարմացված է 18:29 13.07.2020)
«Բարգավաճ Հայաստանի» առաջարկին «Իմ քայլը» դեմ քվեարկեց: Նախագիծը 21 կողմ և 60 դեմ ձայներով մերժվեց: Իսկ արտակարգ դրության երկարացման իրավական ռեժիմն ուժի մեջ մտավ կառավարության որոշմամբ:

ԵՐԵՎԱՆ, 13 հուլիսի – Sputnik. ՀՀ ԱԺ-ն ավարտեց արտակարգ դրության ժամկետը մինչև օգոստոսի 12-ը երկարացնելու մասին` կառավարության որոշման քննարկումը:

Այդ հարցով հրավիրված ԱԺ հատուկ նիստում ԱԺ «Բարգավաճ Հայաստան» խմբակցության պատգամավոր Միքայել Մելքումյանն իր ելույթում նշեց, որ արտակարգ դրության նախորդ 4 ամիսներին իշխանությունների կատարած քայլերի ռեալ գնահատականն առ այսօր տրված չէ:

«Գալիս եք, ասում եք՝ մի ամիս էլ երկարացնենք: Ինչի՞ համար եք երկարացնում: Միգուցե հիմա էլ են շարունակվում հայեցակարգային սխալները»,- ասաց Մելքումյանը:

Նա նաև անդրադարձավ սոցիալ-տնտեսական իրավիճակին՝ նշելով, որ օգոստոս-սեպտեմբեր ամիսներին վիճակն էլ ավելի է վատանալու:

Կառավարությունը քննարկել է պարետային ժամ սահմանելու հարցը

«Կան հնարավորություններ վիճակը շտկելու, բայց այդ լուծումները ժամանակին չեն գտնվում, կան մարդիկ, որոնք կարծում են, որ միայն իրենք գիտեն` ճիշտը որն է, վիճակն ավելի է վատանում»,- ասաց նա:

«Բարգավաճ Հայաստան» խմբակցության պատգամավոր Արման Աբովյանն էլ հայտարարեց, որ ԲՀԿ-ն ներկայացրել է մի փաստաթուղթ, որով նախատեսվում է վերացնել արտակարգ դրության իրավական ռեժիմի մասին ՀՀ կառավարության որոշման՝ հավաքների ազատության սահմանափակումներին վերաբերող դրույթը:

Արման Աբովյանի խոսքով` օրինագիծը մշակվել է ԲՀԿ-ի և արտախորհրդարանական ընդդիմադիր ՀՅԴ և «Հայրենիք» կուսակցությունների համատեղ աշխատանքի արդյունքում:

«Առաջարկվում է, որ հանվեն հավաքներ ու այլ հանրային միջոցառումներ անելու սահմանափակումները, քանի որ ՀՀ Սահմանադրության համաձայն` ՀՀ-ն ինքնիշխան, ժողովրդավարական, սոցիալական պետություն է»,- ասաց Աբովյանը:

«Լուսավոր Հայաստան» խմբակցության ղեկավար Էդմոն Մարուքյանը ևս իր ելույթում իշխանությանը կոչ արեց վերանայել «անտրամաբանական» սահմանափակումները:

Անդրադառնալով սոցիալ-տնտեսական վիճակին՝ պատգամավորը նշեց, որ արտակարգ դրության ժամկետի երկարացման 4-րդ որոշումն ընդունվում է գործազրկության, սոցիալական ծանր պայմաններում ու առողջապահական համակարգի ծանրաբեռնվածության իրավիճակում:

«Տնտեսությունն ըստ էության` բաց է, բայց ռեստորանային սեկտորի աշխատակիցները պարբերաբար բողոքում են կառավարության դիմաց: Դրան գումարվում է արտագնա աշխատողների խնդիրը, որոնք չեն կարողանում մեկնել աշխատանքի, դրան գումարվում է տուրիզմի սեկտորի չաշխատելը»,- ասաց Մարուքյանը:

Էդմոն Մարուքյանը հիշեցրեց, որ ՀՀ արտակարգ դրության մասին օրենքով սահմանված առավելագույն ժամկետը 30 օրն է, հետևաբար, նրա մեկնաբանմամբ, այս ընթացքում ընդունված բոլոր որոշումներն ու սահմանափակումներն ապօրինի են:

Կառավարությունը որոշեց 4-րդ անգամ երկարաձգել արտակարգ դրությունը

Մարուքյանը խոստացավ, որ այս հարցերը մանրամասն քննարկման առարկա են դառնալու սեպտեմբերին ստեղծվող կորոնավիրուսի դեմ պայքարի քայլերի ժամանակավոր քննիչ հանձնաժողովում:

«Իմ քայլը» խմբակցության անունից իր ելույթում ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն ընդդիմադիր որոշ ուժերի մեղադրեց առկա լարված իրավիճակն էլ ավելի լարելու փորձերի մեջ: Նա հայտարարեց, որ «Իմ քայլն» անվերապահ աջակցություն է հայտնւմ կառավարությանը արտակարգ դրության ժամկետը ևս մեկ ամսով երկարաձգելու հարցում:

Փոխվարչապետ Տիգրան Ավինյանն էլ, անդրադառնալով սահմանափակումները հանելու` ընդդիմության առաջարկին, հիշեցրեց, որ հանրային հավաքների ու միջոցառումների մեջ ոչ միայն բողոքի ակցիաներն են, այլև հարսանիքները, նշանդրեքները և այլ բազմամարդ միջոցառումները:

«Պետք է նաև հիշենք, որ համաճարակի ամենասկզբում նմանատիպ մի միջոցառման արդյունքում միանգամից 70 վարակակիր ունեցանք»,- ասաց Ավինյանն, ակնարկելով Էջմիածնում մարտին տեղի ունեցած նշանդրեքի արարողության հետևանքները:

Փոխվարչապետը հայտարարեց, որ ներկա իրավիճակում ընդդիմության առաջարկը քննարկման ենթակա չէ:

Արդյունքում «Բարգավաճ Հայաստանի» առաջարկին «Իմ քայլը» դեմ քվեարկեց։ Նախագիծը 21 կողմ և 60 դեմ ձայներով մերժվեց:

ԱԺ հատուկ նիստն այսպիսով ավարտվեց, իսկ կառավարության որոշմամբ արտակարգ դրության երկարացման իրավական ռեժիմը մտավ ուժի մեջ:

Հիշեցնենք՝ կառավարությունն այսօր արտահերթ նիստում որոշեց Հայաստանում արտակարգ դրության ռեժիմը երկարացնել ևս մեկ ամսով, որը կձգվի մինչև 2020թ-ի օգոստոսի 12-ը, ժամը 17։00-ը:

Ըստ կառավարության` մարտի 16-ին արտակարգ դրություն հայտարարելու համար հիմք ծառայած հանգամանքներն առ այսօր չեն վերացել:

Նշենք, որ կառավարության ընդունած նոր որոշման մեջ գրեթե ամեն ինչ նույնն է, ինչ հունիս-հուլիսին՝ հանրային բաց և փակ տարածքներում պարտադիր դիմակներ կրելու պարետի որոշումը շարունակում է գործել: Չկրողները (բացի առանձին առողջական խնդիրներ ունեցող անձանց խմբերից) շարունակելու են տուգանվել:

Կորոնավիրուսով վարակվածներն ու նրանց հետ շփված անձինք էլ շարունակելու են մեկուսանալ ու ինքնամեկուսանալ, անհրաժեշտության դեպքում էլ՝ տեղափոխվել հիվանդանոց:

182 նոր դեպք` մեկ օրում. Հայաստանում կորոնավիրուսով վարակվել է 32 151 մարդ

Միակ փոփոխությունը, որ արվել է կառավարության ընդունած նոր որոշման մեջ, այն է, որ հստակեցվել է, թե որ պետական կառույցներն են ինքնամեկուսացման հրահանգ տալու վարակակիրների հետ շփում ունեցած քաղաքացիներին: Այդ իրավունքը վերապահվել է Առողջապահության նախարարությանը և Առողջապահության և աշխատանքի տեսչական մարմնին:

Ընդ որում, այս հրահանգը քաղաքացուն տրվելու է բանավոր, այնպես, ինչպես արվում է առ այսօր, բայց քաղաքացին իրավունք է ստանալու պետական մարմնից գրավոր ձևակերպում պահանջելու ու այդ դեպքում այն քաղաքացուն պետք է տրվի մեկ աշխատանքային օրվա ընթացքում:

Մեկ բացառություն էլ արվել է արտահիվանդանոցային պայմաններում բժշկական օգնություն ստացող կորոնավիրուսով հիվանդների ու նրանց հետ շփված` մեկուսացման մեջ գտնվող անձանց համար:

Նրանց տնից դուրս գալը՝ բժշկական բուժհիմնարկներ այցելելու, բուժօգնություն ստանալու, լաբորատոր-գործիքային հետազոտություններ անցնելու նպատակով, հուլիսի 13-ից հետո այլևս չեն դիտարկվի որպես ինքնամեկուսացման կարգի խախտում:

Հայաստանում արդեն ավելի քան 90 հազար մարդ է տուգանվել. ոստիկանությունը ուշադիր հետևում է

17
թեգերը:
կորոնավիրուս, ինքնամեկուսացում, «Լուսավոր Հայաստան» կուսակցություն, Բարգավաճ Հայաստան կուսակցություն (ԲՀԿ), ընդդիմություն
թեմա:
Կորոնավիրուսը Հայաստանում և Արցախում
Ըստ թեմայի
Արտակարգ դրություն 4. կյանքի ու առողջության իրավունքից մինչև հավաքներ անցկացնելու իրավունք
Ինչ է փոխել ՀՀ քաղաքացիների կյանքում արտակարգ դրությունը
Հայաստանում արտակարգ դրությունը ևս մեկ ամսով կերկարաձգվի. Նիկոլ Փաշինյան